اي من هذه الدورات مساعدة للقبول في ماستر اداره اعمال تنفيذي

[فندام]

الين تحسم امرك بالنسبة للدورات الي حتختارها عندي لكاقتراح جيد جدا الاندية الطلابية بكليه الاقتصاد واتلادارة بتنظم دورات تدريبية وهذي الدورات التدربيبة تمتاز أربع مميزات صعب جدا تلقاها في اي مكان خارج الجامعة والمميزات هدي هي :
1- انو هدفها مو ربحي واسعار الاشتراك فيها رمزيه جدا بل انك لوقارنتها بأسعار الاشتراك بالدورات الي تنظم من جهات خارج الجامعة حتتوصل انو هذي الدورات تعتبر شبه مجانيه وسعر الاشتراك بالدورة الواحدة مايتجاوز ال 200 ريال في الغالب طبعا هدا لمنسوبي الجامعة اما المشتركين من خارج الجامعة فيدفعو زيادة على ماماعتقد نسبتها 50% يعني لو كان سعر الدورة ب 200 فالمتقدم لها من خارج الجامعه حيدفع 300 ريال مع ملاحظه انو نفس الدورة لو عقدت بمكان اخر غير الجامعة سعر الاشتراك بيها بدون مبالغة ماحيقل عن 1000 ريال
2- انو الاشخاص الي بيقدمو هدي الدورات هم اشخاص مؤهلين وعلى درجة كبيرة من الكفائه الاقتدار في المجال الي حيقدمو فيه الدورات التدريبية وهؤلاء الاشخاص يتم انتقاؤهم بعنايه فائقه من قبل الجهات المنظمة لهدي الدورات
3- انو مدتها قصيرة نسبيا فبعضها مدته يوم واحد وبعضها 3 ايام وبعضها يكون فيه 8 لقاءات بمعدل لقائين كل اسبوع وبكدا فهي مناسبة للموظفين ولاصحاب االارتباطات الكثيرة الي يصعب عليهم الانتظام بدورات تدريبية لمدد طويله وكمان مناسبة ماديا الى حد كبير
4- تنوعها واختلافها ففي الكليه خمسه انديه طلابيه على حد علمي هي ناي المحاسبة ونادي الانظمة ونادي الموارد البشريه ونادي التمويل والاستثمار ونادي التميز وكل نادي بيقدم دوات في مجال تخصصه وحتى الدورات هدي يمتاز بانها متغيرة دائما فالاندية دائما بتطرح كل ماهو جديد ومفيد
وبعد نهاية الدورة بنتقدم شهتدة معتمدة للمتقدم باتمامو للدورة
ونصسحة لاتستهون بهدي الدورات ولا تستقل بيها وعشان تتاكد من اهميتها ممكن تطلع عليها وبعد كدا تحاول تستفسر عن الأسعار تبعها خارج الجامعة وحتشوف انو الفرق مو طبيعي مرة وصدقني ياخبير الانتساب انو حصولك على 4 او 5 دورات منها حتضيف للسيرة الذاتيه تبعك الشيئ الكثير وحترفع اسهملك للقبول بماجستير ادارة الاعمال التنفيذي بدون كلام وبكدا تكون اتغلبت على عائق كبير امامك وهو العائق المادي وبعد كدا ممكن تاخد الدورات الي تقدر عليها من الدورات الي حددتها عند طرحك للموضوع ولو بدك تعرف تفاصيل الدورات الخاصة بالانديه الطلابيه بكليه الاقتصاد والادارة ماعليك الا زيارتهم بمبنى تطوير الاعمال المجاور لمبنى كلية الاقتصاد والادارة وبالتوفيق