الله يوفقك ياصاحب المنتدى انت والحاضرين لدي استفسار مهم

[iK6]

المشاركة الأصلية كتبت بواسطة أبوسلطآن السلام عليكم ورحمة الله اخواني واخواتي وابنائي وبناتي الحاضرين والغايبين اسأل الله العلي القدير ان يوفقكم لكل مايحبه ويرضاه وان يسدد خطاكم وان يحقق امانيكم وان يرزقكم كل ماتتمنوه وان يرزقكم الزوج والزوجة الصالحين والذرية الصالحة ومرافقة الحبيب صل الله عليه وسلم في الجنة آمين انا ولله الحمد عندي بنت تبي تتخرج هالسنة ان شاء الله من الثانوية وتبي الجامعة كلية الطب ونتيجة الترم الاول 98% وان شاء الله هالترم حولها 98% وجابت في القدرات 81 ونقول في التحصيلي كمثال 80 يعني بالنهاية نسبتها الموزونة حتكون 89.3 وقرأت ان السنة اللي فاتت اقل نسبة تم قبولها كانت 93%وكسور يعني مافي امل تقبل بكلية الطب طبعا من خلال المنتديات قرأت هالشي واليوم قرأت ان هالنسبة مالها علاقة بالقبول بالكلية . هالنتيجة تخص القبول بالجامعة فقط اما القبول بالكلية فيتم من خلال السنة التحضيرية ، وصار لي اسبوعين ابحث بقوقل والمنتديات بصراحة احترت وماتوصلت لنتيجة واضحة ارجو ممن فهم سؤالي ان يوضح لي الصورة بشكل مبسط ولو اعدت عليه السؤال لايزعل مني ويتحملني وبارك الله فيكم

وعليكم السلام ورحمة الله،

طبعاً ما راح أتطرق لما بعد السنة التحضيرية، لأن ما يهمنا الآن هو القبول في الجامعة أولاً والباقي يأتي لاحقاً،
وهذه أقل نسب القبول التي توقف عليها التسجيل العام الماضي، علمي بنات 81.12 وما شاء الله نسبة أبنتك الموزونة متوقع أنها تكون عالية، فبإذن الله قبولها سيكون مضمون.



بالتوفيق لنا ولكم

[أبوسلطآن]

المشاركة الأصلية كتبت بواسطة يالله ستـرك اخوي ابو سلطان الصراح ما ابي اضيف شي الاخوان كفوو ووفو لكن لو تفكر في خيار الكليات الاهليه مثل ابن سينا وتقدم على المنحه حيكون خيار جدا ممتاز وتبعد عن الهم والقلق الي ذبحنا اذا كان الطموح هو فقط طب وما ترضا في غيره فأتمنى انك تفكر في كلامي وان شاء الله بنتك تكون قدها ان شاء الله للمعلوميه 1/ نسبه الطب عن البنات مرتفعه جدا اخر نسبه قبول هي 97 ما شاء الله يعني تقريبا تجيب في كل المواد فل مارك 2/السنه التحظيريه هي نفسها الثانويه من ناحيه المواد لكن صدقني حتختلف في كل شي كأنك بدأت من جديد وانا اعرف ناس درجاتهم في الثانويه جدا عاليه ولكن فشلو في التحضيري طبعا انا لي سنتين في التحضيري وعارف الي يصير الصراحه الوضح يخوف الاختبارات كل مالها تزداد صعوبه ولو تراجع النسب حتعرف كلامي هذي بعض النصائح الي حبيت اتكلم عنها فإن أحسنت فمن الله، وإن أسأت أو أخطأت فمن نفسي والشيطان والسلام عليكم

بارك لله فيك يااخي ماعرف عن المنح شيئ انا همي القبول بالجامعة والحمد لله الاخوان طمنونا وحنا راح نبذل جهدنا معها في السنة التحضيرية ونوفر لها كل شي وهي واجتهادها بعد توفيق الله فإن توفقت فكان بها ماتوفقت اكيد فيها خيارات اخرى امامها والسنة التحضيرية راح توضح لها كل الامور تحياتي لك

[أبوسلطآن]

المشاركة الأصلية كتبت بواسطة dede12 وعليكم السلام ورحمة الله وبركاته شكرا لدعواتك اسأل الله ان ترى ابنتك مع المتفوقين واسأل الله ان يجعلها طبيبة موفقة وينفع بها درجاتها قريبة من درجاتي انا التراكمي كان 99 والقدرات 84 والتحصيلي 80 والموزون 91 بعدين التحضيري 98 ودخلت طب وأنصحها بشدة انها تدخل الدراسة ممتعة وسهلة الى حد كبير والطب يعتمد فقط على درجات السنة التحضيرية

