استفسار بخصوص التوفل / ايلتس / طريقة قبول الجامعات في امريكا انا راح اجاوب عليهم

[*nana*]

المشاركة الأصلية كتبت بواسطة 7anno الكلام هادا اللي بنسمعه من وسائل الاعلام عن منع الحجاب في امريكا وكدا .. انسيه :) غير متواجد اطلاقا الا في مناطق نااااادره جدا.. ولكن ... النقاب يلفت نظرهم مره لآن الوجه عندهم هو الاساس .. غطي اي شي لكن وجهك هوا اساس تعاملنا معاكي.. فيخافوا ويتحاشوا التعامل مع .. المنقبات ! لكن باقي الحجاب كتغطية الشعر و الملابس الطويله الفضفاضه ما عندهم مشاكل منها ! وهذا لا يمنع وجود ايضا منقبات. بالنسبه للاحتكاك .. هدولا شعب ما يفهم اش يعني انك ما تبغي تتعاملي مع الجنس الاخر في حدود العلم وبالتالي قد تخسري علامات اذا رفضتي المشاركه والتفاعل داخل الفصل الدراسي المعاهد ما عندك مشكله .. بس المشكله لمن تدخلي الجامعه !! اغلب العلامات موضوعه علي التفاعل مع الكلاس ميتس والمناقاشات ! والكلام عن القروبات .. صحيح ميه في الميه ! اساسا غالبا الواجبات كلها والفروض تنحل مع قروب تتضطري تتقابلي معاهم خارج اوقات الجامعه ! لو كان الشغل تيم ورك :)

مشكووووره حبيبتي على تعاونك
يمكن اطلع بعثه لأمريكا وهذا الموضوع عاملي قلق
لأنو هذا حجابي ومستحيل افتح وجهي حتى لو اتخلى عن البعثه!!!

الله يكتب مافيه الخير للجميع

[عيون المها فيزيائيه]

درجه التوفل اذا كانت 600 كم تساوي بالايلتس ؟؟؟
لان الجامعات البريطانيه ماتقبل اقل من 600 توفل بس احس التوفل صعب ونفسي اختبر ايلتس

[عيون المها فيزيائيه]

كيف اتواصل مع الجامعات يعني عن طريق الموقع لكل جامعه ولا يكون اتصال

[Eva160]

المشاركة الأصلية كتبت بواسطة عيون المها فيزيائيه درجه التوفل اذا كانت 600 كم تساوي بالايلتس ؟؟؟ لان الجامعات البريطانيه ماتقبل اقل من 600 توفل بس احس التوفل صعب ونفسي اختبر ايلتس

الدرجه التوفل من 600 تساوي 5 في الايلتس

دي الرابط راح يديكي فكره كم الدرجات يساوي مع كل اختبار
http://secure.vec.bc.ca/toefl-equivalency-table.cfm

الله يوفقك في الخير

[Eva160]

المشاركة الأصلية كتبت بواسطة عيون المها فيزيائيه كيف اتواصل مع الجامعات يعني عن طريق الموقع لكل جامعه ولا يكون اتصال

أحلى فكره في التواصل مع الجامعات عن طريق سكايب تدفعي تقريبا مابين 2 -3 دولار دا يساوي مابين 8-12 ريال في الشهر.

تتصلي على كيفيك مايحسب الدقايق.
لانو وقت تتواصلي مع الجامعات على الهاتف ممكن قسم القبول والتسجيل لطلاب والطالبات خارج امريكا راح يسألوا ايش ايميلك عشان يرسلوا لك قبول مشروط او يطلبوا الاوراق المطلوبة منك في نفس الوقت ويستنوا معاكي على الهاتف عشان يتأكدوا الرابط وصل او قبول المشروط وصل.

ان شاء الله راح اديكي فكره كيف تتواصلي معاهم على السكايب في فقره تانيه.

