استفسار بخصوص التوفل / ايلتس / طريقة قبول الجامعات في امريكا انا راح اجاوب عليهم

[Eva160]

السلام عليكم ورحمة الله وبركاته

انا طالبه مبتعثه على امريكا بتخصص هندسة كيميائيه.
اتمنى من الجميع اللي عندهم اي استفسار من اللي ذكرتهم كتابتها هنا. لانو مااقدر ارد على الخاص لانو عدد مشاركاتي مره قليله. ماحبيت انو يكون عندهم فكره انو انا بطنشهم .

واللي ارسلوا على الخاص عايدي اجاوب اسئلتكم هنا ولا.

وعليكم السلام والتوفيق للجميع في الدنيا والآخره

[دلع واسلوبها ولع]

جيتي وربي جابك
شوفي انا حابه اكمل ماستر لغويات اجتماعية
انا مايله لاستراليا
بس صاحيتي نصحتني بامريكا هيا الحين تدرس اللغه هناك
بس انا متردده وخايفه من امريكا من ناحيه الامن
عاجبتني استراليا لانها نسبيا بلد محايد
انتي كيف وضعك هناك من ناحيه الغربه و المعيشه والدراسه و معامله السكان

[Eva160]

المشاركة الأصلية كتبت بواسطة دلع واسلوبها ولع جيتي وربي جابك شوفي انا حابه اكمل ماستر لغويات اجتماعية انا مايله لاستراليا بس صاحيتي نصحتني بامريكا هيا الحين تدرس اللغه هناك بس انا متردده وخايفه من امريكا من ناحيه الامن عاجبتني استراليا لانها نسبيا بلد محايد انتي كيف وضعك هناك من ناحيه الغربه و المعيشه والدراسه و معامله السكان

هوا صح في البدايه صعبه، بس مع مرور الوقت راح تتأقلمي. انا ماني حاسه بالغربه الحمدلله بتواصل مع الأهل وصحباتي اللي في السعوديه في skypeومن الجوال برنامج whatsapp / viber.

من ناحية المعيشة المدينه اللي انا فيها ، بالصراحه مافيها طلاب او طالبات سعوديات. الى آن اتعرفت بس واحد سعودي. السكان اللي انا فيها مره طيبين، الايجار الحمدلله من شقه وفاتورة الكهرباء مع النت ما توصل اكتر من 1500 دولار، الحمدلله الباصات مجانا.
والحمدلله المشرفة المسؤوليه عني مره متعاونه .

الجامعه اللي انا فيها الحمدلله مابلاقي صعوبه في الدراسه. الحمدلله زملائي وزميلاتي في الكلاس نساعد بعض الدراسه وفي الواجبات. وكمانه اقدر أخد مدرس خصوصي سواء من المكتبه الجامعه من ساعه 1 الظهر الى 10 الليل، كل قسم معيينين مدرسين خصوصيين زي قسم الرياضيات والكيمياء والفيزياء من ساعه 10 الصباح الين الساعه 3 العصر والهندسة من الساعة 5 العصر الين الساعة 9 في اليل. وكل الدكاتره عندهم ساعات مكتبيه للطلاب والطالبات اللي عندهم استفسار. في بعض دكاتره يعملوا مراجعه لاختبار النصفي او النهائي اقل شي مره او مرتين. في دكتور انا معاه في الكلاس يعمل ساعات مكتبيه ليوم الاختبار في مقهى الجامعه يجلس يستنى من ساعه 9 الصباح الين ساعه 5 العصر لما يكون الاختبار من 7 الليل الين 9 في الليل.

الحمدلله ربنا كتب لي الخير ، وان شاء الله ربنا يوفقك في الخير .

[طموحي فاق الحدود]

ممكن اعرف انت باي مدينة ؟

وش رايك بساوث كالورنيا

[Eva160]

المشاركة الأصلية كتبت بواسطة طموحي فاق الحدود ممكن اعرف انت باي مدينة ؟ وش رايك بساوث كالورنيا

انا في مدينة امهيرست بولاية ماساتشوستس

بالصراحه ماعندي فكره غير 11 ولايات ماساتشوستس ، كاليفورنيا، نيويورك، نيوهامشر، نيوجيسرسي، سينسناتي، اوريغون، رويد ايلند، ماري لاند، فيلاديلفيا، اريزونا.

