تم ارسال معاملة الكترونية دوووني علمي وبرقمي الجامعي ؟؟

[دمي حار]

فوجاءت برسالة على الجوال يوم الاحد الموافق 26/ 7 تم استلام معاملتك الالكترونيه بنجاح وفيها رقم المعاملة مع العلم اني مارسلت شي ولا ادري عن شي .. ولما رجعت برقمي الجامعي لقيت رسالة الالكترونية مفادها

سلام عليكم أنا طالبة انتساب سنة تحضيرية خطة أ أرجو من سيادتكم بقرائه طلبي اريد من سيادتكم اعادة تصحيح مادة التحليل الاحصائي ومادة التحليل الكمي وفقكم الله وشكرا جزيلا لكم ..

هدا نص الرساله بالحرف .. وتم الرد عليها من قبلهم .. وأنا ناجحه ولله الحمد في دي المادتين ولا طلبت انو يتعاد تصحيحهم ولا حتى فكرت ..

مع العلم انو ما فيه حد يعرف رقمي الجامعي والباسوورد علشان اقول ارسلت منها .. اللى يعرف يفيدني بشي من المشرفين او الاداريين او الاعضاء علشان ما يتكرر شي اكبر من كدا ياليت يقول ايش اعمل ؟؟

بجد انصدمت من دي الحركه ؟؟

[المتململ]

يمكن خطأ
ليش ما تتصلي عليهم

[ahfa2009]

يمكن واحد من الناس راسب في المادتين ومن القهر مرسل الرقم الجامعي وبدل ما يكتب الرقم الاخير 5 كتبه 8 وجاتك الرسالة ^ة^ لا تشيلي هم وبالتوفيق

[$ الـجـوهـرهـ $]

لو انك ياغاليه بجده لازم تروحي للجامعه بنفسك


لان موظفين السنترال يهروكي ويطفشوكي قبل مايردو عليكي



احسن روحي وكمان متأكده أنك ناجحه بالهمين هذولا



لا يأثر عليكي بجد ويقولوا لكي ماجيتي راجعتينا بنفسك


ويخلوكي انتي الغلطانه

[فيصل ابوعبدالله]

الغلط وارد ولين ارقام الجامعية تسلسليه غير المرسل الرقم بالخطا

[دمي حار]

ان شاء الله يكون غلط بس ياااا حرام بتلاقيها تنتظر الرد ..

وان الله راد بتصل عليهم اشوف ايش الهرجه ..


شاااااااكرهـ لكمـ ردكم ..

[D.A]

طيب انا خارج جدة ومني قادرة احضر للجامعة عشان اراجع اوراق المواد الي ابغى اعادة للتصحيح فيها ومني عارفه كيف اقدم معامله الكترونية..... ممكن اذا احد اعرف يقولي الطريقة