من يرغب في ادارة واقتصاد

[بتال القوس]

المشاركة الأصلية كتبت بواسطة mmmooona الله يعطيك العافيه موضوع جدا رائع كمان استفدت من كلامك في بعض الردود >>>عشان ما اتعبك واسئلك ههه ربي يوفقك وينجحك وبنور لك مرادك يارب بالتوفيق للجميع

عادي اختي الموضوع مفتوح للسؤال وانا تحت امركم طالما ذلك يخدم مصلحه دراسية والله يوفقك .

[بتال القوس]

المشاركة الأصلية كتبت بواسطة بسمهـ مشكور اخويا على موضوعك المفيد اممم الحمد لله انا اخترت اداره واقتصاد ومرـآآ مرتاحه بس ابغى اسالك اداره واقتصاد شهادته معترف فيها من قسم التربيه والتعليم ولا لا لانه فيه وحده قالت ليا انه مو معترف وما تلاقي وظائف فيه

من حيث الوظائف الادارية كل الشهادات مقبولة اما في التدريس انا عندي احد الزملاء خريج انتساب تقدم ولكنه رسب في اختبار القدرات الان اصبح هناك عوئق غير الشهادة واصبح مجال التدريس صعب .....
ولكن الان مع تحسن الرواتب وارتفاعها الافضل ان الواحد يبحث عن الوظائف المريحة وهي الادارية

[#روووح#]

أولاً جزااك الله خير أخوي..وربي يجعله في ميزان حسناتك..


اتمنى انك تعطيني رآيك ..

أنا الان معلمه لغه انجليزيه مسائي ,,بشهادة دبلوم لغه انجليزيه..والان بأذن الله جاينا تثبيت وان شاء الله تثبيتي عالمستوى الثالث..

انا ما احب التدريس وودي اكون اداريه...
سؤالي لو اخذت شهادة اداره عامه _تطوير وتنظيم اداري..راتبي يكون نفس راتب المعلماات او راتب الوظائف الاداريه في المدارس أقل؟؟؟

وانا لازلت محتاره بين الانجليزي والاداره..

نفسي اتعلم انجليزي بس ما ودي ادرس بالشهاده..بس متخوفه منه شوي..

والاداره احس المواد حلوه لانها حفظ بس متخوفه من الموااد العلميه انا جبت في الاحصاء 87 والرياضيات 60 وشكلهم دافيني كماان..

سؤالي الموااد العلميه اسهل او اصعب من الرياضيات اللي في السنه التحضيريه لاني أدبي..

أطلت..بس حبيت اعطيك التصور الكامل للوضوع عشان تفيدني..

شاكره وقتك...

[#روووح#]

المشاركة الأصلية كتبت بواسطة بتال القوس من حيث الوظائف الادارية كل الشهادات مقبولة ولكن الان مع تحسن الرواتب وارتفاعها الافضل ان الواحد يبحث عن الوظائف المريحة وهي الادارية

يعني لو اخذت انجليزي عادي اصير اداريه بشهادة انجليزي؟؟؟

[orjoin]

يارب بحق هاليوم الفضيل تسعد اللي كتب الموضوع
عندي استفسار بسيط
وش المسار اللي مافيه رياضيات واشياء صعبه لأني تعقدت منه بعد التحضيري خخخخ
ابي مسار سلس و ممتع وفيه معلومات عامه بالحياة وهيك
مع العلم اني احب علم النفس بس اخترت كلية ادارة واقتصاد لأن له مستقبل اكثر حسب ماعرفت

[بتال القوس]

