إيش الحـل مع Mitosis و Meiosis يا جماعـة !

[د. أسامة]

السلام عليكم ،

كيف الحال ، ، إن شاء الله بخير و صحة و عافيــة ،

صراحةً عقدتـي من ثانية ثانوي إليـن التحضيري هي Mitosis و Meiosis ،

كل الناس فاهمينها إلا أنــا ، ممكن إنهم مروا بدكاترة ومدرسين كويسين و فاهمينها من أول ،، ولكن أنا مريت بسباكين للاسـف ف الثانوي و التحضيري للبيــو ،

اليوم الدكتور عبدالله ما قصر في شرح الأمبريولوجي ،، بس أنا من الناس اللي يفصلــوا إذا تكلم المحاضر بالضمائــر ،، زي مثــلاً [ نربط هذي بذيك ونكون هــذا ] ، و ممكن مو قصده المحاضــر أن يتكلم - بعض الأحيان - بطريقة الضمائــر ،، لكنه و الله أفضـل واحد مر علينا و بدون مجاملــة.

إذا في الإمكان أحد يشرحها ليّه بس أتمنى إنه يشرح و يربط كلامه بالكلام اللي موجود في الملزمة ،، علشان لما أذاكر ،، أفهم و أربــط باللي موجود بالمنتــدى ،

و أكون شاكــر و مقدر ،

يا ليت أحد يســاعدني لإني شكــلي بأحوس بكره في الكويــز ..

[Ro7a]

طيب يادكتور
بصراحه حزنتني
وبصراحه مرررررررررررة سهل لابعد الحدود
بس شوية تركيز
طيب نبدأ بسم الله
أولا Mitosis
هادا يا اخي انقسام خلايا
طيب اي خلايا؟؟؟
خلايا الجسم بشكل عام
بعكس الMeiosis
اللي برضو بيكون انقسام خلايا
بس مو اي خلايا
هادا الانقسام خاص بالخلايا التناسلية
تمام

[Ro7a]

طيب نبدا بالMitosis
وهو الانقسام لخلايا الجسم
بهدف انو يكثر عددها
تمام
طيب
كيف بيحصل
بيحصل على مراحل
هندخل جوا الخليه
اولا وقبل ما تبدأ المراحل
اعرف انو الانقسام هادا المفروض انو نحنا بنعمله عشان ننتج خليتين لهم نفس عدد الكروموسومات في الخليه الام
يلا دحين نبدا المراحل

[Ro7a]

اولا وقبل ماتبدا الخليه في هادا الانقسام
هيحصل مضاعفه لعدد الكروموسومات داخل الخليه
يعني هتكون بدل ماهي 46 كروموسوم عادي
هتصير 46 كروموسوم مضاعف
طيب لو طليت على الخليه هتلاقي الكروموسومات مو مرتبه
ومو مواضحه وهادا الكلام قبل الانقسام
طيب
هتبدا مراحل الانقسام باول مرحله الا وهي
الprophase
و الpro
مقصود بيها قبل
يعني قبل اي شي واول خطوة
الي هيحصل هنا انو كل 2 كروموسوم هيمسكو مع بعض من الوسط بشي اسمه السنترومير
طيب و المرحلة الثانية
ال (برو ميتا فايز) معليه بس مو راضيه تنكتب بالانجليزي لسبب ما
وانا عشان احفظها دايما بقول اذا اعتبرنا كلمةpro يعني بعد
وكلمة (ميتا)
تعني الترتيب
هيصير اسم المرحلة مرحلة ماقبل الترتيب
وهادا الي بيصير انو قبل ما تبدا الكرومموسومات تترتب اولا هتبدأ توضح وتاخد شكلها
طيب بعد كده تجي المرحلة الثالثة الا وهي
ال(ميتا فايز)
وطبعا نحنا قلنا انو هنعتبر
(ميتا) يعني ترتيب صح؟؟
وهادا الي بيصير ببساطة في دي المرحلة
هتبدا الكروموسومات تترتب كلها في الخلية على خط الاستواء
طيب وبعدين!!
نجي للمرحلة الي بعدها
الAnaphase
من اسمها اصلا Ana
يعني انانية
ايش هيصير
هيدور كل كروموسوم على مصلحته خخخخخخخخ
هتطلع خيوط مغزلية من اقطاب الخلية
وهتفصل الكروموسوم من السنترومير اللي هو ايش؟؟؟
الي هو نقطة الوسط
وهتسحب الكروموسومات بعكس بعض لاقطاب الخلية
يعني جزء للقطب الشمالي وجزء للقطب الجنوبي
تمام يادكتور ولا ضيعت؟؟؟
طيب
نجي لاخر شي
الTelophase
هادا اخر شي
بعد اما راح كل كروموسوم للقطب المناسب له
هيتكون في الوسط جدار الخلية
وهينقسم السيتوبلازم على خليتين
وهنا تبدا دي المرحله اللي بيرجع فيها الكروموسوم لاصله غير واضح
وهنا هتكون اتكونت عندنا خليتين وكل وحده فيها 46 مفرده
لانو الضعف الي كان في البدايه انقسم على الخليتين وصار لكل وحده نفس العدد الاساسي 46
اتمنى تكون وصلت ولو في سؤال اتفضل

