سؤال مهم متى نسدد قيمة 1000 ريال حقة الأختبارات السنة التحضيرية في الرياض

[لندنية]

^^^^^^^^^^^^^هههههههههههههههههههههههههههههههههه عاد الحين قرب الشتاء وجو البر والطلعات

[الزمردة]

ياريت كل سنه ياخذوا 1000 بس يخلونا بالرياض نمتحن
والله مشكله علينا البنات كيف بنروح وين بنجلس ولازم معنا رجال ومافي احد والله
انا شايله هم

[الـتـمـيـمـي]

اهلين خيتو زمرده .. لا تشيلين هم اللي انا اعرفه انه ان شاء الله يمديك تختبرين في المكان اللي انتي فيه بشرط تدفعين 1000 بيزه مدري ريال على كل فصل دراسي .

وانا بالنسبة لي كلمت مدير الجامعة وقلت له أني بأختبر على راس طعس في الصمان ولا في كهف بمنفوحه ووافق لأنه يدري انه ما تجيني القريحه الدافوريه الا بأماكن غبيه شوي .. عاد هو يالله من فضل صقيقي من أيام الحاره وجارتنا فتو راعية المنقا وأم ايمن راعية الشيشه .

الا ليش ما نسوي مظاهره ونخليهم ينقلون الجامعه عندنا بالرياض .. ونشيل صورة عبسي بحكم انه رمز من رموز الوطنية والقوة الإتحادية وأحد المؤسسين للفدرالية الغجرية . قولوا تم

[mr-kash]

يعطيكم العافية يامجتهدون
للمعلومية حسب مصادر الجامعة ان الاختبارات هذي للسنوات التحضيرية فقط بعدين لازم تشرفوا وتروحوا جدة

[سمران]

اقول يالتميمي شكلك من هل الحوطه ويش معنى 1544ويشهو سالفتها

[الزمردة]

ههههههههههههههههههههههههه
عاد تصدق ياعدنان اقصد عبسي مافهمت لك ولا كلمه مدري انت الي تتكلم غلط ولا كيف
المهم يارب يسمع منك وتصير بالرياض كل سنه بس علشان تنجح وتجيب الاول على الدفعه

[الـتـمـيـمـي]

المشاركة الأصلية كتبت بواسطة سمران اقول يالتميمي شكلك من هل الحوطه ويش معنى 1544ويشهو سالفتها

حياك حبيبي سمران باشا .. لا يا وخيي مناب من الحوطه .. لكن أتشرف وأعتز بالحوطه وأهلها بحكم أنها محافظة اشتهر أهلها بالطيب والجود والكرم ويكفي بس انها ديرة عيال عمي

1544 ماله معنى هو مجرد رقم حطيته عشان أغري الجامعه فيه عشان يختبروني في بيتنا

واذا تحب نغير الرقم ولا يهمك فدوة عيونك .. نخليه 1321

واذا تحب تجي تختبر معي بالبيت حياك .. اهم شي جب غداك معك قرصان وجريش ومرقوق لا تنسى

[الـتـمـيـمـي]

المشاركة الأصلية كتبت بواسطة الزمردة ههههههههههههههههههههههههه عاد تصدق ياعدنان اقصد عبسي مافهمت لك ولا كلمه مدري انت الي تتكلم غلط ولا كيف المهم يارب يسمع منك وتصير بالرياض كل سنه بس علشان تنجح وتجيب الاول على الدفعه

أهلين زمرده خانم

افا .. يا دافع البلا وراه ما فهمتي ولا كلمه .. احتسي أوردو أنا ؟

بس تدرين عاد اللي يفهم لهجتي أضمن له النجاح والتخرج من الجامعه .. أما اللي ما يفهم لهجتي فأعتقد انه حتى السنه التحضيريه ما راح يجتازها

أوما أنا آخذ الأول على الدفعه عز الله بعيده عن كراعيني .. امش خشتي على قولتهم

وحتى لو صارت في الرياض بأكلم مدير الجامعه صقيقي يختبر أهل الرياض كلهم في الرياض الا انتي يخليك تروحين تختبرين في جده << تسذا بس عناد عشانك ما فهمتي لهجتي

واذا توسط لك مدير الجامعه عندي خلاص بأخليك تختبرين في طعوس الثمامه وفي الليل بعد

الله يوفقني وياكم وعقبال ان شاء الله ما نحتفل كلنا بالتخرج يا صديقيني يا منتازين يا كويسين

[أبوريــان]

ياشباب في أقتراح بخصوص الأختبارات في الرياض بعد السنه التحضيرية وإن شاء الله يوافقون عليه

http://www.skaau.com/vb/showthread.php?t=91322&page=2

[ليال...]

سؤال جمـــيل والآجوبة كانت آجمل
ياهلا بالقصمان وآهل الحوطة كل آبوهم وهـ بس

آخ ريان قبل الأختبارات آو مع نزول الجدول يطلع لك المكان اللي بتختبر فيه بمنطقتك ويعطونك رقم حساب
تحول عليه المبلغ