المشاركة الأصلية كتبت بواسطة #روووح# أولاً جزااك الله خير أخوي..وربي يجعله في ميزان حسناتك.. اتمنى انك تعطيني رآيك .. أنا الان معلمه لغه انجليزيه مسائي ,,بشهادة دبلوم لغه انجليزيه..والان بأذن الله جاينا تثبيت وان شاء الله تثبيتي عالمستوى الثالث.. انا ما احب التدريس وودي اكون اداريه... سؤالي لو اخذت شهادة اداره عامه _تطوير وتنظيم اداري..راتبي يكون نفس راتب المعلماات او راتب الوظائف الاداريه في المدارس أقل؟؟؟ وانا لازلت محتاره بين الانجليزي والاداره.. نفسي اتعلم انجليزي بس ما ودي ادرس بالشهاده..بس متخوفه منه شوي.. والاداره احس المواد حلوه لانها حفظ بس متخوفه من الموااد العلميه انا جبت في الاحصاء 87 والرياضيات 60 وشكلهم دافيني كماان.. سؤالي الموااد العلميه اسهل او اصعب من الرياضيات اللي في السنه التحضيريه لاني أدبي.. أطلت..بس حبيت اعطيك التصور الكامل للوضوع عشان تفيدني.. شاكره وقتك...

الله يرزقك من واسع ابوابه ويعطيك حسنة على كل حرف علمتيه ...
التدريس حلو بس انه متعب واذا على التثبيت طبعاً رواتب المدرسين ماشاء الله ممتازة
اما انك تبغين تسيري ادارية طيب في اي قطاع التعليم فرضاً ولمن تستغني عن التعليم وتكوني ادارية احسبي لو انك اخذتي الجامعة باذن الله راح يحطوك على اي مرتبة وهل سيحسبون لك سنوات خدمتك عشان يكون هناك عدل ام سيعاملونك انك جديدة يعني تتعيني على السادسة ويقل راتبك للاسف الشديد ..
انا ما ودي احطمك لكن لازم تعرفي وش وضعك بعد شهادة الجامعة مع وزارة التعليم او ديوان الخدمة يعني احسبيها صح الشي الي يفيدك ويكون راتبك ممتاز سوا في التدريس او الادارة لانه بغض النظر عمل والعمل تعب وما دام انك راح تتعبي اتعب على راتب كبير ولا اتبع من اول السلم ابدأ وكاني توني متوظفة ...
إن شاء الله اكون افدتك في هذا الموضوع

اما عن اسهل قسم في الادارة العامة للاسف انتم في الانتساب لا يسمح لكم الا بقسمين في الادارة العامة اما تطوير وتنظيم او ادارة مستشفيات وفي قسم حلو في ادارة الاعمال اسمه تنمية موارد بشرية ولكنه صعب شويه وفيه مواد علمية كثير ..
وانتي ما عندك حل الا تنظيم وتطوير اداري اما عن القسم فهناك اربع مواد علمية كلها طبعاً تخلوا من اسلوب الرياضيات الممل الي فيه المعادلات وجت واخواتها ...
اول مادة راح تدرسيها هي المحاسبة وهي تعتمد على 1+1=2 يعني بالعربي مادة يبغالها ممارسة عملية وهي مادة سهلة وتافهه فقط لمن يمارسها عملي يعني دفتر ابو 100 ومذكرة هاني عرب وتدهري فيها وخاصة دفتر اليومية ..
وبعدها راح تاخذي محاسبة حكومية وفيها قيود فقط واكثر الطلاب يحفظون القيود ويريحون بالهم .
وبعدها مادة اقتصاد جزئي وهذي المادة حذفتها ترمين كنت احسب انها صعبة ولكن طلعت تافهه ايضاً اخذت اخر ثلاث اختبارات يعني نماذجها وحليتها تمام وطلع منها الاختبار وهي فيها امور مثل القسمة والطرح لكنها ممتعة اذا فهمتي عليها وانا حبيتها وسرت اعلم الشباب عن طريقتها ..
وفي الاخير تجيك مادة بحوث وعمليات هذي المادة من اسمها يجيب الرعب وانا الان راح اخذها وجالس على الصيف اذاكرها وطلعت لي المادة مثل الالغاز ممتعة ولكنها في نفس الوقت غثيثة شويه يعني لازم ينتبه الواحد لحله اي غلطة تخرب المسئلة كلها ولكنها ليست صعبة ...