[Ro7a]

طيب دحين نبدا الMeiosis
وهو على مرحلتين
وبرضو ارجع اذكر انو يحصل فقط في الخلايا التناسلية
طيب
ايش الناتج النهائي من الMeiosisكله؟؟؟
الناتج هو 4 خلايا كل وحده فيها 23 كروموسوم مفرد
طيب نبدا جزء جزء
طيب الجزء الاول Meiosis1
هنا هنبدا اول مرحله DNA replication
بانو نضاعف عدد الكروموسومات
يعني هتصير 46 كروموسوم مضاعفين
طيب
وبعد كده؟؟
الpairing
يعني ايش؟
يعني الاقتران
وايش هيحصل فيه
هيقترن الكروموسومات مع بعض
طيب وبعده
الChiasmata
وهو دا المهم في دي الجزئية
هتقولي ليش؟ ايش دا؟
هقولك هادا اسمه العبور
ايش بيحصل فيه
بيحصل تبادل مابين الكروموسومات وممكن لو شفت صورة هتوضح لك اكتر
هتلاقي الكروموسومات عاملة تبادل مع بعضها البعض
طيب
هتقولي وليش اعمل تبادل في الاخير كلها صفاتي انا
صحيح انها صفاتك
بس ركز انت جواك مو بس صفاتك
انت مكون بصفات من باباك وصفات من مامتك
وكل وحاد منهم واخد من ابوه وامه
يعني جواك كميه كبيرة من الصفات
وبسبب هادا العبور بتختلف انت عن اخوك
تلاقي واحد شعره ناعم واخته شعرها ملفلف والتاني عيونه سوده واخوه عيونه ملونة وهكذا
ويارب تكون وضحت الفكرة
طيب بعد العبور ايش هيصير
هنبدا في مرحله الArrangment
الترتيب
هتترتب الخلايا برضو على خط الاستواء
بس شوف الفرق وركز كويس
المرحلة الي بعدها الا وهي الDisjunction يعني الفصل
الي هيصير هنا اننا لما هنسحب الكروموسومات لاقطاب الخلية ماهنفصلهم من السنترومير
لالالالالالالالالا
هنسحب كروموسومين للشمال واتنين جنوب وهكذا
يعني عندك 46 مضاعفين
اقسمهم على 2
هيعطيك 23 برضو مضاعفين ليش؟؟ لاننا مافصلناهم من السنترومير
فهمت يادكتور؟؟؟
ركز
تمام
طيب نجي لاخر شي
الCell division
يعني الانقسام الاخير تبع الخليه
وهادا الي هيصير فيه انو يرجع يتكون جدار للخليتين عشان يفصلهم وهينقسم السيتوبلازم على الخليتين
وطبعا الناتج خليتين في كل وحده منهم كااااااااااام؟؟؟
23 مضاعفيييييييييين
تمام لما الان ولا ضيعت؟؟؟

[Ro7a]

طيب الباقي هييييييييييييييييييييين باذن الله
لانو الجزء التاني او المرحلة التانية من الMeiosis
او مانسميها Meiosis2
هي عبارة عن Mitosis
يعني نفس خطواته مع اختلاف الارقام الي هنبدا بيها
ركز شويه هنبدا بناتج الMeiosis2 الي كان خليتين في كل وحده 23 كروموسوم مضاعف
طيب
ناخد وحده نشتغل عليها و التانية هتكون بنفس الطريقة طبعا
يصير نبدا ب 23 كروموسوم مضاعف
بما انهم اصلا مضاعفين اذا نبدا بمرحلة الArrangement الي هي مرحلة الترتيب
يعني نرتب الكروموسومات على خط الاستواء
وبعدين الDisjunction
يعني الفصل
وهنا هنفصل من وين؟؟؟
من السنترومير
صح يادكتور
ويروح كل جزء لقطب من اقطاب الخلية
بكده نحنا فصلنا الضعف عن بعض
وحصلنا على 23 مفرد في كل قطب
وبكده هيحصل الcell division الانقسام للخليه وينقسم السيتوبلازم ونحصل على خليتين من دي الخلية وكل وحده فيها 23 كروموسوم بس مفففففففففففرد
طيب و الخليه التانية الي قلنا انها هتكون بنفس طريقة الخلية الي شرحنا عليها؟؟؟
برضو هتنتج لنا خليتين كل وحده فيها 23 كروموسوم مففففففففففففففففرد
يعني الناتج النهائي
4 خلايا كل وحده فيها 23 كروموسوم مفرد
عارفة انو الكلام كتير
بس اتمنى اني اكون عملت المعجزة وانها تكون وصلت وربطت الكلام باللي في الملزمة
وبالتوفيق يادكتور

