موضوع شاغل بالي : هل اسئله اختبار طلاب التعليم عن بعد وطلاب الانتساب موحده

[النهر الجاري.]

كيفكم يا الحبايب
ان شاء الله مبسوطين وناجحين باذن الله

بسئلكم عن الاسئله هل موحده للطلاب عن بعد والانتساب او لا
لاني كل اللي حولي بالقاعه طلاب انتساب وحتى ورقه الاسئله الظاهر مكتوب فيها انتسابات

مهارات اتصال اختبرت بمبنى 81
الانجليزي اختبرت بمبنى 40
مهارات التفكير اختبتر بمبنى 44
الاحصاء اختبرت بمنبى 81


ياليت تطمنوني جزاكم الله خير

[برتني]

لااا اسئلتهم تختلف وشعبهم تختلف ..

طيب ليش ما سألت المراقب عليكم انو انتساب وتعليم عن بعد ولا لا وتطمنت ..

على العموم ... يمكن الشباب يختلفون عن البنات واسئلتهم موحده ..

بس للاحتياط تأكد من جدول الاختبارات واماكن الاختبارات لموادك على موقع التعليم عن بعد ..

[النهر الجاري.]

شكرا اختي على الرد والاهتمام .... الله يسعدك يارب

والله وقتها ما جاء على بالي اسئل المراقب ... على اساس ان مكاني صح

بس بعد ما خلصت الاختبارات ... بدأت المخاوف والشكوك ..

وترى الجامعه ما ارسلوا لي مكان الاختبار ... رحت كذا على عماها ودخلت مع الناس ..
مرتين مبنى 81
ومره مبنى 44
ومره مبنى 40


وعلى طاري المراقب .... اصلا هناك محد نبهنا على هالامر ... يعني ساكتين ...


امممم

جدولي كان
السبت مهارات الاتصال : اختبرت في بمبنى 81 ( شفته قدامي ودخلته )
الاحد انجليزي : اختبرت بمبنى 40 ( قلت خلني اغير )
الاثنين مهارات التفكير : اختبرت بمبنى 44 ( برضه قلت اغير )
الثلاثاء احصاء : اختبرت بمبنى 81 ( رجعت للحبيب الاول )




يا ليت تطمنوني يالحبايب
هل الاسئله موحده او لا


وشاكر لكم

[النهر الجاري.]

طيب على الاقل علموني هل احد اختبر منكم في المباني اللي انا اختبرت فيها

اممم طيب ورقه اختبار الاحصاء معي واشوف مكتوب فيها ( انتساب )
هل يعني خلاص راحت علي وبكون من الراسبين ولا كيف ...

[WLD KSA]

الانتساب كانوا يختبرون معانا كل الاختبارات عادي ما عدا اختبار الانجليزي خرجوهم من القاعة وكان فقط تعليم عن بعد اما باقي الاختبارات نفس الشي

[mody990]

تم إخبارنا من قِبل المراقبين عدة مرات بأن التعليم عن بعد اختبارهم فقط في قاعتين في مبنى 125

إلا اختبار الرياضيات

مع العلم أني خطة أ
ولا أعلم هل هناك اختلاف بين طريقة الاختبار في الخطتين ؟

[النهر الجاري.]

المشاركة الأصلية كتبت بواسطة wld ksa الانتساب كانوا يختبرون معانا كل الاختبارات عادي ما عدا اختبار الانجليزي خرجوهم من القاعة وكان فقط تعليم عن بعد اما باقي الاختبارات نفس الشي

الله يجزاك خير على الافاده
على كذا ممكن نقول ان المواد الثانيه غير الانجليزي ناجح فيها على اساس انها نفس الشي
طيب لو ممكن تقولي ورقه اسئله الاحصاء هل مكتوب فيها انها خاصه للانتساب او للتعليم عن بعد
انا ورقتي مكتوب فيها انتساب ...
المواد الثانيه ما اذكر وش مكتوب فيها ..
اممممممم بالنسبه للانجليزي اختبرت 45 سؤال ... وانت كم

المشاركة الأصلية كتبت بواسطة mody990 تم إخبارنا من قِبل المراقبين عدة مرات بأن التعليم عن بعد اختبارهم فقط في قاعتين في مبنى 125 إلا اختبار الرياضيات مع العلم أني خطة أ ولا أعلم هل هناك اختلاف بين طريقة الاختبار في الخطتين ؟

الله المراقبين ما علمونا ولا نبهونا ...
مشكور حبيبي على الاهتمام والافاده ..
والله اني محيوس حوسه ما يعلمها الا الله
لكن ان شاء الله ما يعقدوني





-----------------------------


تكفون يا اخوان افادات اضافيه علشان يطمئن قلبي

[منصور الرويلي]

اخوي تطمن وهد بالك انا سألت احد المواقبين عن النقطه اللي انت تتكلم عنها وقلته الورقة مكتوب عليها انتساب وانا تعليم عن بعد قال عادي ما عندك مشكله معناته ان الأختبار موحد
تحياتي

[mody990]

يا اخوان أنا متأكد من كلامي اللي قلته لكم
واسألو الطلاب اللي اختبرو بقاعة 112 في مبنى 125
عدة مرات المراقبين قالو لنا إن هذي القاعة للتعليم عن بعد فقط
حتى بالأربع الأيام الأخيرة علقو ورقة على الباب مكتوب فيها تعليم عن بعد فقط
وأخرجو كل طلاب الإنتساب
وكان في مراقب عند باب القاعة يقول لأي شخص هنا اختبار التعليم عن بعد فقط

ماعدا اختبار الرياضيات اللي كان أول يوم كان بأي قاعة عادي

[النهر الجاري.]

المشاركة الأصلية كتبت بواسطة منصور الرويلي اخوي تطمن وهد بالك انا سألت احد المواقبين عن النقطه اللي انت تتكلم عنها وقلته الورقة مكتوب عليها انتساب وانا تعليم عن بعد قال عادي ما عندك مشكله معناته ان الأختبار موحد تحياتي

ي



ربي يوفقك ويسعدك يا غالي

والله اني احاول اهدي من نفسي .. لكن ما قدرت ...

طيب ممكن تقولي وش الماده اللي تقصدها اللي مكتوب فيها ( انتساب )
وياليت تقولي وش المواد اللي اختبروا معكم طلاب الانلتساب

هل كل المواد ( مهارات اتصال - انجليزي - مهارات التفكير - احصاء )

لانه حبيبنا الغالي ( wld ksa ) يقول انهم خروجوا طلاب الانتساب من القاعه ( هذا يعني ان الاسئله مختلفه )


الله يجزاك الجنه




----------------


تكفون يا عيال الديره .... احتاج اضافات
علما اني كتبت ايلميل لبعض المسئولين بالجامعه ... ولا ردوا علي الين الحين
ومقرر ان شاء الله اني اروح للجامعه يوم الاربعاء عشان اشوف وش الهرجه ..
دعواتكم