ارغب في الانسحاب من الجامعة والعودة السنة القادمة ؟!.

[لاتقلبوها شات]

المشاركة الأصلية كتبت بواسطة m!ss cocolate السلام عليكم ورحمة الله وبركاااته... أنا ياجماعة الخير نفسي أسحب من الجاااامعه السنه هادي وأدخل السنه الجاايه والسبب انو درجااتي في الدوري الأول عدم بإختصار معفنه ومااتوقعتها كدا واللي زاد الطين بله درجة الإنجلش 16ونص مرره مااتوقعتها كدااا .. وغير كدا صراحه أنا كااااااااااااارهه الجااامعه وبعض الأحيان أفكر اني أحول انتساب لكن حرام تعبي حق الثانوي يروح هباء منثورا لأني كل ماأدخلها أحس بضيقه بصدري حتى صحبه كله تمشية حااال وبس وأحيانا أكون قرفانه ومابي أكلم أحد واجلس لحالي أفطر وبعدها أروح للمكتبه أضيع وقت واليوم اللي يكون فيه عندي بريك طوييل أحمل هم داك اليوووم .. يوم السبت مارحت الجاامعه عشان المطره وفي نفس الوقت أبغى اشرد منها ودحين ماني قادره انااام جالسه أفكر ببكره .. بعض الأحيان أقول في نفسي غير يتمنى اللي أنا فيه وهادي الجاامعه اللي تعبت عشان أدخلها وتعبت أهلي معايا وفي النهايه أقول كدا لكن مايلبث الشعور بالراحه كم يوم ويرجع الخوف من ثاني .. والسبب أنا عارفته الصحبه أنا مرره كنت متعلقه بصحباتي حق الثانوي ولمن اكلمهم بالتلفون وأسمع صوتهم أجلس ابكي من كثر ماني مشتاااااااقه لهم ودايما أحلم اني أرجع للمدرسه من كثر تفكيري فيها وتفكيري بايام المدرسه اللي أتمنى أرجع لها ..أساسا أنا في الجامعه مو أنا أحس اني إتغيري كثيير طبعي في المدرسه إجتماعيه وفله وأحب الهرج والضحك لكن الجااامعه دااااائما ساااكته وحتى البنات ماني قادره أتداخل معاهم والسبب انو حاطه في راسي ابغى صاحبه تكون زي اختي بإختصار تفكيري تفكير بنت مدرسه مو بنت جامعه في حكاية الصحباااات .. صحيح اني اتعرفت على بنتين من كلاس الإنجلش ودايما أجلس معاهم بس أحس نفسي لسى كارههه الجااامعه ... ماأفرح الا لمن أشوف وحده من صحباتي حق الثانوي حتى هيا مرره تنبسط لمن تشوفني تقولي لمن أشوفك أحس بالحنين للمدرسه وتعاني من نفس المشكله تقولي صحبة تمشية حال وبس .. جدولنا هو السبب واللا كان اجتمعنا دااايما بس للأسف أوقات البريكات حقها أنا يكون عندي محاضره .. أدري انو في اثنين حيقروا كلامي وحيستغربوا منه وأولهم أخويا وأساسا أنا كنت متردده في طرح الموضوع لكن في النهايه كتبته ...

نصيحة مني بلا صحبات بلا كلام فاضي.......
خليكي في دراستك أحسن........ومعاملتك مع البنات بس في الدراسة........
والله أنا كنت زيك وعانيت
علين لما لقيت وحدة وتصاحبت معاها مع إنو هي إلي حبت تتصاحب معايا
بس في الأخير غدرت بي سار بيننا مشكلة بسيطة وكبرتها (كل إلي سار إنو صالحتها مع وحدة من البنات كانت صحبتها من زمن من أيام الدراسة يعني حاولت أسوي خير)بس قابلت الخير بشر
واتهمتني اتهمات بطالة قالتلي إنتي أرسلتيلي رجال يكلموني ...إنتي تحولي تتكلمي مع زوجي وترسليلي زوجي رسايل آخرة الليل(والله والله العظيم ماسويت شي من دا الكلام بس هي ألفت دي القصة علشن البنات يبدؤوا يشكوا في وأشياء مرااااا كتير ألفتها)بس الحمد له الكل وقف معايا من البنات وأنا كنت خايفة يقلبوا عليه ويشكوا فيني .......أنا ماأقلك كل البنات مو طيبين ........بس صعب تلاقي الطيب دي الأيام ولاتعطي ثقتك لكل واحد.......انتبهي

[υикиσωи]

وعليكم السلام ورحمة الله وبركاته ..