سامحني ماني خبيرة بين 51 ولايه.

[7anno]

I can help Eva. I'm currently in Michigan so we may work together in order to answer all their questions :) .. just if you'd like 6ab3n :)

[Eva160]

المشاركة الأصلية كتبت بواسطة 7anno I can help Eva. I'm currently in Michigan so we may work together in order to answer all their questions :) .. just if you'd like 6ab3n :)

that sounds awesome. I really appreciate your help.
I hope both of us will do well in helping all our fellow brothers and sisters in reaching their goals.

[دلع واسلوبها ولع]

المشاركة الأصلية كتبت بواسطة eva160 هوا صح في البدايه صعبه، بس مع مرور الوقت راح تتأقلمي. انا ماني حاسه بالغربه الحمدلله بتواصل مع الأهل وصحباتي اللي في السعوديه في skypeومن الجوال برنامج whatsapp / viber. من ناحية المعيشة المدينه اللي انا فيها ، بالصراحه مافيها طلاب او طالبات سعوديات. الى آن اتعرفت بس واحد سعودي. السكان اللي انا فيها مره طيبين، الايجار الحمدلله من شقه وفاتورة الكهرباء مع النت ما توصل اكتر من 1500 دولار، الحمدلله الباصات مجانا. والحمدلله المشرفة المسؤوليه عني مره متعاونه . الجامعه اللي انا فيها الحمدلله مابلاقي صعوبه في الدراسه. الحمدلله زملائي وزميلاتي في الكلاس نساعد بعض الدراسه وفي الواجبات. وكمانه اقدر أخد مدرس خصوصي سواء من المكتبه الجامعه من ساعه 1 الظهر الى 10 الليل، كل قسم معيينين مدرسين خصوصيين زي قسم الرياضيات والكيمياء والفيزياء من ساعه 10 الصباح الين الساعه 3 العصر والهندسة من الساعة 5 العصر الين الساعة 9 في اليل. وكل الدكاتره عندهم ساعات مكتبيه للطلاب والطالبات اللي عندهم استفسار. في بعض دكاتره يعملوا مراجعه لاختبار النصفي او النهائي اقل شي مره او مرتين. في دكتور انا معاه في الكلاس يعمل ساعات مكتبيه ليوم الاختبار في مقهى الجامعه يجلس يستنى من ساعه 9 الصباح الين ساعه 5 العصر لما يكون الاختبار من 7 الليل الين 9 في الليل. الحمدلله ربنا كتب لي الخير ، وان شاء الله ربنا يوفقك في الخير .

انتي دراستك بكالوريوس ولا ماستر؟؟؟
لانك ذكرتي المشرفه عنك؟؟

[7anno]

المشاركة الأصلية كتبت بواسطة دلع واسلوبها ولع انتي دراستك بكالوريوس ولا ماستر؟؟؟ لانك ذكرتي المشرفه عنك؟؟

معليش أرد عنها :)
ايفا طالبة بكالوريوس هندسة كيميائية
وبالنسبة للمشرف الدراسي.. هي قصدها المشرف الأكاديمي من الملحقية السعوديه المشرف على سير دراستها. ما يفرق الدرجة العلمية.. لكل طالب هنا مشرف في الملحقيه نرفعلهم درجاتنا كل نهاية تيرم وجداولنا و حاجات تانية كتير في للبداية والمشرف الدراسي هو نقطة الوصل بيننا وبين الملحقية.

أتمنى أفدتك :)

[دلع واسلوبها ولع]

المشاركة الأصلية كتبت بواسطة 7anno معليش أرد عنها :) ايفا طالبة بكالوريوس هندسة كيميائية وبالنسبة للمشرف الدراسي.. هي قصدها المشرف الأكاديمي من الملحقية السعوديه المشرف على سير دراستها. ما يفرق الدرجة العلمية.. لكل طالب هنا مشرف في الملحقيه نرفعلهم درجاتنا كل نهاية تيرم وجداولنا و حاجات تانية كتير في للبداية والمشرف الدراسي هو نقطة الوصل بيننا وبين الملحقية. أتمنى أفدتك :)

تفرق لو رحت ابتعاث عن طريق الجامعه
يعني رح يكون ليا مشرف في الملحقيه ؟؟؟؟؟؟؟؟