اللي بدأت تذاكر احصاء للاختبار الجاي تدخل

[love me for me]

امممم ...
انا عن نفسي ما بزاكر الا بكره ان شاء الله يعني قبل الكويز بيومين واكييد ان شاء الله بدخل بصراحه الدرجات مره فله

الله يوفقكم وتعدي دي السنه على خير بس

[][صمت البوح][]

الاشياء اللي مادخلت معانا في الاختبار الدوري حتكون داخلة دحين؟؟ولاكيف؟؟

قصدك داخله بالاختبار يوم الثلاثاء ولا النهائي

بالنسبة لاختبار الثلاثاء
استاذتنا قالت لنا نفس كويز2
راح تجي اغلب الاسئلة على شبتر 4-5-10-13
وبعض الاسئلة المباشرة عن كويز1 "شبتر 1-2-3"
يعني باختصااااااااااار
ذاكريها كلها بس ركزي على جزء كويز2

اما اذا قصدك النهائي
فمعنى كل شئ من درسناه من اول شبتر لاخر شبتر

[داعية المستقبل]

الله يوفقنا كلنا ونعوض اللي قبل قولوا آآآآآآآآآآآآآآآآآآآآآآآآآآمين
انا بصراحه اعجبتني فكرتك اختي جالكسي 22 مررررررررره وإن شاء الله نفيد ونستفيد
حبايبي انا عني سؤال في الفصل الاول المعقد واللي خسف درجاتي وياليت اللي تعرف تجاوبني
كيف افرق بين:
Cluster_Stratified_Syatematic_ Random Sampling
الله يسعدكم ضروري تردوا علي
جاااري الانتظار

واللي عندها اي سؤال انا مستعده

[love me for me]

Random Sampling
دي معاينه عشوائيه يعني نعمل زي احصاء بطريقه عشواااائيه

Syatematic
معاينه منتظمه زي ما تقولي قريبه من العشوائيه بس الفرق
انو مثلا اعمل احصاء بعد كل 9 سيارات يعني بشكل منظم



Stratified
معاينه عشوائيه طبقيه
يكون عندك مثلا 3 قروب تعملي اختبار لجزء من القروب الواحد
يعني عندك
قروب 1
و
قروب 2
و
قروب 3
اعتبريهم مجتمعات

تاخد مثلا القروب 2 اللي هو المجتمع التاني وتاخدي جزء منو زي ما تقول تاخدي فرد من المجتمع Cluster

المعاينه العنقوديه

دي قريبه من اللي فوقها بس بدل ما تاخدي بس مو تاخدي جزء من المجموعه تاخدي مجموعه كامله


ياريت فهمتي وازا محتاجه شي انا حاضر

[][صمت البوح][]

المعاينه العنقوديه دي قريبه من اللي فوقها بس بدل ما تاخدي بس مو تاخدي جزء من المجموعه تاخدي مجموعه كامله

بالاضافة الى
ان المعاينه المنتظه تكون كل قروب مميزاته مخلتفه عن الاخرى

لكن بالمعاينة العنقوديه
كل القروبات لها نفس الميزات

مثلا لو عندك 5 احياء تبين تدرسين فيها عدد الطلاب بالمدارس
وكان بهذي الاحياء نفس عدد المدارس
يعني لو بالحي الاول مدرستين
يكون الحي الثاني والثالث والرابع والخامس كلها فيها مدرستين
هنا نستخدم المعاينه العنقوديه
وطريقتها ذكرتها لوف
لانها لها نفس الميزات

انت شبيهها بالعنب
بعنقود العنب تقدرين تميزين حبة عن حبة ثانيه؟؟طبعا لا كلها نفس الطعم

اتمنى اني افدتك

[داعية المستقبل]

الله يسعدك حبيبتي لوف وصمت البوح بردتوا على قلبي من اول وانا انتظر ولا احد يرد
لكن لكم مني دعوه صادقه من القلب في آخر الليل ويارب تاخذوا الفل مارك وتتخصصوا اللي تتمنوا
وتسلمواااااااااااا على الشرح واضح ومفصل
آآآآآسفه يمكن حزودها معكم شوي لكن اش اسوي ماني بالعه هذا الفصل وابغى اعرف صفحة 17 و 18 عن ايش تتكلم ويش الفرق بيناتهم
مع خالص حبي وتقديري

[basooooma]