يا قلبي دا شعور طبيعي .. لسع انتي في بدااااية المشوار ..
ولا تخلي دا الشي هوا اللي يعيق دراستك ..

حطي في بالك انتي جاية عشان تدرسي .. وصاحباتك دوليكا تشوفيهم بعد الدوام .. في البيت .. في اي محل ..

وشيلي من راسك فكرة انك تسجبي من الجامعة ..
دوووبكم لسع مختبرين اول اختبار ... يعي لسع بقيلك فرص لليييييييييييييل ...

وزي ما قلتي انتي حاطة في بالك انك كارهة الجامعة عشان كدا .. شيلي دا التفكير من راسك
عشان بالك ونفسيتك ترتااااح وما تشيلي نفسك هم فوق هم الدراسة ..
وكلها ايااام ان شالله وحتتأقملي وتحبي الجامعة ..

ربي يوفقك ان شالله .. ويريحلك بالك وقلبك ..
=)

[يلدرم]

لا تسحبي فتندمي لاحقا

شدي حيلك

[بنت بنوت]

يوه بس لا تشكيلي وابكيلك

واللهي انا مجرد ماادخل الجامعه احس فيني العبره ببكي ماابغاها

بس ع قولتك لما اتذكر كيف اجتهدت بالثانوي

والمكان اللي انا فيه كثير يتمنوه شوي اصبر

ودرجاتي كمان مره زفت مع اني ماشالله كنت شاااااااطره بالثانوي

الحين احس اني اكسل وحده بالجامعه

وبنات الجامعه احس ان كل وحده همها نفسها وبس

وماتفكر بغيرها شوي شوي واعمل مثلهم((((الله لايقول ان شالله

الله يعين اذا تبغي نتعرف ع بعض ياليت لانو انا نفس حالتك

ربي يسعدك

ويوفقنا ويساعدنا ويفرج همومنا يااااااااااااااارب

[ناموسه جده]

والله انا اتعرفت علي بنات يجننو في الجامعه

ومره انبسطت معاهم

بس مرااا قرفانا من الجامعه الاستازات كرهونا فيها

والانقلش ده كوم تاني جايبه 11 وفرحانه فيها ههههههههههههه

واحتمـــــال كبير انسحب واكبر المخده

لانو مرا اعشق النوم

ومن كتر غياباتي عندي حرمان في نص المواد

[زينه العبدالله]

والله والله والله نفسسسسسسسسسسسسسسسسسسس حالتي ...أخيرا لقيت وحده زي مثل تفكيري بالزبط...والله نفسي أتعرف عليك..انا في الفرع..

[زينه العبدالله]

المشاركة الأصلية كتبت بواسطة بنت بنوت يوه بس لا تشكيلي وابكيلك واللهي انا مجرد ماادخل الجامعه احس فيني العبره ببكي ماابغاها بس ع قولتك لما اتذكر كيف اجتهدت بالثانوي والمكان اللي انا فيه كثير يتمنوه شوي اصبر ودرجاتي كمان مره زفت مع اني ماشالله كنت شاااااااطره بالثانوي الحين احس اني اكسل وحده بالجامعه وبنات الجامعه احس ان كل وحده همها نفسها وبس وماتفكر بغيرها شوي شوي واعمل مثلهم((((الله لايقول ان شالله الله يعين اذا تبغي نتعرف ع بعض ياليت لانو انا نفس حالتك ربي يسعدك ويوفقنا ويساعدنا ويفرج همومنا يااااااااااااااارب

نفسي أتعرف عليك والله نفس حاالتي

[M!sS chocolate]

بنت بنوووت خساره شوفت جدولكي مايشبه جدولي أبداااا ... بس حرسللك ايميلي عالخاص عشان نتعرف
ندوو لا ياعسل أنا في الجااامعه خلاص أرسللك ايميلي من عنوني ..

