{شآركينآ يوميآآتكـ أخسري آلوزن آلزائد معنآ~

[غزاله ومايصيدونها]

السلام عليكم ورحمه الله وبركاته مسائكم /صباحكم نشاط حبوبات لها اليوم راح نبدا حملتنا بإذن لله بهذا الموضوع حابين ننوصل للوزن المثالي والمحافظه عليه وراح نكتب يومياتنا من فطور وغداء وعشاء أولا راجعوا رابط الموضوع الأصلي وطبقوا عليه {أخسري آلوزن الزائد معنآ~ هدفنا .. رشاقة .. صحة .. خفة .. جمال ..إسلوب حياة صح ! وتجنب الأمراض والسمنه مووضوعي مو للكسالى .. مو للي تقول ماقدر .. مو للانهزاميين هذول ما أحبهم ،، احنا قاهرين الشحوم والدهون وبإذن الله راح نحقق هدفنا ونصير ع أحسن مايكون أول خطوة بالرجيم .. تعترفين إنك فعلا تحتاجين رجيم ،، وإن عاداتك الغذائية غلط غلط غلط إن كنتِ مو مقتنعه إنك غلط .. راح تكملين بالغلط وهذا اللي احنا مانبيه الوعي بالرجيم = قوتك الرجيم مو حرمان .. ولا تعذيب ... ولا منع اي نوع من الغذاء .. الرجيم هو .. التحكم بالكمية والنوعية ،، الخلاصة : راقبي نوعية اكلك احسبي انتي كم تاكلين ،، الجانب النفسي مهم للدايت معلومة يمكن الأغلب ماراح يصدقونها نفسيتك اذا ماكانت مرتاحة ( تحلطم .. يأس .. تظنين إنك من النوع اللي مايضعف ) هالشي يأثر عليك بشكل سلبي .. شلون ؟ إذا كنتِ مؤمنه بهالأفكار راح يعزز عندك الكسل .. والاستسلام ،، وهالشي يدمرك تماما وخري عن الأفكار السلبية الصبر حلو .. دايما قولي أنا أقدر .. خلي عندك هدف .. ورقم واقعي للخسارة الاسبوعية ،، ( سوالف 10 كيلو باسبوع و لا 30 كيلو بشهر ابدا ماينفع ) أهم شي ننزل بدون رجعه وخليكم متفائلين وسمايل دومم وإن شاء الله كل جمعه راح نوزن ونقول كم خسرنا والمفاجاة السارة اللي راح تنزل أكثر وحده لها وسام وبطاقه شحن بشرط يوميا تكتبي بهذا الموضوع يومياتك يلا شدوا الهمه ي عسسولات ورونا نشاطككم وحماسسكم صبايا وبالله التوفيق مشرفات القسم غزاله ومايصيدونها إيقــــــــــاع المطــــــر حلاي من حلا روحي