دروس تقوية لمآدة writing تعريف بالمآدة..

[حنين الود]

نجي لشرح النقآط الأسآسية لكتآبة الـessay

المشاركة الأصلية كتبت بواسطة Al-majesty السلام عليكم ورحمة الله وبركاتة لـ essay ثلاثة عناصر رئيسية : 1- introduction مقدمة بسيطة للموضوع اللي تبين تتكلمين فيه بصفة عامة وتلميحات للعناصر اللي تبين تحطينها بموضوعك 2- Body بعد المقدمة تدخلين في الموضوع وتتكلمين بشكل توضيحي اكثر وتوضحين المسالة اللي تبين تتكلمين عنها في نفس البودي قبل الاخير تدافعين عن الاطروحة اللي طرحتيها اما باقول او بحجج وبراهين تدعم مقالتك 3- conclusion النهائية تختصرين الكلام اللي قلتيه باسلوب مختصر وبسيط ..... هذا والله اعلم ونسبتى للحق أحكم ومن اراد ان يزيد من الاخواة الكرام يكون افضل لتعم الفائدة للجميع

[حنين الود]

فيه كلمآت مسآعدة مفيدة في كتآبه المقآلة إن شاء الله تستفيدوآ منهآ هيآ مجرد مفآتيح لآزم إنتوآ تبحثوآ عن كلمآت مشآبهة لهآ أو مثلهآ تحفظوهآ تفيدكم في إثرآء المقآله بأسآليب جيدة ..إن شاء الله في وقت لآحق رح أضيف قآئمة من الكلمآت المهمة الموجوده في كتآب college writing skills with reading

المشاركة الأصلية كتبت بواسطة ام عبد الرحمن بسم الله الرحمن الرحيم السلام عليكم ورحمة الله وبركاته رآح أقدم لكم مجموعة من العبارات المساعدة لكتابة تعبير إنجليزي كلنا نوافق على أن ... All of us agree that … بدون شك أن ... There is no doubt that … لا أحد ينكر اهمية .. Nobody can deny the importance … بدون شك .. Undoubtedly … في رأيي أعتقد أن ... In my opinion, I think that … أولاً ، اعتقد انه .. First of all, I believe that … لا داعي أن نقول أنه .. Needless to say that … ومن الناحية الأخرى أقترح .. On the other hand, I suggest that … و بالعكس .. On the contrary … بالتالي ..أو نتيجة لذلك ... As a result … علاوة على ذلك ... Moreover … بالإضافة إلى ذلك ... In addition … إلى جانب ذلك ... Besides … وعلاوة على ذلك .. Above all … يلعب دوراً هاماً في حياتنا .… play (s) an important role in our life . وباختصار .. In summary … و خلاصة القول .. To summarize … نتطلع إلى مستقبل افضل .. We look forward to a better future … يجب أن نبذل كل مانستطيع لنحقق ... We should do our best to realize … وفي الختام أحب أن اعترف أن ... To conclude, I would like to confess that … وفي النهاية يجب أن نعترف أنه ... Finally, we have to admit that … يجب أن نعمل بأمانة وجدية ... We should work honestly and seriously … منقول لعيونكم

[حنين الود]

نجي لـ الق لق لق والكلآم الكتيرميييين ؟؟ أنآ ..
بالنسبة الشرح الي كآتبتو هنآ بالعربي ..بس يوصل الفكرة وشرحهآ بطريقه سهلة ..وطبعآ مو أكآديمية بس يوضح الطريقة بشكل سريع وسهل وإن شاء الله توضح لكم الفكرة العآمة ويسهلها يآرب خصوصآ للمستجدآت والمستجدين يعني المستوى الثآلث ..

