اي من هذه الدورات مساعدة للقبول في ماستر اداره اعمال تنفيذي

[خبير الانتساب]

ارجو مساعدتي في اختيار الدورات المهمة فقط حيث ان سعرها غالي وارغب في التقديم للماستر اداره اعمال تنفيذي وابغاها تساعدني في المفاضلة
1- المهارات الاشرافية ب2000 ريال
2- اللغة الانجليزية لاداره الاعمال ب1600 ريال
3- تطوير الاداء التنظيمي ب 2100 ريال
4- ادارة فرق العمل ب 210 ريال
5- التخطيط الاستراتيجي ب 2500 ريال
6- مهارات القائد المحترف ب 2700 ريال

[خبير الانتساب]

مافي احد يساعد

[Brainiac]

هلا بك خبير الانتساب... والمعذرة توني انتبه لموضوعك.

والله كل الدورات اللي ذكرتها لها علاقة بأدارة الاعمال بشكل عام .... بس انا لو كان قدامي هالخيارات... والمفروض اني اختار دورة وحدة منهم، راح اختار "التخطيط الاستراتيجي".... واذا ما صار لي نصيب بهالدورة ، راح أختار " ادارة فرق العمل".

بس بحكم زي ما ذكرت انا ان كل الدورات لها علاقة بادارة الاعمال ، ليش ما تاخذ دورة تحس انها راح تفيدك بالمفاضلة وبرضو تفيدك في وظيفتك الحالية... وكذا تضرب عصفورين بحجر.

بالتوفيق ان شاء الله

[abdullah900]

المشاركة الأصلية كتبت بواسطة brainiac هلا بك خبير الانتساب... والمعذرة توني انتبه لموضوعك. والله كل الدورات اللي ذكرتها لها علاقة بأدارة الاعمال بشكل عام .... بس انا لو كان قدامي هالخيارات... والمفروض اني اختار دورة وحدة منهم، راح اختار "التخطيط الاستراتيجي".... واذا ما صار لي نصيب بهالدورة ، راح أختار " ادارة فرق العمل". بس بحكم زي ما ذكرت انا ان كل الدورات لها علاقة بادارة الاعمال ، ليش ما تاخذ دورة تحس انها راح تفيدك بالمفاضلة وبرضو تفيدك في وظيفتك الحالية... وكذا تضرب عصفورين بحجر. بالتوفيق ان شاء الله

ممكن تعطينا امثله على هذي الدورات الي تقول عليها اخوي الكريم
والله يكثر من امثالك يالغالي

[Brainiac]

هلا أخوي عبدالله...

والله الدورات كثيرة...وهي تعتمد على بالنهاية على حسب طبيعة عملك ........ يعني منطقياً ما راح يكون فيه دورة اسمها "ادارة الاعمال التنفيذي"! .... ولكن المجالات المرتبطة بشكل مباشر بأدارة الاعمال.

أنا بصراحة دائماً انصح بالدورات التي يقدمها "المعهد المصرفي" وهو معهد تابع لمؤسسة النقد العربي السعودي .... فيه عندهم دورات تخصصية لموظفي البنوك وشركات الاستثمار والوساطة........... بس برضو عندهم دورات ادارية عامة...... ومعهد معترف فيه وسمعته كويسه... واسعاره مشابهة لبقية المعاهد الخاصة

بالتوفيق ان شاء الله

[خبير الانتساب]

الاخ بيريناك
انا موظف حكومي بالمرتبه السادسه وعملي محرر فما اعتقد انه اي دوره راح تفيدني في مجال عملي
بس ابغاها للمفاضله في الماستر فيا ريت تساعدني في الاختيار

[Brainiac]

المشاركة الأصلية كتبت بواسطة خبير الانتساب الاخ بيريناك انا موظف حكومي بالمرتبه السادسه وعملي محرر فما اعتقد انه اي دوره راح تفيدني في مجال عملي بس ابغاها للمفاضله في الماستر فيا ريت تساعدني في الاختيار

في هالحالة أنا ارشح الاولى والثالثة والرابعة...

بس برضو ما يمنع تشوف الدورات الموجودة في معهد الادارة .... لان أخوي موظف حكومي وياخذ دورات هناك عشان يجمع درجات للترقية وكذا...

وبرضو أخوي انا شفت موضوع لك بخصوص الدبلوم... بس ما رديت عليك هناك لاني ما اعرف ايش الاجراءات بالضبط ... لكن أعتقد انك لازم تراجع الجامعة وتنهي الموضوع لو ما كنت حاب تكمل بالدبلوم...ما تدري يمكن لا سمح الله تصادفك مشاكل بوقت التقديم

[فندام]

انت ياأخوي خبير الانتساب ماتقدر تاخد كل الدورات هي العملية حتكو مكلفة بس حاول تاخذها كلها لأنو كل الدورات مفيدة وقيمة وبصراحة كلها مهمة وحتدعم ملفك لما تقدم لماجستير ادارة الأعمال التنفيذي وحط في بالك انو ماجستير ادارة الأعمال التنفيذي حصلت على الإعتماد الاكاديمي amba وهذا الاعتماد أعطى البرنامج ثفل نوعي كبير جدا وخلاها أفضل برناكح ضمن برامح الماجستير الخاصة بلامنازع وهنا بدي اذكر حاجة مهمة بس عشاان تعرف ثقل هذا البرنامج
في اخر يوم دراسة الي كان يوفق يوم خميس حصل وقت البريك الي مناقشه بينيا احنا طلاب ماجستير المحاسبة المهنية فواحد من الزملاء يشتغل بالتأمينات الاجتماعية قال انو كان معاه اثنين من زملاؤه بالعمل حصلو على ماجستير ادارة الاعمال التنفيذي وتركو التأمينات واحد منهم على كلامو اتعين مدير باحدى الشركات الخاصة براتب اساسي اتحاوز ال20 ألف ريال والثاني برضو اتجه للقطاع الخاص واتعين مدير باحدى الشركات بس ماذكر كم راتبه بس اكيد انو راتب عالي مشاء الله تبارك الله يعني فعلا بدون مبالغة البرنامج هدا مالو مثيل وعشان كدا انا اقترح عليك انك تضحي من اجل الغاية الكبرى وهي القبول بالبرنامج العام القادم بإذن الله خد قرض واشترك بكل الدورات الي ذكرتها هدا حيعزز فرصتك بشكل كبير للقبول الحل هدا حل صعب جدا وانا عارف لكن لازم تضحي عشان الغاية الكبرى وعشان ملفك يكون لو وزن نوعي كبير لما تقدم عموما هدا مجرد اقتراح وانت ادرى بالي يناسبك فكر واتخذ قرارك وحط في بالك انو مافي شي يجي بالساهل

[Brainiac]

لا الموضوع مش مستاهل قرض اخوي "فندام"...

بخصوص الاعتراف أكيد حيكون له ثقل ... وبرضو الكلية بأستمرار راح تهتم بال quality في برنامج ماجستير ادارة الاعمال التنفيذي عشان لا يتم سحب الاعتراف من الكلية.

لكن في الواقع ان الخبرات والدورات تمثل 20% فقط من النسبة الموزونة النهائية ...... وفي أعتقادي أن التركيز على الخبرة حيكون أكثر من الدورات ......انا ما ابغى أفتي ، لكن أعتقد أن الخبرة عليها 15%.. والدورات 5% ... هذا مجرد اعتقاد شخصي مش معلومة مؤكدة.. ولا حتى شبه مؤكدة.

أنا أعتقد ان دورتين.. او 3 بالكثير تكون كافية

[بدر المرواني]

الله يوفقك ...