من يرغب في ادارة واقتصاد

[بتال القوس]

المشاركة الأصلية كتبت بواسطة بنت التميمي يعطيك العافية وجزاك الله خير عفوآ حبيت أسألك لو ماعليك كلافة شنهي أفضل المواد اللي أحتاج أنزلها للمستوى الثالث يعني وش اللي تنصحنا فيه وكم مادة افضل شيء أضيفها من خبرتك والله يرفع قدرك وشانك أخوي بتال وبيض الله وجهك ولامهونه للحاضرين لك عميق إمتناني وتقديري مشكورآ دمت في محبة الله ورسوله

شوفي اول مادة هي اللغة العربية 102 مرة تافهه انصحك فيها
ثاني مادة طبعا الثقافة وهي سهلة ايضاً في ملخصات لها كثيرفي المنتدى وخاصة في ملخص لها عباراة عن سؤال وجواب لكل المنهج
طبعاً المحاسبة وهي مادة سهلة لمن يمارسها عملي يعني خذي الكتاب ومذكرة هاني عرب وابداي في التمرن عليها والله راح تشوفي انها سهلة مرررة لكن للاسف بعض الشباب ياخذونها قراءة وفي الاخير يرسبون انا درست المادة لطالب في كلية ادارة الاعمال رسب فيها ثلاث مرات لانها كان يقراءه فقط بدون ما يتدرب عليها انتي الان تخصص وافضل شي للتعلم هي الممارسة بالكتابة على جميع المناهج ..
طبعاً الاقتصاد الجزئي اسميه السهل الممتنع يعني بالعربي لازم شرح بدقه عشان تفهمي المادة لانها عبارة عن مسائل سهلة وتافهه لمن تفهميها لكن صعبة اذا ما عرفتي طريقتها .
وعندك ادارة عامة هذي المادة الكل يلخبط فيها وينجح ب 60 بسبب انها تحتوي على تعاريف متشابهه ويلخبط فيها لمن يجيب مميزات وخصائص شي ما ما تعرفي هي ميزة ولا خاصية وهذا الي يلخبط الطلاب ...
على العموم لو كنتي في جدة اشتري كتب مستخدمه الان وذاكري منها يا كثرها في المكاتب المقابله للجامعة خاصة المكتبة الي لوحتها كبيرة وصفراء جميع الكتب عندهم .