المشاركة الأصلية كتبت بواسطة حنين الود التوبيك سنتنس بتتكلم عن الموضوع كله المين ايديا بتككلم عن البراقراف والتوبيك سينتس تتضمن المين ايديا والعكس مايصير مثلا فيه موضوع بيتكلم عن الهيلثي فود التوبيك سينتس اهميه الهيلثي فود على صحتنا وتأثيره عليها المين ايديا الاولى كيف نقدر نختار الهيلثي فود المين ايديا التانيه ايش الاشياء الي لازم نتفاداها عشان يكون الاكل تبعنا هيلثي؟ المين ايديا التالته ايش فايده الهيلثي فود هل اقدر اقول انو التوبيك سنتنس هيا ايش الاشياء الي لازم اتفاداه في الاكل عشان يكون هيلثي؟ طبعا غلط لانو التوبيك لازم يكون اوسع وجينرال اكتر من المين ايديا والمين ايديا تكون سبيسفك ومحدده اكتر من التوبيك سنتنس والتوبيك سنتنس بتشرحلك الموضوع كله بيتكلم عن ايه وتقدري تلقيها بسرعه لو ركزتي وفهمتي الموضوع حتعملي المقارنه الي فوق بسهوله لو فاهمه عن ايه بيتكلموا وتوصليلها بسرعه والمين ايديا لو حتقولي انو هيا الهيلثي فود بس حتكون غلط لانها جرال وواسعه بالمره وغير محدده وبعض البراقرافات فيها تحديد يعني ماتقدري تقولي انها المين ايديا للبراقراف التاني لانو هوا بيتكلم عن الاشياء الي لازم نتفاداها عشان يكون الأكل تبعنا هيلثي.... يااااارب تكوني فهمتي لو حابه اشرحلك كمان قوليلي

المشاركة الأصلية كتبت بواسطة حنين الود الرايتنق عباره عن كتابه مقاله بالانجليزيه يعني essay ويكون فيها مقدمه الي اسمها بالانجليزي كدا introduction وهيا عباره عن براقراف واحد تعرف فيه ايش حتتكلم في موضوعك عشان تبدأ في الموضوع وبعدين براقراف وتحته براقراف تتكلم فيها ن الموضوع بتفاصيل شويه والخاتمه الي هيا اسمها conclusion انتبه لان كل خطأ املائي تنقص عليه ربع درجه وتكرار الكلمه نفسها في البراقراف يخليك تنقص درجات الماده يبغالها تركيز شويه ولو ذاكرت وقرأت مقالات وتلاخيص الشباب الي في قسم الملخصات ان شاء الله تتيسر وبرضو ارجع للكتاب اقرأ القاعدات الي فيه بفهم وتركيز راح تلاحظ انو انتا حافظها لانها قديمه بس بالكتابه بتتركز فيها وبحاول اعطيك فكره عن طريقه السؤال مثلا احنا على ايامنا كان الاختبار نكتب example essayمثلا او مقاله نوصف فيها شي معين جانا مره نوصف المول ( السوق ) ومره من المرات كان الاختبار عن النعم في حياتك (البليسنق) كيف تكتب المقدمه يعني تبدأ تتكلم في جمله بسيطه عن اهميه النعم في حياة الانسان وانها تؤثر على الانسان وانه نعم من عند ربنا وانو احنا لازم نقدرها ونحافظ عليها وهيا لاتعد ولاتحصى لكن انا حتكلم عن اهم نعم ربنا اعطاني هيا وتذكرها كتعداد الاهل والعائله , الماء, الاصدقاء , الحواس الخمس مثلا زي كدا وتنهي البراقراف الي هوا ايش؟ intoduction نجي للبراقراف الي بعده الي هوا جسم المقاله يتسمى body وعليه درجات كثيره لانو بيوضح الافكار لما تجي تكتب لازم ترتب كلامك وماتتنقل بين الافكار على كيفك التزم بفكره فكره ولاتروح للفكره الي بعدها الا لما تخلص منها لاتتكلم عن فكره وبعدين تروح للي بعدها وبعدين ترجعلهاو دي اهم نقطه نرجع لموضوعنا البراقراف التاني تبدأ تتكلم فيه تقول مثلا اول نعمه عليه هيا الحواس الخمس لانو بدأت احس فيهاوادرك اهميتها من صغري وزي كدا وحط جمل اتفلسف فيها وتكون مرتبه وسهله صياغتها واستعمل جمل بسيطه في الكتابه وتبدا تتكلم عن العين جمله وعن اللمس مثلا جمله وعن حاسه التذوق جمله وكلها خليها بسيطه وتنهي الكلام عن الحواس تروح بعدها تقول والنعمه التانيه الي ربي انعم عليه فيها الي هيا سبب سعادتي في الدنيا هيا اهلي واصحابي لانهم يدعموني ويحبوني ويعطوني دافع في الحياه وزي كدا كلام مرتب وسهل بس يبغاله مخ نظيييييف وتروح للبراقراف التاني تتكلم عن نعمه الماء وايش تمثلك في حياتك انو انت تحس انها سبب من اسباب صحتك وممكن كمان تتكلم عن الصحه انها نعمه وتتكلم عنها في كم جمله انتا لما تبدأ تكتب حتحس الافكار تجيلك حبه حبه وبعدها تنهي البراقراف بجمله مرتبه وبعدين تجي للخاتمه الي هيا conclusionوتقول فيها جمله تختصر فيها الكلام الي قلته او ممكن تقول to conclude , these were the most important things in my lifeاو تقول انها اهم نعم انعم فيها ربي عليك الي هيا الصحه والاهل والاصدقاء وكدا وكدا ترجع تعددها باختصار شديييييييييييد وتكتب جمله خاتمه من عندك تقول انو مثلا احمد ربي عليها واتمنى اني احافظ على النعم دي وزي كدا اتمنى اكون شرحت الفكره كويس

