موضوع شاغل بالي : هل اسئله اختبار طلاب التعليم عن بعد وطلاب الانتساب موحده

[النهر الجاري.]

المشاركة الأصلية كتبت بواسطة mody990 يا اخوان أنا متأكد من كلامي اللي قلته لكم واسألو الطلاب اللي اختبرو بقاعة 112 في مبنى 125 عدة مرات المراقبين قالو لنا إن هذي القاعة للتعليم عن بعد فقط حتى بالأربع الأيام الأخيرة علقو ورقة على الباب مكتوب فيها تعليم عن بعد فقط وأخرجو كل طلاب الإنتساب وكان في مراقب عند باب القاعة يقول لأي شخص هنا اختبار التعليم عن بعد فقط ماعدا اختبار الرياضيات اللي كان أول يوم كان بأي قاعة عادي

المشاركة الأصلية كتبت بواسطة mody990 أخوي أفضل شي إنك تروح بنفسك للجامعة لأني أرسلت قبل كذا إيميلات للمسؤولين وماعمري لقيت تجاوب وبالنسبة للردين السابقة اللي كتبتها لك فأنا قلت لك عن الشي اللي صار معانا بالضبط مع إني والله يشهد أتمنى من كل قلبي إنه مايكون فيها أي إشكال عند حضور الطالب للإختبار في أي قاعة لكنهم حتى السبورة الموجودة بقاعة 112 كتبو عليها هنا طلاب التعليم عن بعد فقط

المشاركة الأصلية كتبت بواسطة خالد الفوازي التعليم عن بعد إختبارنا الانقليزي فيه لسينق استماع شغلوا شريط صوتي فيه اثنين بينهم محادثة وعليها 12 سؤال يمكن يمشون الجامعه تراها سهالة وانا فكني الله من الحوسة باجتهاد مني دخلت على الموقع الرسمي ولقيت مكتوب مبنى 125 قاعة 101 و 112 وكل مادخلت قاعة 101 يقولي الدكتور تعليم عن بعد ليس انتساب واقوله داري وعلى هالموال لين اخر اختبار

حبيبي مودي
حبيبي خالد

اشكركم على الاهتمام والافاده
الظاهر اني خلاص ( راسب بكل المواد ) خلاص تحطمت

طيب عند الاعاده... هل بيحسبون الدرجه من 100 ولا من 60 ( سمعت من البعض يقول الماده اللي تحملها ما تقدر تاخذ اكثر من 60 درجه )
لو صح هالكلام يصير مو من صالحي ... لاني راسب بكل المواد ... وهذا بيأثر بالمعدل النهائي
ولا كيف ....

والله قهر والله قهر

بكره ان شاء الله رايح للجامعه ... وبتكلم معهم وشوف وش يقولون
دعواتكم ...


والف شكر لكم جميعا

محبكم ابو نايف