ياللي ظلمتونا... خافوا الله (ee201)

[AMJ]

السلام عليكم . .

بالنسبة لتوزيع الدرجات (الموضوع الأساسي ) .. فأنا أرى انه التوزيع بهذه الطريقة افضل بكثييرررر من لو كان أغلب الدرجات على العملي .. وخليني أقولك ليه ..

الان انت تكتب الكلام اللي المفروض تكتبه على الكمبيوتر ولكن انت بتكتبه على الورق . . الدكتور يشوف خطوات الحل حقتك . . وحينقصك الدرجة على الخطوة الناقصة او الخاطئة والباقي حيعطيك عليه درجة . .

لكن لو كان الاختبار كلو عملي وعليه درجات كثير .. فأنت لازم تعرف ان الكمبيوتر مايرحم وأي خطأ حتى لو كان أبسط الأخطاء اللي ممكن الدكتور حتى ماينبهلها .. لكن الكمبيوتر مح يمشيلك البرنامج وحيحاسبك على الخطأ البسيييط دا وحيعطيك صفرررر لأنه البرنامج بكامله أصبح خطأ ..

وانا ارى انه من مصلحة الطالب ان الاختبار يكون يدوي وليس عملي .. وهذا رأيي .. واحترم اراء الآخرين ..

علما اني اخذت المادة هذه قبل سنة تقريبا عند د. علاء جودة .. وانا اشوف انه من افضل الدكاترة في كلية الهندسة .. ولا أعتقد انه ممكن يظلم اي احد .. وفعلا اغلب الطلاب اخذو الدرجات الي كانو يتوقعوها .. وكثير منهم اخذ درجة احسن من الي كان يتوقعها .. وانا واحد منهم ..

وبالنسبة لموضوع السنة التحضيرية والطلاب القدامى .. فأنا ارى انه الكل تعب حتى يصل لكلية الهندسة .. احنا كان عندنا اختبارات وزارة وكان القبول في كلية الهندسة قليل جدا وكم طالب بس اللي انقبل والباقي راح كلية العلوم او الحاسبات ومن ثم حول على الهندسة لانه معدله في الثانوية ماكان يسمح . وبصراحة اختبارات الوزارة كانت صعبة جدا ولا احد يستطيع انكار ذلك .. وطلاب السنة التحضيرية ماشافو اسئلة الوزارة لكن بدال ذلك حطولهم السنة التحضيرية والتي تعتبر ايضا مطب كبيرر يمنعك من دخول كلية الهندسة أو الطب طبعا ..

وبالتالي زينا زيكم .. الكل مر بمطبات كبيرة والكل دخل الكلية بعد تعب وعناء شديد .. ولكن لازم طالب السنة التحضيرية يعرف جيدا انه مافي مقارنة أبدا بين المواد اللي درسها في خلال هذه السنة التحضيرية ومواد التخصص في كلية الهندسة وخصوصا مواد الهندسة الكهربائية .. وذلك طبعا من ناحية الصعوبة وطريقة الاسئلة وكل حاجة .. يعني بالعربي المواد حق السنة التحضيرية تعتبر تافهة وسهلة جدا بالنسبة لمواد كليه الهندسة .. وانا رأيت هذا الشيء بعيني .. يعني مثلا الفيزيا 110 انتم تدرسو نفس الكتاب اللي احنا درسناه ولكن احنا في الفيزيا 101 درسنا في نفس الكتاب ولكن عدد الشباتر كان يفوق اللي عندكم ب4 او 5 شباتر !! بالاضافة انه احنا كان عندنا معمل وانتم لأ .. ونفس الشيء بالنسبة للكيميا والرياضيات ...
يعني خلاصة الكلام .. لازم ياشباب السنة التحضيرية انكم تشدو حيلكم وانا ماأبغا أخوفكم ولا حاجة .. كل اللي ابغى اوصلكم هو انه اللي اتوفق ودخل كليه الهندسة لازم يشد حيله اكثر ويجتهد اكثر ..

وأعذروني على الاطالة :)


ودمتم بود,,