عبقرية المُهندس الضعيف !

[ططال عمري]

شوف يا الطيب ,
أنت جاوبت على سؤال " ايش الفرق بين طالب الانتظام و الموازي " !!
ترا بس المكافأة اللي تصرف بالمقاهي على قولتك
و دامها ما تفرق معاك الحمدلله , ليش زعلان ؟
اللي أعرفه أن أي طالب حاط رغبة " موازي " سواء طب هندسة حاسب!
يكون فعلا ناوي ع التخصص أياً كان , ليش أنت حاس انها انتقاص منك ؟
بتدرس نفس المواد بنفس الوقت بنفس المبنى بنفس كل شيء!!

هندسة و زعلان ؟ فعلا شيء غريب ,
ممكن تزعل لو ما كانت رغبتك أساسا هندسة ,
بس دام ان عندك فكرة , انك تدرس هندسة بمكان ثاني و تصير مهندس حقيقي مالها داعي الشعور بالانتقاص!
عموما , لو بتروح مكان ثاني فين مثلا ؟
جامعة حكومية ؟ بتدرس تحضيري من جديد عشان تصير تدخل هندسة و أنت حالياً هندسة بجامعة حكومية و بكلية حاصلة على الاعتماد الاكاديمي abet !!
ولا بتروح كلية أهلية و تدفع ؟ < هنا بينطبق عليك مثل كأنك يابو زيد ما غزيت , يعني نفس الموازي و بالاهلي بالعكس بتكع مبلغ و قدره
هنا بالجامعة ما بتدفع شيء ولا بتاخذ شيء =)

عموما أنا أحس دام الرغبة موجودة , لا تحول ولا تروح بمكان و خلك مكانك و قول الحمدلله غيري ما أخذ هالمقعد!
فكر أن وثيقتك و شهادتك , بتكون نفس قوة و شهادة وثيقة طالب انتظام =)

بالتوفيق يا مهندس =)