الله يوفقك ياصاحب المنتدى انت والحاضرين لدي استفسار مهم

[iK6]

المشاركة الأصلية كتبت بواسطة أبوسلطآن السلام عليكم ورحمة الله اخواني واخواتي وابنائي وبناتي الحاضرين والغايبين اسأل الله العلي القدير ان يوفقكم لكل مايحبه ويرضاه وان يسدد خطاكم وان يحقق امانيكم وان يرزقكم كل ماتتمنوه وان يرزقكم الزوج والزوجة الصالحين والذرية الصالحة ومرافقة الحبيب صل الله عليه وسلم في الجنة آمين انا ولله الحمد عندي بنت تبي تتخرج هالسنة ان شاء الله من الثانوية وتبي الجامعة كلية الطب ونتيجة الترم الاول 98% وان شاء الله هالترم حولها 98% وجابت في القدرات 81 ونقول في التحصيلي كمثال 80 يعني بالنهاية نسبتها الموزونة حتكون 89.3 وقرأت ان السنة اللي فاتت اقل نسبة تم قبولها كانت 93%وكسور يعني مافي امل تقبل بكلية الطب طبعا من خلال المنتديات قرأت هالشي واليوم قرأت ان هالنسبة مالها علاقة بالقبول بالكلية . هالنتيجة تخص القبول بالجامعة فقط اما القبول بالكلية فيتم من خلال السنة التحضيرية ، وصار لي اسبوعين ابحث بقوقل والمنتديات بصراحة احترت وماتوصلت لنتيجة واضحة ارجو ممن فهم سؤالي ان يوضح لي الصورة بشكل مبسط ولو اعدت عليه السؤال لايزعل مني ويتحملني وبارك الله فيكم

وعليكم السلام ورحمة الله،

طبعاً ما راح أتطرق لما بعد السنة التحضيرية، لأن ما يهمنا الآن هو القبول في الجامعة أولاً والباقي يأتي لاحقاً،
وهذه أقل نسب القبول التي توقف عليها التسجيل العام الماضي، علمي بنات 81.12 وما شاء الله نسبة أبنتك الموزونة متوقع أنها تكون عالية، فبإذن الله قبولها سيكون مضمون.



بالتوفيق لنا ولكم

[أبوسلطآن]

المشاركة الأصلية كتبت بواسطة ik6 وعليكم السلام ورحمة الله، طبعاً ما راح أتطرق لما بعد السنة التحضيرية، لأن ما يهمنا الآن هو القبول في الجامعة أولاً والباقي يأتي لاحقاً، وهذه أقل نسب القبول التي توقف عليها التسجيل العام الماضي، علمي بنات 81.12 وما شاء الله نسبة أبنتك الموزونة متوقع أنها تكون عالية، فبإذن الله قبولها سيكون مضمون. بالتوفيق لنا ولكم

ماشاء الله بارك الله فيك يااخي الله يجزاك خير الجزاء

[راكان 511]

المكرم أبو سلطان

اتمنى لبنتك الكريمة كل التوفيق في اختيارها وفي دراستها ..

من تجربتي المتواضعه وحتى يكون سهل عليها تجاوز السنه التحضيريه بمعدل عالي ان شاء الله حاول انها خلال الصيف او على الأكثر بداية الدراسه تدخل اختبار أيلتس او توفل
عشان يحذف عنها اللغة الانجليزية المقررة في السنة التحضيرية وتقدر تتفرغ للمواد الباقيه ..
لأن اللغه الانجليزيه في التحضيري 18 ساعه في الاسبوع وصراحة تستنزف وقت كبير على حساب المواد الباقية ..

وبالتوفيق ان شاء الله ..