اللي بدأت تذاكر احصاء للاختبار الجاي تدخل

[جالكسي22]

السلام عليكم ورحمة الله وبركاته

صباااااح الخير والسرور للجميع

زي مانتو عارفين انو حيكون في اختبار احصاء يوم الثلاثاء القادم فحبيت اسأال مين حيدخل الاختبار؟؟

مين بدأت تذاكر ؟؟ عشان نساعد بعض ويكون دا الموضوع مرجع لنا في الاحصاء....

اتمنى من كل اخواتي الطالبات الدخول لدا الموضوع اذا احتاجو لاجابة اي سؤال في دي المادة العجيبة الغريبة....


انا حبدأ في الاستفسار:




تتوقعوا الاختبار دا حيكون اسهل من الاتنين الأولانيين؟؟!!

وبعدين انا عندي احساس انوو ممكن يجيبوا نفس الاسئلة السابقة بس يغيروا شويه فيهم... انتوو ايش تتوقعوو








خلاص انا دحين حروح اكمل المذاكرة لاني اخذتلي بريك شويه وخلص للأسف

ياللا اشوفكم واشوف ردودكم بعد ما اخلص شابتر 2

دعوااااااااااااتي للجميع بالتوفيق...


لكم حبي وتحيتي

[ٌRoSe]

المشاركة الأصلية كتبت بواسطة جالكسي22 السلام عليكم ورحمة الله وبركاته وعليكم السلام ورحمة وبركاته صباااااح الخير والسرور للجميع صباحك ورد و روز <<<ترى مو قصدي نفسي زي مانتو عارفين انو حيكون في اختبار احصاء يوم الثلاثاء القادم فحبيت اسأال مين حيدخل الاختبار؟؟ اكيد حدخل الاختبار واتوقع كل البنات يدخلو لسببين : اولا انو الكل ولله الحمد مخبص ثانيا محد خسران لانهم حياخذوا احسن درجتين مين بدأت تذاكر ؟؟ عشان نساعد بعض ويكون دا الموضوع مرجع لنا في الاحصاء.... للاسف لسى مابدات ان شاء الله حبدا يوم السبت اتمنى من كل اخواتي الطالبات الدخول لدا الموضوع اذا احتاجو لاجابة اي سؤال في دي المادة العجيبة الغريبة.... على أمرك انا حبدأ في الاستفسار: تتوقعوا الاختبار دا حيكون اسهل من الاتنين الأولانيين؟؟!! امممم حيكون بين الاختبارين وبعدين انا عندي احساس انوو ممكن يجيبوا نفس الاسئلة السابقة بس يغيروا شويه فيهم... انتوو ايش تتوقعوو ههههههه اكيد نفس الاسئلة لانو عارفة هذا الاختبار اساس للبنات الي ماختبروا الدوري 1 او 2 فاتوقع انو مايكون سهل بس ان شاء الله مايجيبو اسئلة كثيرة من الاحتمالات لاني مررررة ماني قادرة اهضمها والباقي الحمد الله سهل خلاص انا دحين حروح اكمل المذاكرة لاني اخذتلي بريك شويه وخلص للأسف ياللا اشوفكم واشوف ردودكم بعد ما اخلص شابتر 2 بالتوفيق وان شاء الله تتحمسي وتخلصي شابتر 3 دعوااااااااااااتي للجميع بالتوفيق... آميييين لكم حبي وتحيتي

[][صمت البوح][]

لا ما راح يكون نفسه

انا لمن اختبرت مع شعبتي لان اوراقنا بالدوري الاول راحت فيها

واضطروا يعيدون لنا كانت الاسئله غير عن الاول

فما اظن بتكون نفسها

وبالنسبه للمذاكره استاذتنا قالت لنا ذاكروا الجزء تبع كويز2 اكثر

لان شباتر كويز1 راح تجي اسئلة بسيطه فيها اما الجزء الثاني راح تكون اغلب الاسئله عليه