[mnoleta]

ياحياتي عليكي
انا اقلك انا برضوا زيك اول مادخلت الجامعه حسيت بضيقه بس خلاص هادا قدرنا ايش تبي تسوي مسلا
وعلى قول البنات يعني تبي تسيبي الدراسه عشان صحباتك ؟ طيب هما حيسيبوها عشانك ؟
شوفي انا من تجرتبي مع الصحبات صدقيني مافي صحبات دحين من جد حيجي يوم والناس تتغير وتقولي ياريت ماتسرعت والله انا مجربتها كتير بس عاد ايش نسوي امر الله
المهم ياحلوه انتي دحين خلي ببالك انك تكوني صداقات عشان ينفعوكي بالدراسه وبس يعني عشان تعرفي الواجبات تعرفي المحاضرات وزي كده وهيا كلها مو سنه كمان ترم واحد بس وممكن بعد كده يتغيرو صحباتك ويتغير كل شي
وبالنسبه لدرجات الدور الاول صدقيني كلنا كده وهادا شي طبيعي لانو احنا محنا متعودين على دا النظام لسه جديد بالنسبه لينا بس انتي دحين مو عرفتي كيف نظام الاسئله وعرفتي كيف ممكن تجي الاسئله يعني بس شدي حيلك وهادا الي بيدنا
انا زيك والله مره خايفه من الاختبارات ودرجاتي برضوا في بعض المواد الله يستر بس بس مافتكرت انو اسحب عشان درجاتي لا والله احاول بقد مااقدر عشان احسنها وادعي ربك يسهلك امورك في الجامعه وييسرلك هيا
لاتزعلي ولا تبكي ياعسل كلو يهون ولا تنزل دمعاتك

[bint aboha]

السلام عليكم ورحمه الله وبركاته

حبيبت قلبي M!sS cocolate ليه كذا تقولي وربي رجعتيني لأيام الثانوي والصحبات

طيب تخيلي قبل شهر إمكن جاتني رساله ع الجوال من وحده من صديقاتي كانت الرساله

عن مدرستي وكيف كنا مع بعض وكانت ف كلاس الإنجليزي وربي حسيت راح أطيح

من طولي من جد الرساله كانت محزنه وطبعا اللي أرسلتها خاصمتها لأنها جننتني بس والله

أحبها وهيا معايا ف المنتدى يااااااارب ماتشوف ردي عشان ماتقتلني هههههههههه

ولمن كان عندي إختبار إحصاء جاتني كمان رساله من وحده وكان الكلام جدا مؤثر

طبعا ماذاكرت زين وجبت 18 والله يعيني ويعين الجميع

حبيبتي إنتي لو حطيتي ف بالك دراستك وبس لمن ترجعي البيت تذكري صحباتك مو مشكله

بس لا تخلي تفكيرك كله لهم يعني لمن تروحي الجامعه خلي بالك مع المحاضرات ولو

جاء ف بالك صحباتك إشغلي نفسك بأي شي مثلا قولي إن شاء الله ف يوم راح أقابل

كل صحباتي وأتونس معاهم بس بعد ماأخلص من هذه السنه عشان أخلي وقتي كله لهم

لأأنا زي كذا والله لو إني أفكر أعرف نفسي ع طول متنومه ف المستشفى الله لايقوله

طبع فقر الدم ماجاني إلا من التفكير ونفسيتي تعبت هذا ف أيام الثانوي بس الحمد لله أنا

بخير بس هذه الأيام أحس رجعلي وقالي الدكتور لاتكتمي أي شي ف قلبك لأن قلبك

ضعيف ويمكن لاسمح الله يزيد حالك ويجيكي جلطه والعياذ بالله بس الحمد لل ع كل حال

يعني ياقلبي شوفي مصايب غيرك والله تهون مصيبتك كمان أنا افكر ف أختي هيا إنتساب

أوقات أقول حظها تتكلم مع صحباتها وطول الوقت فاضيه بس يوم إعترفتلي وقالت والله

تعبت من جلست البيت والروتين اليومي يعني نفس الحاله والله لوسحبتي ماحد راح ينفعكي

وصحباتك يحبوكي ومايبغوكي تسوي ف نفسك كذا أكيد يهمهم مستقبلك لا تفكري كذا طيب

وتعرفي ع البنات اللي ف الجامعه وونسي حالك يمكن تجي ف يوم من الأيام وحده تكون

لك زي الأخت صدقيني راح تلقين يارب وماشاء الله كل اللي ردوا مستوى ثاني وثالث

الله يسعدهم ويسعدك معليش طولت ع بس موضوعك شدني الله يحفظ الجميع تقبلي مروري

وأدعوا لأمي بالشفاء وليا بالطب