ماشاء الله ولاحول ولاقوة الا بالله الله يوفقك يابنتي تستاهلي كل خير عموما هي تقرأ كلامك الان وان شاء الله تكونوا زميلات بمستشفى واحد مستقبلا

[أبوسلطآن]

المشاركة الأصلية كتبت بواسطة ik6 وعليكم السلام ورحمة الله، طبعاً ما راح أتطرق لما بعد السنة التحضيرية، لأن ما يهمنا الآن هو القبول في الجامعة أولاً والباقي يأتي لاحقاً، وهذه أقل نسب القبول التي توقف عليها التسجيل العام الماضي، علمي بنات 81.12 وما شاء الله نسبة أبنتك الموزونة متوقع أنها تكون عالية، فبإذن الله قبولها سيكون مضمون. بالتوفيق لنا ولكم

ماشاء الله بارك الله فيك يااخي الله يجزاك خير الجزاء

[راكان 511]

المكرم أبو سلطان

اتمنى لبنتك الكريمة كل التوفيق في اختيارها وفي دراستها ..

من تجربتي المتواضعه وحتى يكون سهل عليها تجاوز السنه التحضيريه بمعدل عالي ان شاء الله حاول انها خلال الصيف او على الأكثر بداية الدراسه تدخل اختبار أيلتس او توفل
عشان يحذف عنها اللغة الانجليزية المقررة في السنة التحضيرية وتقدر تتفرغ للمواد الباقيه ..
لأن اللغه الانجليزيه في التحضيري 18 ساعه في الاسبوع وصراحة تستنزف وقت كبير على حساب المواد الباقية ..

وبالتوفيق ان شاء الله ..

[m7md1415]

المشاركة الأصلية كتبت بواسطة أبوسلطآن بارك الله فيك يامحمد الاهلاوي والسنة الجايه الاهلي ان شاء الله غير بالنسبة للنسبة في نهاية السنة التحضيرية هي مثل نسب الثانوية مئوية او 5 من 6 او شيئ من هالقبيل.؟

بدون تعقيد وطرق حساب ، باختصار
.. تقدر تقول انها من 5

لكن لها طريقة حساب معينة تحولها لنسبة من 100%

والمهمه واللي يعتمدو عليها في القبول في الكليات نهاية السنة هي النسبة التفصيلية ( اللي من 100% )

لانها نسبة دقيقه ويدخل في حسابها كل درجة فتوضح الفروق بين الطلاب
فيبدأو يفرزو الطلاب ويقبلوهم من خلال المنافسه على النسبة

لا تشيل همها دام ان بنتك ماشاء الله شاطرة في الثانوي فلا تخاف لان السنة التحضيري اعادة للثانوي لكن بكتب انجليزية

فان شاء الله ماحتتعب فيها كثير

وفالك تفرح بيها وتدخل الطب باذن الله بس يبالها همه وان شاء الله انها قدها

**** اكيييد الاهلي غير ان شاء الله ، حريقه حيكون يارب ههههههه

[Basma algHamdi]

اهلاً بك مرهه اخرى ابو سلطان :)
رديت ع سؤالك في موضوع
[ لطلاب التحضيري أي سؤال ... ]
ما أنتبهت لسؤالك هنا -_-"
* الأعضاء ماقصروا معاك مايحتاج اعيد اللي كتبتو ، بس عندي حاجه حابه أوضحها :$
مادة English ندرسها بالتحضيري ع 4 مستويات .
يعني كل فصل دراسي مادتين و لا تنتقل للمستوى التالي إلا و هي متقنه للمستوى اللي قبلو و هكذا .
مثلاً المستوى الأول اذا نجحت فيه تروح ع المستوى الثاني اما اذا رسبت لا قدر الله تعيد المادهه حتى يبقى المستوى الرابع و تضطر لدراسته صيفي و يروح ععليها التقديم لكلية الطب .
الي حابه اوضحه انو في اختبار قبل بدايه دراسة السنه التحضيري في الجامعه تدخلو و هما يشوفوا المستوى اللي يناسبها و يحطوها فيه .
بدل مابتدرسو من المستوى الأولى و تتعب لأنو محاضرات English ثلاث ساعات كل يوم .
ف انتبهوا لا يروح وقت الإختبار ععليها .
أو تختبر اختبار التوفل او الايلتس بإي معهد و تحذف كل مواد English من دراستها بالجامعه
و تستعد له من موقع انقلش فور عرب مرا مفيد و متكامل من جميع النواحي .

