يابنات هنا تعالوا اسألوا عن الاستاذات تفضلوووووا (واللي عندها خبرة تدخل تجاوب)

[Visions]

بنات بليز قولولي كيف الاستاذة حنان نايف ذياب الجشعم انا نزلت عندها اقتصاد جزئي :(

و الاستاذة لبنى محمد ابوالعلا عبدالله تحليل كمي 2

[حفيدة عمر]

المشاركة الأصلية كتبت بواسطة Visions بنات بليز قولولي كيف الاستاذة حنان نايف ذياب الجشعم انا نزلت عندها اقتصاد جزئي :( و الاستاذة لبنى محمد ابوالعلا عبدالله تحليل كمي 2

أنا بجاوبك عن لبنى ابو العلا
أنا أخذت معاها السمستر الي فات تحليل كمي 2
طيوووووووووبة وحبوووووبة وشرحها تمام التمام
بس انا كان تعيد وتزيد تعيد وتزيد وانا يجييييني الملل والنوم
وونتيجة الإعادة والزيادة أكيد بنخلص آخر الناس

اذا كنتي من البنات الي يقولون في الإعادة افادة راح تنبسطي معاها خااااالص
انا كنت اطفش من الإعادة بس كان معاي بنات مبسووووطين عليها

وترا مافي شخص كامل لكل شخص عيب بالرغم من كل مزاياه
والحمدلله أخذت معاها a+

//

وللي سألو عن هدى خيري

المشاركة الأصلية كتبت بواسطة حفيدة عمر اختي انا أخذت معاها السمستر الي فات اقتصاد كلي شوفي هيا في الشرح مرررررا جيدة وتفهمي منها عال العال بس العيب في اسلوبها في التعامل تحسيها متناقضة تقول كلام واليوم التاني تغيره يعني على سبيل المثال افتكر منها موقفين: *في بداية السمستر قالت موعد الإختبارات حنحددها سوا،، لما قرب اختبار الدوري الأول قلنالها استاذة متى حنحدد؟ قالت لسا شويا قلنلها طيب عشان نحدد اختباراتنا الثانية على اساسو؟ قالت لا عادي انتو الي حتحددو،، قلنا طيب قبل الإختبار بفترة بسيطة قالت يلا حنحدد،، وفي النهاية مو احنا الي حددنا هيا الي حددت على كيفها وفي يوم عندنا اختبار كمان،، لما تحاولي تناقشيها تعصب وتقلب عليكي،، * موقف ثاني في الإختبار الدوري الثاني اضن،، حددتلنا جزئية الإختبار وفجاءة في الإختبار أسئلة من جزئية ماهي معانا!! قلنالها يا استاذة دا مو معانا،، قالت طيب ايش اسويلكم من فين اجيبلكم أسئلة !؟! البنات عصبو وجلسو يقولولها مو ذنبنا ومدري ايش!! اوووف لو تشوفي كيف عصبت،، انطمينا وسكتنا بعد الكلام دا كلو اقولك مالو داعي تغيري من عندها لأنو شرحها من جد جيييييد وملخصها برضو تمااام التمام بس انتي عليكِ تفهميلها يعني لاتصدقي كل شي تقوله أسألي الشعب الثانية الي هيا تدرسهم عشان تتأكدي وقت الإختبار شوفي اذا شعب تانية اختبرت قبلك أسأليهم،، لأنو اختباراتها موحدة ودا احلا شي فيها كانو شعبة تانية يختبرو قبلنا وكنا نآخد منهم الأسئلة عشان كذا في الدوري الثاني راجعت الجزئية الي مش معانا بسرعة لأنو قالولي جابت أسئلة منها،، وأنا الحمدلله جبت معاها a+ لأني حاولت افهمها من بداية السمستر ولا حاولت اتشاكل معاها ما اقولك نافقيها بس في نفس الوقت لاتشاكليها واتمنى لك سمستر سعيد و a+ : )