[د. أسامة]

وااااااااااااااو :o ،

كل هذي الكلام كتبتيه ،،

ما قصرتي و الله ،،

أنا الآن جالــس أذاكر ،، و إذا وصلت للإيمبريولوجي راح أرجـع لردودك ،

مدري وش أقولــك ،، :s ،

ما أقول إلا الله يجزاك ألــف خير ،

وشكراً.

[د. أسامة]

المشاركة الأصلية كتبت بواسطة ro7a اولا وقبل ماتبدا الخليه في هادا الانقسام هيحصل مضاعفه لعدد الكروموسومات داخل الخليه يعني هتكون بدل ماهي 46 كروموسوم عادي هتصير 46 كروموسوم مضاعف طيب لو طليت على الخليه هتلاقي الكروموسومات مو مرتبه ومو مواضحه وهادا الكلام قبل الانقسام طيب هتبدا مراحل الانقسام باول مرحله الا وهي الprophase و الpro مقصود بيها قبل يعني قبل اي شي واول خطوة الي هيحصل هنا انو كل 2 كروموسوم هيمسكو مع بعض من الوسط بشي اسمه السنترومير طيب و المرحلة الثانية ال (برو ميتا فايز) معليه بس مو راضيه تنكتب بالانجليزي لسبب ما وانا عشان احفظها دايما بقول اذا اعتبرنا كلمةpro يعني بعد وكلمة (ميتا) تعني الترتيب هيصير اسم المرحلة مرحلة ماقبل الترتيب وهادا الي بيصير انو قبل ما تبدا الكرومموسومات تترتب اولا هتبدأ توضح وتاخد شكلها طيب بعد كده تجي المرحلة الثالثة الا وهي ال(ميتا فايز) وطبعا نحنا قلنا انو هنعتبر (ميتا) يعني ترتيب صح؟؟ وهادا الي بيصير ببساطة في دي المرحلة هتبدا الكروموسومات تترتب كلها في الخلية على خط الاستواء طيب وبعدين!! نجي للمرحلة الي بعدها الanaphase من اسمها اصلا ana يعني انانية ايش هيصير هيدور كل كروموسوم على مصلحته خخخخخخخخ هتطلع خيوط مغزلية من اقطاب الخلية وهتفصل الكروموسوم من السنترومير اللي هو ايش؟؟؟ الي هو نقطة الوسط وهتسحب الكروموسومات بعكس بعض لاقطاب الخلية يعني جزء للقطب الشمالي وجزء للقطب الجنوبي تمام يادكتور ولا ضيعت؟؟؟ طيب نجي لاخر شي الtelophase هادا اخر شي بعد اما راح كل كروموسوم للقطب المناسب له هيتكون في الوسط جدار الخلية وهينقسم السيتوبلازم على خليتين وهنا تبدا دي المرحله اللي بيرجع فيها الكروموسوم لاصله غير واضح وهنا هتكون اتكونت عندنا خليتين وكل وحده فيها 46 مفرده لانو الضعف الي كان في البدايه انقسم على الخليتين وصار لكل وحده نفس العدد الاساسي 46 اتمنى تكون وصلت ولو في سؤال اتفضل

قبل المايتوزيس ، يتضاعف الكروموسومات ،

ما اختلفنا ،، بس كيف يتضاعف وعدده باقي 46 ؟؟

مو مفروض يكون عدده 92 إذا كان بيتضاعف ؟،

و بالنسبة للنقطة الثانية إللي لونتها بالأحمر أنا متــأكد إنها سقطت سهواً ، وكان قصدك قبل ،

بانتظار ردك .

[د. أسامة]

ما أدري ممكن الصورة تساعـد في الشرح .

[د. أسامة]