نَحْنُ وَثقَآفَــة الحِـــوَآر (لمآذآ عندمآ نختلف في الآرآءِ نفتــرق ؟!)

[بحر الحرية]

أهلا هاي:
ايش تبغاني أثبتلك الله يسعدك في الرد اللي أنا كاتبه؟!
أثبتلك وجهة نظري من أيت ناحية؟؟
يعني الشيء الغلط هل لازم كمان نثبت إنه غلط، وبعدين نثبت إثباتنا إنه إثبات ونثبت إثبات الإثبات.. راحت حياتنا إثبات في اثبات لأمور غير منطقي إثباتها..
أنا كتبت أشياء خاطئة بتصير، انتاا تشوفني غلطت فيها، قلتلك اقتبس وعلق، شي مو واضح(فعلا) كمان اقتبسه وقلي يا بحر إيش قصدك>> بس قبل ما تجتهد وتفسر.. لأنك لمن تجتهد راح أحكم على الكلام المكتوب قدامي..

بعدين ياخي انتاا خاطبتني لوحدي، خاطبت (بحر الحرية) يعني أي كلمة راح تكون موجهه لياا، مو شرط إنك لازم تكتبلي بحر قال، وإذا ما تقصد إني قلته، فليش كتبته لياا؟؟
يعني إيش الفايدة من عبارة: وهل المسلمون يعملون بغير ما قال الله؟!
أنا إيش اللي قلتله عشان تقلي هذا الكلام وكلامك اللي بعدهاا؟!

هياا حاجة من:
يا إنك تشوفني غلطان أو قلت شيء مخالف وعشان كداا تقلي مستنكر هذي العبارة!
يا إنك تبغى توعظني وتذكرني فيها للفايدة العامة، ومهي متعلقة بالاقتباس لردي!
يا إنه كلام كتبته لياا بدون أي هدف، وقاعدين نضيع وقت أنا وانتاا ف الأخذ والرد فيه!

وبالنسبة لردي وإنه يحمل أكثر من رسالة وعلى قلتك وإنه غامض:
أنا تكلمت ف الرد كله عن نقطتين أنا برأيي شفتها، 1- كذا 2- كذا
ايش اللي يحمل أكثر من رسالة؟!
بعدين لا فيها تطويل ولا فيها شرح ولا فيها استدلال ولا فيها أي شي ممكن أقول إنه يخليها غير واضحة، لأني ما أكذب عليك شكيت إنه الكلام غير واضح فعلا، بس لقيت ما فيه شي، ولا فيه أي صلة مع تعليقك اللي علقت فيه عليه.
أخ هاي ما راح ننتهي لو أنا أرد وانتاا ترد على عموم، أنا الآن أبغى أعرف عشان نوصل لنقطة واضحة بدل كلام العموم:
الكلام اللي أنا كتبته صحيح ولا غلط؟
إن كان صحيح كله فأعتقد مافي أي مشكلة وينتهي النقاش بيني وبينك.
إن كان غلط كله راح أرجع أعقب عليك بحسب الكلام اللي تذكره
إن كان صحيح في جزئية وخاطئ في جزئية بين لي الشي الغلط، وقلي يا بحر هذا غلط، ولا تكتب كلامك لياا على عموم بعدين تقلي ما قلت بحر وانتاا تخاطبني فيه باسمي، عشان نكون واضحين.

بانتظارك
...