درجاتي الغريبة

[غريب عزيز]

تعرفو انا ايش سويت بالدور الثاني

الأسبوعين الأخيرة قبل الاختبارات صرت أحضر عند مدرس الرياضيات حقنا عشان التحضير وافهم شوية لأنه ما يفهم مرة

واحضر كمان مرة مع طلاب الموازي عند البروفسور حمزة أبو جبل عشان افهم

دوامي الرسمي من 8 لحد 4 أقعد ساعتين بالمسجد اذاكر لحد 6 عشان احضر عند ابو جبل من 6 لحد 7 وثلث

بعدها اروح البيت اقرى شوية بالكتب وانام

هدا الشي كل سبت واثنين بيصير

وبالايام الباقية أقعد من 4 لحد المغرب اذاكر بمسجد الجامعة عشان هناك هدوء وارجع البيت اريح شوية واكمل مذاكرة

الايام الجاية بأطبق نظام الدوام الطويل من يوم السبت على طول ما راح استنى اخر اسبوعين اصلا ما بقي غير 3 اسابيع دراسة

الحمدلله جبت كل الدرجات بالدور الثاني عالية ما عدا الفيزياء بسبب اني اعتمدت على ملخص اعطانا هو الدكتور حقنا مش حاطط فيه كل القوانين ومافيه كل نماذج الاسئلة

كان ملخص شبتر 4 و 5 و 6 كللها ب 50 صفحة بس وكتابة بخط كبير يعني مافي معلومات كثيرة

الله يعين الواحد كل مرة يستفيد من اغلاطه عشان يصلحها بالمرحلة اللي بعدها

تحياتي ،،،