سؤال مهم متى نسدد قيمة 1000 ريال حقة الأختبارات السنة التحضيرية في الرياض

[أبوريــان]

سؤال مهم متى نسدد قيمة 1000 ريال حقة الأختبارات السنة التحضيرية في الرياض وماهي الطريقة ياريت الجواب والله يعطيكم العافية

[لندنية]

اذا قرب موعد الاختبارات راح ينزلك اول شي انك تختار موقع الاختبار وانت تختار الرياض او جدة وبعدين ينزلك تاريخ السداد من متى الى متى ومكان الاختبار...بالتوفيق

[الـتـمـيـمـي]

طيب أقدر اعطيهم زود ( 1544 ) الف وخمسميه واربعه واربعين ريال .. واخليهم يختبروني في بيتنا ؟؟

خبركم الجامعه صايره ماديه بزود .. ولازم نستغل هالنقطه لصالحنا خخخخ

واللي يبي يختبر معي في بيتنا يدفع لي 1000 ريال بدل ما يدفعها لهم .. وله وجبة إفطار ( ساندوش لوزين امهات ريال وعصير الربيع ابو ريال واذا صرتوا واجد يمكن اجيب ابو نص ) ويمكن اقهويكم شاهي مجاناً >> يمكن مهوب اكيد

[albtran]

هلابك : تجيك رسالة على جوالك بادر بالسداد من العالمية في شارع التحلية بالرياض دق للسوداني الف ريال ولا تنسا يصورون لك الجدول حاول تخسرهم مثلي الله يذكر ذيك الأيام بالخير لا تنسا تسلمنا على عبسي وقلة يتروش ترا ريحته واصلتني الله يقرفة .
تقبل تحياتي . [ البطران ]

[ابوالواكد]

جميل فيه في الرياض دورة تحضرية توني ادري ادفع خمسطعش الف ريال واحضرها <<< نصاب

[ERIC7]

سؤال مهم واللي بيختبر معي في البيت عندي كبده ومعصوب وشكشوكة وتاوه وصنعاني وحليب عدني وكله مجاني
كل هذا عشان ما افطر واصير الاول ههههههه والله التحليه مشوار وزحمه ليش مايخلون الاختبار في مدارس المملكة مثلا
بيئة صحية ونظيفة

[نصيب]

اخواني ، اخواتي

على فكرة الالف ريال هذي للعالمية ما هي للجامعة على حد علمي
وانا والله ودي ادفع 2000 ولا اطلع جدة

[لندنية]

المشاركة الأصلية كتبت بواسطة ERIC7 سؤال مهم واللي بيختبر معي في البيت عندي كبده ومعصوب وشكشوكة وتاوه وصنعاني وحليب عدني وكله مجاني كل هذا عشان ما افطر واصير الاول ههههههه والله التحليه مشوار وزحمه ليش مايخلون الاختبار في مدارس المملكة مثلا بيئة صحية ونظيفة

ههههههههههههههههههههههههههههههههه

[öρѕ!!]

حسيت اني متنحه قلت شي ماله علاقه بالموضوع :(

[أبوعبودي]

ياشباب أعصابكم قبل الأختبارات بفترة يرسلون لكم رسالة على الجوال أو تجدون بالمنتدى خبر من المتابعين والأهم من ذلك بالنظام الأودس يحطون إعلان والرسوم 1000 ريال على حسب علمي بين الجامعة والمعهد والله أعلم وبالتوفيق