تجمع ماجستير مكتبات

[miss-SHOROUQ]

السلام عليكم ورحمة الله وبركاته

أهلا و سهلا بالمنتسبين و المنتسبات إلى قسم المكتبات و علم المعلومات

يسعدني ويشرفني أن يكون هذا الموضوع
نقطة تواصل معرفية بيننا
نتابدل فيها الآراء و الأفكار حول ماهية المواد المهمة للإلمام بمنهج المكتبات و المعلومات


كما لا يخفى عليكم موعد اختبار المفاضلة بتاريخ 21/4/1431هـ

بالنسبة لجميع أقسام الماجستير العام

و أبدأ بوضع عناوين لكتب قد تكون مهمة و مرجع أساسي لمن أراد دخول اختبار المفاضلة

1/ كتاب مقدمة في علم المعلومات
2/ كتاب مناهج في البحث العلمي


و الله الموفق

[قمر خالد]

وعليكم السلام والرحمة

...

مشكووره على الموضوع خيتو

بس حبيت استفسر عن الاختبار .. كيف راح يكون

وايش يتضمن بالضبط؟؟

ياليت اللي عنده معلومات يفيدنا

[queen1]

الاختبار حيكون مقالي

مجزء إلى أربعة أجزاء:
الجزء الاول : أسئلة في مناهج البحث.
الجزء الثاني : أسئلة في خدمات المعلومات.
الجزء الثالث :أسئلة في تقنية المعلومات .
الجزء الرابع : أسئلة في تنظيم المعلومات.

[دانااا]

شكرا ً أخوتي ..

واللي عندها معلومات أكثر عن الاختبار اتمنى تشاركنا فيها ..

والله يوفق الجميع ..

[صباالورد]

مساء الخير
انا كمان مقدمه على المستر معك هذا الرابط ان شاء الله يفيدكم
http://www.skaau.com/vb/showthread.php?t=170298

[miss-SHOROUQ]

هذا نص رسالة من طالبه في ماجستير مكتبات ضمن الدفعة الي انقبلوا المرة السابقة

ان شاء الله تستفيدوا منه




السـلام عليكم

دي الأشياء المهمة إلي سمعت البنـات يقولوهـا ..



أول شي طبيعة كل اختبـار للقبول انه حتلاقي فيه 3 أقسام

قسم عن التقنيـة

وقسم عن مناهج البحث

وقسم عن المصطلحـات



اول شي

المصطلحـات

زاكريــهاا كلهـا من منتديـات اليسير حتلاقي قاعدة مصطلحـات اليسير ذاكري منهـا لأنه المصطلحـات ما تخرج منهـا

ومن الأشياء الي جات فالاختبارات السابقه

البث الإنتقائي ,الإحاطـة الجاريـه , خدمـات الفئات الخاصـة, المكتبـات الإلكترونية قواعد الفهرسـة الأنجلو أمريكية ,محركـات البحث





تاني شي

التقنيـة



ذاكري عن الميـتا داتاا

بوابـات الإنترنت

الويكي

خدمـة ال rfid

محركـات البحث

الويب 2

أقراص البلو راي



دي الأشياء اقرأيهـا واحفظي فيهـا نقاط مهمه لأنه غالبـا يجيبوا تحدثي عنهـا

فحطي فبالك انك تعرفي تشرحي تعريفها وأهم الأشياء فيها





تالت شي

مناهج البحث

جاهم سؤال عددي أنواع مناهج البحث واشرحيـها أي منهج تفضلي

منهـا ولماذا ؟؟



أيهمــا أفضل استخـدام المقابله أو الإستبيـان ولماذا ؟؟

وحيكون الجواب انك تقولي الجمع بينهم هوا الأفضل لأنه حتجمعي بين ميزات المقابله ومميزات الإستبيـان

وتقولي مميزات كل واحد فيهم



في كمان سؤال سمعت البنات يقولوه بس مني متأكده من صياغته

بس أظن اش هوا نوع المنهج المستخدم فالمكتبـات وسمعت انه البنات لقوا جوابه في كتاب المناهج محطوط فص لحاله عن دا الموضوع

بس أرجع اتأكدلك من السؤال وأقولك عليـه



في سؤال أنا جاني فأسئلتي الخطه الخمسية للملكه في تطوير خدماتها المعلوماتيه

وحتلااقي جوابه فكتاب المقدمه حق السريحي في فصل كامل عنه



دي الأسئله

إلي حسيتها صعبه ولقيتها وكل ما عرفت شي حأقولك ان شاءالله



الكتب إلي مهم تذاكري منها

كتاب مقدمـه أو مدخل في علم المعلومات حق السريحي

ودكتوره عزه قالت لبنت احفظي دا الكتـاب حفظ تلات أرباع الأسئله منه

كتاب الإنترنت والبحث العلمي

زاكريه كويس كمان

كتـاب خدمــات لدكتوره فاتن باملح دووبهـا طلعته

متكلمه فيه عن كل التقنيـات الحديثه

فهم انك تشوفيه وتقرأي فيه عشان تكوني ملمه بكـل الموضوعـات الحديثـة

[صباالورد]

جزاك الله خيرا
وداخلك الجنه من اوسع ابوابها
و اتمني من الجميع المساعده
المعلومات جدا مفيده

[R&R&R]

بنات أنا راح اكمل معاكم أدعولي بالتوفيــــــــــــــــق

[دنيا الصمت]

يارب تسهلها يارب

[miss-SHOROUQ]

بنات يا ريت تشاركوني بأي اضافات لأشياء بتذاكروا و حسيتوا إنها ممكن تفيدنا

و لا تنسوا " من كتم علماً ألجمه الله بلجام من نار يوم القيامة " أو كما قال الرسول عليه السلام

أحتسبي أجر بنات يستفيدوا من معلومة أو مصدر يذاكروا منه ويكون سبب بعد توفيق الله في القبول

والايثار الايثاااااار ترى كلها أرزاااااق ومقسووومة من قبل لا تنخلق السماوات و الأرض

الله يفتح علينا جميعا