الله يوفقك في الخير

[ليتني همك]

الله يجزاكم الفردوس الاعلى من الجنة والله يجعله في
ميزان حسناتكم-

طيب عندي استفسار تاني
انا اقتصاد منزلي سكن وادارة منزل وابغى اكمل اقتصاد وادارة ماستر
هل تنصحوني اكمل فيه ولا لا-

والف شكر مره تانية

[عيون المها فيزيائيه]

تسلمي يا غاليه الكلمات لا تكفي لشكرك ع الرد ع اسئلتنا

[7anno]

المشاركة الأصلية كتبت بواسطة ليتني همك الله يجزاكم الفردوس الاعلى من الجنة والله يجعله في ميزان حسناتكم- طيب عندي استفسار تاني انا اقتصاد منزلي سكن وادارة منزل وابغى اكمل اقتصاد وادارة ماستر هل تنصحوني اكمل فيه ولا لا- والف شكر مره تانية

اذا انتي بتتكلمي عن امريكا .. من المعروف انك تقدري تكملي في اي قسم انتي حابه - تقريبا-
بما اني خريجة اداره .. فلازم اقلك انو دراسة الاداره مو صعبه. بس ماهي سهله كمان :)
استخيري ربنا و شوفي مافي شي صعب :)
انا نصيحتي انك تكملي في مجالك بس مو شرط نفس التخصص. مثلا \ تصميم داخلي وقيسي على كدا تخصصات اكتر انتي ادرى فيها مني :)

[HAMOoO]

السلام عليكم
مشكورين على التفاعل والرد السريع يعطيكم الف عافيه
انا تخصصي ادب لغه انجليزيه واحابه اكمل في نفس مجالي (الادب)
هل صحيح انه بعثه الملك المرحله القادمه مايقبلوا بالقبول المشروط من الجامعات؟
هل ادا انرفضت من البعثه الكترونيا (عن طريق النت ) وعندي قبول من جامعه من امريكا ممكن ينظروا في امري يعني ايش اقدر اعمل اروح لهم او ايش هي الخطوات اللي اعملها ؟
كل الشكر والتقدير

[Eva160]

المشاركة الأصلية كتبت بواسطة hamooo السلام عليكم مشكورين على التفاعل والرد السريع يعطيكم الف عافيه انا تخصصي ادب لغه انجليزيه واحابه اكمل في نفس مجالي (الادب) هل صحيح انه بعثه الملك المرحله القادمه مايقبلوا بالقبول المشروط من الجامعات؟ هل ادا انرفضت من البعثه الكترونيا (عن طريق النت ) وعندي قبول من جامعه من امريكا ممكن ينظروا في امري يعني ايش اقدر اعمل اروح لهم او ايش هي الخطوات اللي اعملها ؟ كل الشكر والتقدير

وعليكم السلام ورحمة وبركاته

بخصوص انو بعثة الملك في المرحله القادمه انو ماراح يقبلوا القبول المشروط. الله اعلم في دا الخبر.

بس معروف القبول المشروط والغير المشروط هو نفس الإجراءات.

القبول المشروط هوا عباره انو الجامعه بيطلبوا منك الدرجه المطلوبة يا من اختبار التوفل ولا الايلتس ولا الميشغان. او تدرسي في معهد لغه تبع الجامعه وتدفعي على حسابك الين ما تخلصي ليفل محدد (نادر يطلبوا دا الشيء). بعد ماتخلصي ايش المطلوب من الجامعه ، الجامعه راح يقبلوكي.
احتمال البعثة المرحله القادمه مايحبوا يبتعثوا طلاب على المرحلة اللغه لانو بعض الطلاب يقعدوا تقريبا سنه او سنه ونص في مرحله اللغه وماعندهم تخطيط لاختبار التوفل او الايلتس او الجامعات من بدري.

الافضل بعد لما يكون عند ورقه إثبات انتي طالبه مقبوله في دي الجامعه وراح تبدئي على الترم الربيع او الخريف احسن. بعدها تتواصلي مع الوزارة التعليم وراح تنضمي للابتعاث. اما ازا قبول مرحله لغه وتدرسي على معهد محدد او معهد تبع الجامعه الوزارة راح يقولوا انو تدرسي وتكملي على حسابك، بعد ماتخلصي من مرحلة اللغه على حسابك وانقبلتي في الجامعه راح تنضمي في الابتعاث .

الله يوفقك في الخير