[رفّات حُلم]

أهلًا .
نوّرت أخوي.
ححكي تجرُبتي لعلّي أفيد بنتك!
أولًا.. النسبة عشان تدخل الجامعة تتكون من 50 % مدرسة، و 30 % قدرات، و20 % تحصيلي!
( دُفعتنا، تأكّدو انه الدُّفعة اللي بعدنا زيّنا )
فيه مواقع لو كتبت في قوقل حساب النسبة الموزونة للقبول في الجامعات
نجي اول حاجة :
* المدرسة .. هي عبارة عن التراكمي ( من 1 ثانوي لو كانت مقررات ، او من 2 لو كانت عام ) !
طبعًا في الشهادة آخر شي او اللي موجودة في موقع نور تلاقيها او تقدر تطلبها من المدرسة لو مافيه !
* القدرات .. أعلى درجة ، والتحصيلي هيّ وحدة!
طبعًا فتح التسجيل في الجامعة الكترونيًا من موقع الجامعة.. تعبّي البيانات مُؤقتًا الين ما تطلع درجة التحصيلي!
وتحط حفظ مو ارسال، عشان ترجع تعبي درجة التحصيلي وباقي المعلومات لو ما كمّلتها!
بعدين الجامعة تفرز النسب الأعلى وكل ما كانت النسبة الموزونة أعلى كل ما ضمنت الدُّخول!
أول ما يطلع الفرز حيتحدد لها في الموقع موعدها وبأي نظام انقبلت ( انتظام، موازي، انتساب، تعليم عن بعد، في جدة .... )
حتروح الجامعة ( مبنى 29 ) .. وحتصدر البطاقة!
طيب ايش فايدة النسبة الموزونة العالية؟
لما تدخل بدري وتعمل البطاقة في البداية ( بداية أول يوم ) فيه فايديتين!
* انها احتمال تبدأ بخطة أ الأسهل الين ما تتأقلم : ( رياضيات، فيزياء، اتصال، حاسب )
* وازا ما لحقت على خطة أ : انها حتختار الفرع اللي تباه ( سليمانية، شرفية ... )
احتمال تكون متلًا اول يوم بس يصير في خطة ب، نصيب وحظ!
بس انه الاماكن كمان.. لانه في السليمانية عدد محدود من المقاعد وبعدها تصير تنقبل في الفروع الثانية!
اول ما تستلم البطاقة : حيعطوها ورقة اختبار انجلش اليوم التاني!
خليها تروح تختبر وتشد حيلها ، لانه الانجلش مرررة يتعب في الدوام!
4 مستويات، وممكن تكون 3 ايام او 2 من الاسبوع يصير دوامها لـ 4 او ممكن اقل حسب دكتورتها!
حتى لو اختبرت تحديد مستوى!
خليها تزاكر للايلتس، وتختبره او التوفل!
الانجلش حقيقي يتعب، ويضيع اليوم والدرجات كمان!
بالنسبة لخطة أ / خطة ب :
حتدرسها كلها، لكن متلًا الترم الاول مواد خطة أ .. الترم التاني مواد خطة ب!
خطة أ : رياضيات، فيزياء، اتصال، حاسب
اتصال وحاسب بالعربي والبقية بالانجلش، سهل الانجلش الين ما تتعوّد عليه بس :)
خطة ب : احياء، وكيمياء و احصاء
طبعًا الانجلش لو ما حذفته او بقيلها، حتدرسه الين ما تخلصه..
* لو بدأت ليفل 1 طول السنة حتدرس انجلش
* لو بدأت ليفل 2 جزء من الترم التاني بس محتأخذ فيلو انجلش
* لو بدأت ليفل 3 الترم التاني كله مافي انجلش
* لو بدأت ليفل 4 حتكون مأجزة بداية الترم الاول بعدين تآخذ ليفل 4 لما يخلّصو الناس اللي في ليفل 3 عشان يكونو عدد ويدرسوا!
كل المواد بـ 3 ساعات ما عدا الانجلش كل يوم ( حيكون أيام من 11 وايام من 8 ) وبساعتين بس!
درجات الثانوي تطير من يوم ما تدخُل بوابة الجامعة،
حيصير درجات التحضيري هيا اللي تحدد

أي سؤال أنا حاضرة
الله يسهلها () .

