إيش الحـل مع Mitosis و Meiosis يا جماعـة !

[د. أسامة]

المشاركة الأصلية كتبت بواسطة ro7a اولا وقبل ماتبدا الخليه في هادا الانقسام هيحصل مضاعفه لعدد الكروموسومات داخل الخليه يعني هتكون بدل ماهي 46 كروموسوم عادي هتصير 46 كروموسوم مضاعف طيب لو طليت على الخليه هتلاقي الكروموسومات مو مرتبه ومو مواضحه وهادا الكلام قبل الانقسام طيب هتبدا مراحل الانقسام باول مرحله الا وهي الprophase و الpro مقصود بيها قبل يعني قبل اي شي واول خطوة الي هيحصل هنا انو كل 2 كروموسوم هيمسكو مع بعض من الوسط بشي اسمه السنترومير طيب و المرحلة الثانية ال (برو ميتا فايز) معليه بس مو راضيه تنكتب بالانجليزي لسبب ما وانا عشان احفظها دايما بقول اذا اعتبرنا كلمةpro يعني بعد وكلمة (ميتا) تعني الترتيب هيصير اسم المرحلة مرحلة ماقبل الترتيب وهادا الي بيصير انو قبل ما تبدا الكرومموسومات تترتب اولا هتبدأ توضح وتاخد شكلها طيب بعد كده تجي المرحلة الثالثة الا وهي ال(ميتا فايز) وطبعا نحنا قلنا انو هنعتبر (ميتا) يعني ترتيب صح؟؟ وهادا الي بيصير ببساطة في دي المرحلة هتبدا الكروموسومات تترتب كلها في الخلية على خط الاستواء طيب وبعدين!! نجي للمرحلة الي بعدها الanaphase من اسمها اصلا ana يعني انانية ايش هيصير هيدور كل كروموسوم على مصلحته خخخخخخخخ هتطلع خيوط مغزلية من اقطاب الخلية وهتفصل الكروموسوم من السنترومير اللي هو ايش؟؟؟ الي هو نقطة الوسط وهتسحب الكروموسومات بعكس بعض لاقطاب الخلية يعني جزء للقطب الشمالي وجزء للقطب الجنوبي تمام يادكتور ولا ضيعت؟؟؟ طيب نجي لاخر شي الtelophase هادا اخر شي بعد اما راح كل كروموسوم للقطب المناسب له هيتكون في الوسط جدار الخلية وهينقسم السيتوبلازم على خليتين وهنا تبدا دي المرحله اللي بيرجع فيها الكروموسوم لاصله غير واضح وهنا هتكون اتكونت عندنا خليتين وكل وحده فيها 46 مفرده لانو الضعف الي كان في البدايه انقسم على الخليتين وصار لكل وحده نفس العدد الاساسي 46 اتمنى تكون وصلت ولو في سؤال اتفضل

قبل المايتوزيس ، يتضاعف الكروموسومات ،

ما اختلفنا ،، بس كيف يتضاعف وعدده باقي 46 ؟؟

مو مفروض يكون عدده 92 إذا كان بيتضاعف ؟،

و بالنسبة للنقطة الثانية إللي لونتها بالأحمر أنا متــأكد إنها سقطت سهواً ، وكان قصدك قبل ،

بانتظار ردك .

[Ro7a]

المشاركة الأصلية كتبت بواسطة د. أسامة قبل المايتوزيس ، يتضاعف الكروموسومات ، ما اختلفنا ،، بس كيف يتضاعف وعدده باقي 46 ؟؟ مو مفروض يكون عدده 92 إذا كان بيتضاعف ؟، و بالنسبة للنقطة الثانية إللي لونتها بالأحمر أنا متــأكد إنها سقطت سهواً ، وكان قصدك قبل ، بانتظار ردك .

يب
يب
يب
ااااااااااااسفه فعلا سقطت سهوا مع الكتابة
طيب
النقطة الثانية
تشوفها لو ركزت في الصور
شوف الكروموسوم الواحد مكون من ذراعين
بس لما يحصل له مضاعفه مابيكون كروموسوم جديد بس بيتضاعف حجم الكروموسوم نفسه
بحيث تشوف في الصورة انو هيكون للكروموسوم الواحد 4 اذرع
وهادا الفرق يبان وقت الانقسام
انك لما تقسم من السنترومير بتشيل التضاعف لانك بترجع الكروموسوم للحجم الطبيعي بذراعييييين فقط
فهمت عليا؟؟؟؟
لو في سؤال تاني انا جاهزة