بس اسلوب الرياضيات العقيم لا يوجد بهذه المواد ..
ارجو ان اكون افدتك

[بتال القوس]

المشاركة الأصلية كتبت بواسطة orjoin يارب بحق هاليوم الفضيل تسعد اللي كتب الموضوع عندي استفسار بسيط وش المسار اللي مافيه رياضيات واشياء صعبه لأني تعقدت منه بعد التحضيري خخخخ ابي مسار سلس و ممتع وفيه معلومات عامه بالحياة وهيك مع العلم اني احب علم النفس بس اخترت كلية ادارة واقتصاد لأن له مستقبل اكثر حسب ماعرفت

طالما انك اخترتي قسم الادارة والاقتصاد باذن الله موفقة وما عندك الا قسم التطوير والتنظيم الاداري

اما ما يخص الرياضيات سبق وان اشرت انه لا يوجد رياضيات مثل الي درستيها كلها مسائل بعيده عن المعادلات والجتا وغيرها ...

انتي ابدي وباذن الله ما رح نقصر مع احد في الشروحات في قسم الادارة العامة هناك مشاء الله شباب وبنات يشرحون اي شي يعيقكم وانا من ضمنهم باذن الله نحاول نوصل لك اي مشاكل في المواد العملية مثل المحاسبة لانها مادة ممتعة ولا يغرك كلام الي يقول انها صعبة لانها تحتاج الى فهم القيود فقط وهذي سهلة مع بداية الترم كل شي يوضح .

[كيكيو]

اسفة اخوي كثرت الاسئلة عليك بس وش اسوي
لاني خايفة والى الان ماخترت كلية معينة
فحبيت اعرف التخصص اللي يكون دراسته بالانقلش
في الادارة والاقتصاد بالنسبة للانتظام
ا هل المحاسبة العمليات الحسابية الموجودة فيها فقط بالانقلش
او كل شي او بعض الكتب
والتسويق فيه شي بالنقلش

الله يعطيك الف عافية

[بتال القوس]

المشاركة الأصلية كتبت بواسطة كيكيو اسفة اخوي كثرت الاسئلة عليك بس وش اسوي لاني خايفة والى الان ماخترت كلية معينة فحبيت اعرف التخصص اللي يكون دراسته بالانقلش في الادارة والاقتصاد بالنسبة للانتظام ا هل المحاسبة العمليات الحسابية الموجودة فيها فقط بالانقلش او كل شي او بعض الكتب والتسويق فيه شي بالنقلش الله يعطيك الف عافية

الانتساب افضل من التعليم عن بعد انتي كاتبه تعليم عن بعد بس ما اعرف انتي تعليم عن بعد ولا انتظام ...
واذا تحبي معلومات اكثر عن المحاسبة توجهي هنا لقسم المحاسبة وهناك مواضيع مثبته للمشرف كيمو ارسلي له رسالة وهو يعطيك اي معلومات عن المحاسبة تفصيلية لانه يدرسها ..

[أمواج بحرالغربية]

انا الحين اخترت كليه الاقتصاد والادارة ونفسي اتخصص بقسم ادارة مستشفيات
سؤالي هنا هل مازال هالقسم متاح لطالبات الانتساب لاني سمعت انو اتلغى
وتحت اي مسار يندرج ادارة عامه ولا ادارة اعمال
لانو بالأودوس لما جيت اختار كانوا حاطين 3 كليات لي (كلية الادارة والاقتصاد)-(كلية الاعمال برابغ)-( كليه الاداب والعلوم الانسانيه)
هل اختياري صحيح للكلية ولا لأة وكم المعدل المطلوب لقسم ادارة المستشفيات علما باأن معدلي مرتفع ولله الحمد 4,16 وهل القسم ذا سهلة مواده اوصعبه
وشكرا