[أبوسلطآن]

المشاركة الأصلية كتبت بواسطة basma alghamdi اهلاً بك مرهه اخرى ابو سلطان :) رديت ع سؤالك في موضوع [ لطلاب التحضيري أي سؤال ... ] ما أنتبهت لسؤالك هنا -_-" * الأعضاء ماقصروا معاك مايحتاج اعيد اللي كتبتو ، بس عندي حاجه حابه أوضحها :$ مادة english ندرسها بالتحضيري ع 4 مستويات . يعني كل فصل دراسي مادتين و لا تنتقل للمستوى التالي إلا و هي متقنه للمستوى اللي قبلو و هكذا . مثلاً المستوى الأول اذا نجحت فيه تروح ع المستوى الثاني اما اذا رسبت لا قدر الله تعيد المادهه حتى يبقى المستوى الرابع و تضطر لدراسته صيفي و يروح ععليها التقديم لكلية الطب . الي حابه اوضحه انو في اختبار قبل بدايه دراسة السنه التحضيري في الجامعه تدخلو و هما يشوفوا المستوى اللي يناسبها و يحطوها فيه . بدل مابتدرسو من المستوى الأولى و تتعب لأنو محاضرات english ثلاث ساعات كل يوم . ف انتبهوا لا يروح وقت الإختبار ععليها . أو تختبر اختبار التوفل او الايلتس بإي معهد و تحذف كل مواد english من دراستها بالجامعه و تستعد له من موقع انقلش فور عرب مرا مفيد و متكامل من جميع النواحي .

صحيح انا كتبت موضوعي بموقع اخر بس نسيت مكانه وركزت على هنا عموما الله يرضى عليك ويحفظك ويقر عينك بالنجاح والتوفيق والعفو والعافية بالدنيا وبالاخرة
انتي وكل من خدمني في المنتدى والله انا حدي ثانوية وبسببكم صرت انصح زملائي في العمل لاولادهم وبناتهم وصاير مرجع لهم:)
بالنسبة لاختبار التوفل خليني اقول اللي فهمته اذا صح او لا.؟ اختبار التوفل هو منهج يدرس بمعهد اهلي وتاخذ البنت نتيجة الاختباروتقدمها للجامعة وتتحذف مواد الانقلش من دراستها.؟ اذا صح أي معهد ينصح به.؟ وكم مدة الدراسة فيه واكيد مسائية.؟ وهل ينصح بعمل الاختبار في بداية الدراسة الجامعية,؟ وشكرا تعبت معاي

[Basma algHamdi]

المشاركة الأصلية كتبت بواسطة أبوسلطآن صحيح انا كتبت موضوعي بموقع اخر بس نسيت مكانه وركزت على هنا عموما الله يرضى عليك ويحفظك ويقر عينك بالنجاح والتوفيق والعفو والعافية بالدنيا وبالاخرة انتي وكل من خدمني في المنتدى والله انا حدي ثانوية وبسببكم صرت انصح زملائي في العمل لاولادهم وبناتهم وصاير مرجع لهم:) بالنسبة لاختبار التوفل خليني اقول اللي فهمته اذا صح او لا.؟ اختبار التوفل هو منهج يدرس بمعهد اهلي وتاخذ البنت نتيجة الاختباروتقدمها للجامعة وتتحذف مواد الانقلش من دراستها.؟ اذا صح أي معهد ينصح به.؟ وكم مدة الدراسة فيه واكيد مسائية.؟ وهل ينصح بعمل الاختبار في بداية الدراسة الجامعية,؟ وشكرا تعبت معاي

ولو هذا واجبنا و احنا بالخدمه :$
ايوه صح كلامك ، افضل حاجهه تاخذهه بالصيف حتى لما تعبي بيانات القبول تكتب عندها اختبار توفل و تصور النتيجة و ترفقها بالمرفقات أو تقدم ورقه النتيجه لمعهد اللغة الانجليزيه بالجامعه بدايه الدراسة .
اما بالنسبة لأماكن الإختبار ععندك موقع التوفل
http://www.ets.org/portal/site/ets/m...0022f95190RCRD
بس اععمل Register for the Test
http://www.ets.org/bin/getprogram.cgi?test=toefl
تختار الدولهه و تطلع لك اوقات الإختبار لكل مدينه و حتى تعرف موقع الاختبار لازم تسجل بموقع التوفل و لما بتضغط ع التاريخ الناسب لك يبين لك موقع الإختبار .


و ههنا شرح لطريقه التسجيل بالموقع
http://www.e-moh.com/vb/t134187/


-


دععواتك اجيب درجه حلوه بالكيمياء و الانقلش