ياللي ظلمتونا... خافوا الله (ee201)

[Eng:S.T.M]

في البداية...
سؤال لجميع الطلاب اللي منزلين(ee201):هل كنتم تتوققعون الدرجة التي حصلتم عليها؟

بالنسبة لهذه المادة: اش رايكم في اختبار من 4 أسئلة كل سؤال عليه 10 درجات وإذا غلطت غلط بسيط ممكن يلغيلك السؤال كامل؟
وبعدين هذه المادة مادة عملية، كيف يكون النظري عليه 80 درجة والعملي 20 درجة؟ وفي الاختبار النظري يبغاك تكتب البرنامج بدون أي غلط،(توزيع مجحف بصراحة والتصحيح أجحف منه)
ولا يعني هذا أني أنتقد د/علاء جودة في شرحه (شرحه ما عليه كلام) لكن العلة في اختباراته وتصحيحه وتوزيع الدرجات - على المسؤؤلين عن هذه المادة أن يراجعوا حساباتهم- .

وأوجه هذا السؤال لكل طالب:مم اشتفدت اكثر من المعمل او من النظري؟
وأنا أجزم لكم أن أكثر من 50% من الطلاب يحفظون أغلب البرامج كما هي في النظري

قد يقول البعض إن هذه المادة سهلة-ممكن تكون سهلة بغير هذا النظام المجحف-.
وبصراحة أنا كنت حاط هندسة الالكترونيات في بالي لكن بعد هذه المادة غسلت يدي من أقسام الكهربائية الأربعة

وللحق فإن الفضل بعد الله في نجاحي في هذه المادة هو م/سامي (مهندس المعمل) -مع العلم أن المفروض أن تكون درجتي أعلى من كذا بكثير لولا التصحيح المجحف-.
ولولا الله ثم هو لكنت في عداد الراسبين

[متعقد]

الله يعين أخوي ..
ماأكذب عليك في البرمجة اخذت نفس الدرجه اللي متوقعها .. بس الرسم والماث 202 .
والله خسفووووني .. الرسم ابراجعهم بس ماعندي ولا اي خلفية عن درجاتي .. ماسلمونا درجة
أي كويز قبل كذا .. مع اني واااااثق من حلي ..
حسبي الله ونعم الوكيل فيهم لو ظلموني

[blue dark]

المشكلة د / علاء يدرسك شي ويجيب الاختبار شي ثاني

والمعمل حدث ولا حرج انا عند مهندس رشاااد شديد زيادة عن اللزوووم
بس الحمد لله على النجااااح

[d619x]

ههههههههههههههههه انتو يا مستجدين دلعوكم في اول سنه ولما دخلتو في الهندسه اتفجأتو انو المواد فوق قدراتكم العقليه
الله يعينكم ولله شدو حيلكم حاولو تخلو مخكم يمشي على نظام انو مهندس يعني اتصور اي مشكلة تحصلك في الماده لاتخاف ولا تقول ما حتنحل لكل مشكلة حل واجه المشكله وشوف نقاط ضعفك وحلها مو تجلس تدلع الترم كلو وفي الاخير تجي تكتب موضوع تتهم فيه دكاترت الهندسه العيب فيكم مو فيهم والله. انتا مهندس يعني هتمسك مسئولية كبيرة على كتفك لما تتخرج وتتوضف لو منتا قدها حول اداره واقتصاد وبالتوفيق هتتخرج معدلك فوق الـ 4 وانا اضمنلك وبالتوفيق اتمنى تكون فهمت ايش ابغا اوصلك .. وشكرا

[eng. abdu]

الهندسه بصفه عامه يبغالها شغل و انتا لا تستنى الدكتور يجبلك من نفس الدفتر, المطلوب منك انك تفهم و تبدع..
و التركات هادي هيا العنصر المشترك بين كل مواد الهندسه..
الله يعينكم و ايانا..

[غرور فتاه]

الله يعينكم
بالتوفيق

[mr increase]

والله حتى انا اخذت درجة اقل من المتوقع !!!

[مهنـ(engineer)ـدس]

والله يااخوي شوف
انا المادة اخذتها تقريبا قبل سنة
واخذتها عند علاء جودة واحقاقا للحق الدكتور ذا ماقد شفت زيو من احسن الدكاتة شرح وخلق
يعني انا قبل الاختبار ذاكرت من الكلام اللي كاتبو الدكتور بالمحاضرات والحمد لله الدرجة كانت جيدة
بس ذحين سمعت انهم صعبولكم المادة ماادري هما صعبوها من جد واللا الناس ماتبغى تذاكر !!



تقبل مروري

[Eng:S.T.M]

المشاركة الأصلية كتبت بواسطة d619x ههههههههههههههههه انتو يا مستجدين دلعوكم في اول سنه ولما دخلتو في الهندسه اتفجأتو انو المواد فوق قدراتكم العقليه الله يعينكم ولله شدو حيلكم حاولو تخلو مخكم يمشي على نظام انو مهندس يعني اتصور اي مشكلة تحصلك في الماده لاتخاف ولا تقول ما حتنحل لكل مشكلة حل واجه المشكله وشوف نقاط ضعفك وحلها مو تجلس تدلع الترم كلو وفي الاخير تجي تكتب موضوع تتهم فيه دكاترت الهندسه العيب فيكم مو فيهم والله. انتا مهندس يعني هتمسك مسئولية كبيرة على كتفك لما تتخرج وتتوضف لو منتا قدها حول اداره واقتصاد وبالتوفيق هتتخرج معدلك فوق الـ 4 وانا اضمنلك وبالتوفيق اتمنى تكون فهمت ايش ابغا اوصلك .. وشكرا

يا حبيبي المواد اللي انت درستها هي المواد اللي نحن درسناها فين الدلع؟(وكمان درسنا مواد اكثر منكم زي الاحياء والحاسب والاحصاء110)-على ايش شايف نفسك علينا؟

بعدين انا ما اتكلمت على الاسئلة(خليه يجيب أسئلة بكيفه) أنا اتكلمت على نظام المادة من اولها لاخرها وعلى التصحيح.

بعدين نحن ماجلسنا طول الترم بدوم ما نسوي شي زي ما تقول، ذاكرنا وسوينا اللي علينا والباقي على الله.

[Eng:S.T.M]

المشاركة الأصلية كتبت بواسطة eng. Abdu الهندسه بصفه عامه يبغالها شغل و انتا لا تستنى الدكتور يجبلك من نفس الدفتر, المطلوب منك انك تفهم و تبدع.. و التركات هادي هيا العنصر المشترك بين كل مواد الهندسه.. الله يعينكم و ايانا..

نفس الهرجة- اقرا الموضوع تمام ( انا ما اتكلمت على الاسئلة، انا اتكلمت على نظام المادة والتصحيح المجحف)