ان شاء الله يكون سهل ياااااااااااااااااارب
انتو بس خدوا جنبكم عصير برتقال و سندويتش جبنة وحبتين بندول ( للحاجة الماسة فقط )
وابدأوا بالمزاكرة والله يوفقنا
آآآآآآآآآآآآآآآآآمين
يالله سلام

[6fshana]

أختي داعية الممستقبل

انا والله عن نفسي هذا اللي في صفحة 17 و 18

هوا يتكلم عن سوء استعمال الاحصاء

انو ايش الطرق اللي ممكن تكون سئة أو تحسبلك احصاء غلط

ومجرد فهم افهمي كل طريقه انو كيف استعمالها الغلط

انا قرأته ^^

وهي أقسامها
العينه المشكوكه
المعدل الغامض
تغيير الوضوع
الاحصاء المنعزل
الرسومات المضلله
عيوب دقة الأسئلة

انتي افهمي في كل واحد كيف يكون الاستعمال الغلط انو ايش ممكن الباحث يرتكب خطأ في أحد هذي الطرق

وأتمنى أكون أفدتك ^^

[جالكسي22]

المشاركة الأصلية كتبت بواسطة ][صمت البوح][ قصدك داخله بالاختبار يوم الثلاثاء ولا النهائي بالنسبة لاختبار الثلاثاء استاذتنا قالت لنا نفس كويز2 راح تجي اغلب الاسئلة على شبتر 4-5-10-13 وبعض الاسئلة المباشرة عن كويز1 "شبتر 1-2-3" يعني باختصااااااااااار ذاكريها كلها بس ركزي على جزء كويز2 اما اذا قصدك النهائي فمعنى كل شئ من درسناه من اول شبتر لاخر شبتر

مشكووووورة اختي صمت البوح
انا قصدي على اختبار يوم الثلاثاء...بس خلاص اليوم وضحت لنا الاستاذة وقالت كلوو معاكم اللي هواا القيم الشاذة والبوكس بلوت

يااااااارب يوفق الجميع ويهون علينا يااااااااارب

[][صمت البوح][]

وهي أقسامها العينه المشكوكه المعدل الغامض تغيير الوضوع الاحصاء المنعزل الرسومات المضلله عيوب دقة الأسئلة

suspect samples"العينة المشكوكه"
اهم نقطتين فيها:
1-حجم العينة"sample size"
2- كيفية اختيارالمفردات في العينة"how the subjects in the sample were selected"
يعني اذا جاك مثال بالاختبار وناقصة وحده من هالنقطتين
ما ذكر لك حجم العينة او انه كيف اختار العينة هنا يكون
الخطأ الموجود هو العينة المشكوكه suspect samples

ambiguous averages"المعدل الغامض"
هنا نقول ان الدراسة فيها هذا الخطأ اذا كان عندنا بالدراسه
معدلات "averages" وما يذكر لك وحدة قياسها اللي هي المتوسط والوسيط والمنوال اللي درسناها في شبتر3

changing the subject
هذا يعني ان المفردات ما يذكرها لك في الدراسة بنفس اسلوب العرض
يعني يجي يقول لك 7000 كذا وبعدها يذكر لك العينة الثانيه 50%
اذا شفتي هالغلط راح يكون changing the subject
والصح انه يكون اما ان يستخدم النسب في العرض او الاعداد العاديه
لكن مو واحد نسبة والثاني عدد

detached statistics
يعني يذكر لك احصائية وفجأة تنقطع بدون ما يكمل لك نتائج ويعطيك معلومات كامله عن الدراسه
وتقدرين تقرأين مثال الكتاب بنفس الصفحة حتى تفهمينه اكثر

implied connections "العبارات الضمنية"
هذي ان الدراسة تحتوي على عبارات ضمنيه مثل:
"may help" ممكن يساعد
"studeis suggest" الدراسات تقترح

misleading graphs
الاخطاء بالرسومات هذي اخذناها بالتفصيل في شبتر2

faulty survey question
الاخطاء في طرح الاسئلة
انا بذكر لك مثال بسيط يفهمك كل شئ
مثل لو كان في دراسة وطرح فيها هالسؤال
مارأيكم بالزواج من الخارج؟؟
هنا نقول الباحث اخطأ في طرح السؤال
لان القارئ قد يتبادر الى ذهنه الزواج من خارج العائلة والبعض قد يتبادر الى ذهنه الزواج من خارج الدولة

اتمنى اني وفيت بشرحي

تحيتي لك