درجاتي الغريبة

[m.7arbi]

المشاركة الأصلية كتبت بواسطة d7oom-a مممممم في شي مستغرب منو لارآ يعني الحين الفرق بين 79 والـ 80 آكثر من ان الفرق بين الـ 86 والـ 87 مثلآ !! يعني الفرق يعتمد على التقدير ولا الدرجه ؟ صصرآحه معلومه تخوف :(

لاااا في النهايه يعتمدو على النسبه مو المعدل
لو واحد كل موادهـ 95 راح يكون معدله 5 من 5
بس في النسبه ياخذو بالدرجات مو بـ a+

الله يوفقك
سأهزم المستحيل لاتكبري خطك يجيب الصداااع ..

[التائهه في الجامعه]

طيب انا في الدوري الاول جبت في الكيمياء 16 لان المراقبه الله لا يوفقها سحبت الورقه مني وانا ما ظللت 6 اسئله و مره خايفه من يوم السبت و موعارفه اش اذاكر و ابغا اعرف كيف احل في اقل وقت ممكن بحيث انو اقدر اغطي كل الاسئله و اتوقع انو ما ادخل طب ع هالدرجات الخايسه الله يستر بس .. لازم اجيب درجه حلوه يوم السبت ولا احتمال اسقط بالكيمياء

[dr.dudi]

هذا الموضوع راح يفيدك http://www.skaau.com/vb/showthread.php?t=476877

[سأهزم المستحيل!]

المشاركة الأصلية كتبت بواسطة طموح بنوتة يانااسو عليك سأهزم المستحيل من جد انت اسم على مسمى وانا اول وحدة أئيد كلامك استمري الله معانا وراح يتولانا يارب درجاتنا كلناا تتحسن للأفضل *ـ^

تسلمين عنووني أحرجتيني

بجد والله ,, أنا متعقده من وموضوع التشاؤم والتحطيم أنا لماجبت درجات سيئه الميد1 ربي حط لي بنت في حلقي شغلها فالحياه تحطم وصرت ماحب اتكلم معاها|(لأن كلامها يسد نفسي ويكرهني بالجامعه)
ياشيخه دامك دافوره احمدي ربك ع النعمه واسكتي موو تروحين تحطمين بنات خلق الله واللي أعطاك يعطينا ..لأن التووفيق من عنده مووو عبقريه زايده من عندها>>ههههههه ألحين أرتحت طلعت كل اللي في قلبي

واللي خطي يجيب له الصداااع مووولازم تقرأ
أمزح....خلاص راح أصغر خطي

[S.Bn]

شد حيلك ولا تتحطم و درجاتك مرة حلوة

[ضياءالروح]

المشاركة الأصلية كتبت بواسطة التائهه في الجامعه طيب انا في الدوري الاول جبت في الكيمياء 16 لان المراقبه الله لا يوفقها سحبت الورقه مني وانا ما ظللت 6 اسئله و مره خايفه من يوم السبت و موعارفه اش اذاكر و ابغا اعرف كيف احل في اقل وقت ممكن بحيث انو اقدر اغطي كل الاسئله و اتوقع انو ما ادخل طب ع هالدرجات الخايسه الله يستر بس .. لازم اجيب درجه حلوه يوم السبت ولا احتمال اسقط بالكيمياء

http://www.skaau.com/vb/showthread.php?t=473496

بالتوفيق ي رب

[asoma312]

باختصار لسى الوقت قدامك ودرجاتك الى الان تقدر تدخل بها طب بس تجي الدرجات الجاية كلها عالية


ارفقت لك ملف لحساب النسبة الخاصة والعامة عملته وحدة من طالبات السنة اللي فاتت جزاها الل خير ..
المهم تقدر تعرف اذا في عندك فرصة او لا ..

[د. هدّولا]

الفيزيكس داخلة في حساب النسبة الخاصة في كلية الطب
الشي اللي مو داخل هو الإحصاء :)


وماشاء الله درجاتك تبارك الله رائعة , استمر على كدا وشد حيلك في الفيزيكس
اممم راجع اسئلة السنوات اللي راحت ترا تجي نفس الأفكار بس تختلف الأرقام وطريقة طرح السؤال ..
غير كدا الفيزيكس كان عندنا 33 سؤال اذا حليت 30 صح اخدت الفل مارك ..
واذا حليت 33 صح تكون عندك 3 درجات زيادة تنضاف على مجموعك نهاية الكورس ..



واذا تبغى تذاكر ما انصحك من الكتاب غير التعاريف والاشياء النظرية
لأن الكتاب مررة مافيه افكار ولا شي ..
اممم ذاكر من طلعت سالم أو اشرف بركات الاتنين كويسين ..


والله يوفقك ونشوفك بيننا السنة الجية ^^

[معارج]

المشاركة الأصلية كتبت بواسطة huntingman حبيبي لك لحد الأربعين درجة تنقصها ورايح تدخل الطب إن شاء الله النسبة السنة الماضية وقفت على 93 والخاصة على 85 على ما أظن فلو تحسبها تحصل معك 40 درجة وإنته في حد الأمان وأقل من كذه رايح تكون في حد الخطر وبعدين تذكر الطلاب كلهم نزلوا إن كانو في الفيزياء أو الأحياء يعني النسبة رايح تنزل إن شاء االله هذي السنة زي السنوات إلي قبل الماضية في الثمانينات والله الموفق والمسهل ولكن نصحية أخوي لو الفيزياء ذلحين حطمتك أجل الطب رايح يدمرك ... ولازم تعرف إنته على إيش مقبل يعني متى ما دخلت الطب إحسب إذا كنت فهيم 6 ساعات يوميا مذاكلة وإذا ما تفهم بسرعة 10 ساعات يعني ما يبقالك إلا حق النوم أسأل الله لنا ولك التوفيق وللجميع وإن شاء الله أكون رفعت من معنوياتك .... ^_^

والله انك صادق , يعتبر التعب في التحضيري مصيبة , ماشاف شي !!

[معارج]

ودرجاتك من جد غريبة .

بس ماراح الطب عليك , لو انك بنت كان قلت لك راح ههههههه . <<<< ماشاء الله عليكم يابنات .

لكن حاول تعوض في النهائي عشان تنجح , وبدرجة معقولة والترم الجاي عندك الكيميا والاحياء قطع نفسك مذاكرة وان شاء الله تروح طب وهندسة وكل شي .

انا زيك انكبت في الفيزيا الدوري الاول , رحت شديت على نفسي في الدوري الثاني واهملت في الرياضيات .

والله يستر .


المرة هذي ركز على كل شي ولا تقصر , شدة وتعدي كلها اسبوعين .

لانه اللي بقي كله جزء سهل والي قبله مذاكره .

شد حيلك والله يبلغك مرادك .