عندك رايتنق 1 تبغين درجات اكثر بجهد اقل ... تفضلي

[122]

بصراحه دعواتكم الطيبه تستاهل التعب
المهم انا اخذت الرايتنق مع مايا وكانت رائعه في شرحها و حرصها على انها تعطينا اهم الاشياء اللي ترفع او تنزل درجاتنا
هي نصحتنا في البدايه انه نكتب في هامش الورقه من الخلف ملخص لموضوع البرغراف
اكبر غلط انك تكتبين الموضوع على طول
اقلبي الورقه واكتبي
1 العنوان ... بعدين حطي العنوان
2 التوبيك سنتنس واكتبي مختصر لها فقط يذكرك فيها عند الكتابه
3 الجينيرال سنتنس ونفس الشي مجرد كلمتين تذكرك بالجمله اللي في بالك
4 لكل موضوع لازم 3 افكار اكتبي كل فكره بسطر وطلعي من كل فكره 3 اسهم لانه لازم لكل فكره اقل شي 3 اشياء تشرحها
5 اكتبي مختصر للجمله اللي تلخص البرغراف concluding
احنا راح يجينا موضوعين يعني بنكتب براقرافين فلازم الخطوات اللي فوق نسويها مرتين
يا بنات جيبو معاكم ساعاتكم بالاختبار واحسبو الهوامش ما تضيعون عليها اكثر من 10 دقايق للاثنين او بالكثير 15دقيقه
البنات اللي على طول يبدأون بالكتابه راح تتشتت افكارهم بالنص لكن اذا رتبتي نفسك وسويتي الهامش بسرعه راح تكتبين وانتي عارفه وش بتكتبين عنه
حاولو تجربون كتابه موضوع بدون هوامش مره ومعها مره ثانيه وانتو بانفسكم احكمو وش الافضل لكم انا بصراحه حسيتها تريح وتساعد
طيب نجي للعنوان
العنوان لازم ما يكون طويل مره لدرجه انه يصير جمله هذا غلط .. ولا قصير مره ويكون كلمه هذا برضو غلط لو طلبو موضوع عن traditonal treatments
وكتبتي The Treatments هذا غلط لان الموضوع عام جدا و قصير
ولو كتبتيTea is a Wonderful Treatmen هذا كمان غلط لانك كتبتي تفاصل في العنوان اللي هو الشاهي وهما طلبو منك الادويه ككل يعني مو كل البراغراف عن شي واحد
افضل عنوان راح يكون مثلا
Amazing Traditonal Tratments
هذا الكلام موجود بالكتاب حتى العنوان هم استخدموه في واحد من البراغرافات
ادوات الربط مثل and - but ما تنحط كبيتال ابدا الا اذا كانت اول كلمه بالبرغراف
الوقت تاخر وان شاء الله بكره نكمل