ساعدوني ربي يساعدكم

[TeeNa....]

الله يسعدكم أرشدوني
أنا لما أخترت الشعب في الاقتصاد الجزئي والكلي ما كانو كاتبين مين يدرسها
فلما نزلوها طلعو كل الاتنين عند هدى خيري
والبنات مره خوفوني بيها
أيش رائيكم بيها؟ شرحها واسئلتها؟
ولو كانت مرا مو كويسه أقدر أروح بكرا الجامعه وأغيرها وكيف؟

[TeeNa....]

أستناكم

[تورللي]

والله ماعرف هدى خيري بس قد سمعت انها كويسه
وتقدري تغيري شعبك من عند مرشدتكي

[RoOoby]

بنااات انا عند ناديه باجابر بالاقتصاد الجزئي كيف كويسه ؟

شكراً تينا

[حفيدة عمر]

اختي انا أخذت معاها السمستر الي فات اقتصاد كلي
شوفي هيا في الشرح مرررررا جيدة وتفهمي منها عال العال
بس العيب في اسلوبها في التعامل
تحسيها متناقضة تقول كلام واليوم التاني تغيره
يعني على سبيل المثال افتكر منها موقفين:

*في بداية السمستر قالت موعد الإختبارات حنحددها سوا،،
لما قرب اختبار الدوري الأول قلنالها استاذة متى حنحدد؟ قالت لسا شويا
قلنلها طيب عشان نحدد اختباراتنا الثانية على اساسو؟ قالت لا عادي انتو الي حتحددو،، قلنا طيب
قبل الإختبار بفترة بسيطة قالت يلا حنحدد،،
وفي النهاية مو احنا الي حددنا هيا الي حددت على كيفها وفي يوم عندنا اختبار كمان،، لما تحاولي تناقشيها تعصب وتقلب عليكي،،

* موقف ثاني في الإختبار الدوري الثاني اضن،، حددتلنا جزئية الإختبار وفجاءة في الإختبار أسئلة من جزئية ماهي معانا!!
قلنالها يا استاذة دا مو معانا،، قالت طيب ايش اسويلكم من فين اجيبلكم أسئلة !؟!
البنات عصبو وجلسو يقولولها مو ذنبنا ومدري ايش!! اوووف لو تشوفي كيف عصبت،، انطمينا وسكتنا

بعد الكلام دا كلو
اقولك مالو داعي تغيري من عندها لأنو شرحها من جد جيييييد وملخصها برضو تمااام التمام
بس انتي عليكِ تفهميلها

يعني لاتصدقي كل شي تقوله أسألي الشعب الثانية الي هيا تدرسهم عشان تتأكدي
وقت الإختبار شوفي اذا شعب تانية اختبرت قبلك أسأليهم،، لأنو اختباراتها موحدة ودا احلا شي فيها
كانو شعبة تانية يختبرو قبلنا وكنا نآخد منهم الأسئلة عشان كذا في الدوري الثاني راجعت الجزئية الي مش معانا بسرعة لأنو قالولي جابت أسئلة منها،،

وأنا الحمدلله جبت معاها a+ لأني حاولت افهمها من بداية السمستر
ولا حاولت اتشاكل معاها
ما اقولك نافقيها بس في نفس الوقت لاتشاكليها


واتمنى لك سمستر سعيد و a+
: )

[*ضوء القمر*]

انا أخدت السميستر اللي فات مع هدى خيري في الاقتصاد الكلي
ماشاءالله حلو شرحها ومره تفهم
والأسئله حلوه
وبالتوفييق

[فشارة منحاشة]

بس أنا سمعت أنها ماهي كويسة ودحين نزلت عندي مادة إقتصاد جزئي معاها ومررررة خايفة
ونزل التحليل الكمي مع لبنى أبو العلا ومحد عارفها أيش رايكم أنتوا؟

[RoOoby]

طيب ناديه باجابر ماتكلمتو عنها ؟

[ريــــن]

هدى خيري والله انهآ ممتآززه انت اكتبي وركزي معهـآ وووبس ~

كيف البنآت يقولوا مو كويسه بالعكس لو ماجربتها كنت اقولك لكنها مرره تمآمْ حتى تعطيك صيغة الخيآرآت

في آخر الكتآب في صيغة أسئلللة مررة استفدت منهآ كمآن /,

ومووووفقه يـآقمر ^_^،’

[احلاهم واتحداهم]

ناديه باجابر
استاذه ثاني سمستر لها تدرس بس تراها طيوبه كاتعامل بس اسلوبها بتدريس مااعرف
لبنى
تراها كويسه وتعيد الاختبارات واختباراتها من محاضراتها
هدى خيري
انا ماجربتها بس ناس تمدحها وناس تذمها وبالتوفيق