المشاركة الأصلية كتبت بواسطة حنين الود البراقراف الأول لو كتبت فيه 5 سطور بجمل واضحه ومرتبه وبدون اخطاء املائيه وتكون وضحت الفكره الرئيسيه مزبوووط والبراقراف التاني كتبت 8 سطور وبتوضيح والتالت كمان 8 سطور والاخير 4 او 5 سطور بنفس التركيز والترابط ان شاء الله تعدي الماده على خير يارب ركز لاتعمل أخطاء كتير ركز على الأشياء الي المفروض لاتعملها يعني لاتلخبط الجمل لاتكتب كلمات مو متأكد من املائها رتب موضوعك قبل ماتكتبه في ورقه خارجيه اكتب الفكره الرئيسيه وتحتها كم جمله مثلا موضوع النعم يعني البليسينق يعني اكتب الفكره الاولى الاهل والعائله < مثلا تكتب تحتها فكره واضحه انو هما سبب سعادتك ودعمك ويحبوك ويخلوك انسان افضل في دي الحياه وكم فكره تحتها عشان لما تجي تكتب تعرف عندك افكار كفايه والا لا الفكره التانيه<< الاصدقاء برضو نفس الشي لو شفت انها ماتصلح تقدر تغيرها وتجيب فكره فيها كلام مثلا تشوف انو الحواس فيها افكار اكتر واسهل وتعرف تتكلم عنها تقوم تختارها بدل الاصدقاء الفكره الثالته الماء << شوف فوق لاحظ ماعرفت اتكلم عنها قمت قلت اتكلم عن الصحه لانو جاتني فكره وقتها ونفس الوقت مالقيت كلام عن المويه الفكره الرابعه الصحه < انو مثلا مهمه في حياتك تسمحلك تمارس حياتك الطبيعيه وتتمتع بحياتك وانك تقدر النعمه دي وتحمد ربي عليها وكيف انتا بتحاول تحافظ عليها عن طريق الاكل الصحي والرياضه وممكن انك تستخدم حياتك وتستمد منها الالهام يعني قول مثلا الحمد لله صحتي كويسه وانا مبسوط الحمد لله بيها لانه بسبب صحتي الي ربي اداني هيا اقدر العب مع اطفالي وزي كدا حاول تكون افكارك مرتبه يعني بعد ماتخلص عن الصحه ممكن تتكلم بعدها عن نعمه اطفالك وانها تجربه جديده في حياتك وانها نعمه جديده انعم بيها ربي عليك وانك ماكنت تحس فيها الا لما جاتك وزي كدا يارب تكون وصلت فكرتي