يعني نفس نظام كويز2 اللي اختبرناه قبل اسبوع بالضبببببببببط

الله يوفق الجميع

وان شاء افيدكم واستفيد منكم

وبالتوفيق ياااااارب

[جالكسي22]

مشكوووووووورين حبايبي ع ردودكم

[110]

معليش يا بنات لاكن أول مره اسمع انو في اعاده
متى صار هذا الكلام؟
والأختبار حيكون في أية شباتر؟
والأختبار مسموح للجميع يعني للي غابو والي ما غابو يوم الإختبار؟؟
>>>مفتحه عيونها o_o

وبس

[Daloo3ah]

المشاركة الأصلية كتبت بواسطة 110 معليش يا بنات لاكن أول مره اسمع انو في اعاده متى صار هذا الكلام؟ والأختبار حيكون في أية شباتر؟ والأختبار مسموح للجميع يعني للي غابو والي ما غابو يوم الإختبار؟؟ >>>مفتحه عيونها o_o وبس

يب في اختبار يوم الثلاثاء من 2 الين 4

وكل الجامعه تدري وهذا الشي اكيد
براي والكل لازم يدخل علشان نحنا مخبصين
وحايكون كل جزئيه الكويز الاول والثاني

بس يعني شابتر 6 و8 اللي بعد كويز 2 مو معانا

بس لازم تدخلي علشان ترضي ضميرك ع الاقل ومنتي خسرانه حتى لو ماذاكرتي

[110]

مشكووووره دلوعه
أنا عن نفسي بروح اذاكر من اللحين
سلام
وبالتوفيق
^_*

[6fshana]

هلا جالكسي


انا ان شاءالله رح أعيد الاحصاء

بس رح ابدأ فيه بكرا ان شاءالله


انا ذاكرت شابتر 1 من أول بس برضو رح ارجع عليه كله من بكرا الى يومها ان شاءالله


مدري عندي احساس انو ممكن نقدر نحل فيه ان شاءالله ^^

احنا خلينا نسوي اللي علينا


هما كده ولا كده بياخذو أحسن درجتين


وبيرجع لنا الفايده انو يخفف علينا في الفاينل


بس ان شاءالله يجي الاختبار سهل طبعا مارح يجي سهل ^^ بس ان شاءالله يجي واضح يعني ^^


واتمنى لكم التوفيق جمييييييييييييييييييييييييييعا ^^

[MaaRaaM]

وأنا كما ن حأعيد إن شا الله ..

بدأت في شابتر 4 قبل أمس ولسا ماخلصته خخخخخ

أضيع وقققتتتتي ممررررة

ان شا الله يارب نحل مزبوط فيه
وزي ما قالوا اللي قبلي انو احنا المستفيدين سواء جبنا فيه درجة ولا ماجبنا

بالتوفيق للجميع..

إن شا الله لو عندي اي استفسار بحطه هنا :)

[جالكسي22]

الله يوفقنا اجمعيييييييين

مررررررررة اليوم مالي نفس اذاكر
خلصت شابتر 1 وفتحت المنتدى كتبت الموضوع وقلت حروح اذاكر شابتر2 <<<قلك
مررررررة طفشت وقفلتوو مالي نفس ايش اسوي؟؟!!؟؟

وشكلكم كلكم مابدأتو تذاكروو<<وانا اللي مسويه فيها

خلاص ححاول بكرة اذاكر شوي وبصراحة ماحضغط نفسي في المذاكرة لانوو ياماااااا ضغطت ع نفسي وحرمت نفسي من اشياء واشياء عشان خاطر المذاكرة دي وفي النهايه مافي اي نتيجة ترضي <<<

ااااااااااااااااااااااااااااه

اللهم ياذا الجلال والاكرام هون علينا وييسر امورنا ووفقنا لما فيه خير وصلاح لنا ياااااااارب العالمين