استفسار بخصوص التوفل / ايلتس / طريقة قبول الجامعات في امريكا انا راح اجاوب عليهم

[Eva160]

المشاركة الأصلية كتبت بواسطة HAMOoO السلام عليكم مجهود اكتر من رائع يعطيكم العافيه. انا خريجه لغه انجليزيه جامعه الملك عبد العزيز معدل 3.26 قدمت ع بعثه الملك بس ماحصل نصيب ايش تنصحوني اعمل؟ حابه اكمل ماستر في امريكا وحاليا بحاول الحصول على درجه الايلتس المطلوبه من معظم الجامعات . خالص التقدير لكم

وعليكم السلام ورحمة الله وبركاته

حابه اعرف ايش النوع التخصص اللي حابه تكملي فيها الماستر. لانو ازا مخططه بيزنز لازم يكون عندك فكره للاختبار جيمات
GMAT : Graduate management admission test

من ناحيه الابتعاث
ممكن تحاولي تتواصلي مع الدكاتره من جامعه الملك عبدالعزيز ، ممكن يقدروا يساعدوكي تكوني معيده للجامعه.

ممكن اقولك تقدمي على بعثة الملك مره تانيه وان شاء الله ماراح يحصل لك الرفض.

ممكن ازا جبتي قبول جامعه بنفسك ، تقدري تبتعثي تتواصلي مع الوزاره وتوريهم انو عندك قبول جامعه متى بداية دراستك.

ازا حابه تيجيبي قبول بنفسك حاولي تتواصلي مع الجامعات في امريكا. ممكن تقدري تطلبي قبول مشروط منهم راح يطلبوا منك تيجيبي درجه معينه يااختبار توفل او إيلتس او ميشيغان. وترسلي أوراقك بشركه معينه عشان يعادلوا المواد اللي درستها. ان شاء الله ازا جبتي الدرجه المطلوبه والاوراق المطلوبه على طول راح تنقبلي للجامعه.

لانو لما انا كنت في مرحله اللغه وجبت الدرجه المطلوبه من الاختبارات الايلتس والتوفل والميشيغان كنت بتواصل مع الجامعات اللي في امريكا تقريبا 20 جامعه اتواصلت معاهم بس اتصلت اكتر من 100 جامعه. المهم اديتهم معلومات عني وايش اوراق مطلوبه مني، امكن يطلبوا زياده زي من ناحيه سي في او يدوني موضوع اعبر.

من تجربتي من الجامعة اللي انا انقبلت فيها سبحان الله قعدت أتواصل مع شخص مساعد مدير القبول والتسجيل قعدت معاه تقريبا شهر من جوال وايميلات اسأل ازا اوراقي وصلت، كامله او ناقصه، أبين لو انو انا طالبه مره مهتمه في جامعتهم. والحمدلله مع التواصل جاني قبول من جامعه بالايميل والفاكس .اول ماجيت للجامعه اتخططت اقابل مساعد مدير القبول والتسجيل واشكرو.

ان شاء الله أديتك معلومات ونصايح كافيه

ان شاء الله ربنا يوفقك

[*nana*]

ماشاء الله مجهووود رائع
تشكرووون عليه
الله يعطيكم العافيه

حبيت اسأل عن الحجاب هناك خصوصا النقاب
هل المنقبه لها مكان سواء في الجامعة او في الاماكن العامة
وكيف يتم التعامل معها

وبالنسبة للإحتكاك مع الطلاب هل يجبروني اتعامل معهم
سمعت انهم يعملوا قروبات في الكلاس طلاب وطالبات

[7anno]

المشاركة الأصلية كتبت بواسطة *nana* ماشاء الله مجهووود رائع تشكرووون عليه الله يعطيكم العافيه حبيت اسأل عن الحجاب هناك خصوصا النقاب هل المنقبه لها مكان سواء في الجامعة او في الاماكن العامة وكيف يتم التعامل معها وبالنسبة للإحتكاك مع الطلاب هل يجبروني اتعامل معهم سمعت انهم يعملوا قروبات في الكلاس طلاب وطالبات

الكلام هادا اللي بنسمعه من وسائل الاعلام عن منع الحجاب في امريكا وكدا .. انسيه :) غير متواجد اطلاقا الا في مناطق نااااادره جدا.. ولكن ...
النقاب يلفت نظرهم مره لآن الوجه عندهم هو الاساس .. غطي اي شي لكن وجهك هوا اساس تعاملنا معاكي.. فيخافوا ويتحاشوا التعامل مع .. المنقبات ! لكن باقي الحجاب كتغطية الشعر و الملابس الطويله الفضفاضه ما عندهم مشاكل منها ! وهذا لا يمنع وجود ايضا منقبات.

بالنسبه للاحتكاك .. هدولا شعب ما يفهم اش يعني انك ما تبغي تتعاملي مع الجنس الاخر في حدود العلم وبالتالي قد تخسري علامات اذا رفضتي المشاركه والتفاعل داخل الفصل الدراسي
المعاهد ما عندك مشكله .. بس المشكله لمن تدخلي الجامعه !! اغلب العلامات موضوعه علي التفاعل مع الكلاس ميتس والمناقاشات !

والكلام عن القروبات .. صحيح ميه في الميه ! اساسا غالبا الواجبات كلها والفروض تنحل مع قروب تتضطري تتقابلي معاهم خارج اوقات الجامعه ! لو كان الشغل تيم ورك :)

[*nana*]

المشاركة الأصلية كتبت بواسطة 7anno الكلام هادا اللي بنسمعه من وسائل الاعلام عن منع الحجاب في امريكا وكدا .. انسيه :) غير متواجد اطلاقا الا في مناطق نااااادره جدا.. ولكن ... النقاب يلفت نظرهم مره لآن الوجه عندهم هو الاساس .. غطي اي شي لكن وجهك هوا اساس تعاملنا معاكي.. فيخافوا ويتحاشوا التعامل مع .. المنقبات ! لكن باقي الحجاب كتغطية الشعر و الملابس الطويله الفضفاضه ما عندهم مشاكل منها ! وهذا لا يمنع وجود ايضا منقبات. بالنسبه للاحتكاك .. هدولا شعب ما يفهم اش يعني انك ما تبغي تتعاملي مع الجنس الاخر في حدود العلم وبالتالي قد تخسري علامات اذا رفضتي المشاركه والتفاعل داخل الفصل الدراسي المعاهد ما عندك مشكله .. بس المشكله لمن تدخلي الجامعه !! اغلب العلامات موضوعه علي التفاعل مع الكلاس ميتس والمناقاشات ! والكلام عن القروبات .. صحيح ميه في الميه ! اساسا غالبا الواجبات كلها والفروض تنحل مع قروب تتضطري تتقابلي معاهم خارج اوقات الجامعه ! لو كان الشغل تيم ورك :)

مشكووووره حبيبتي على تعاونك
يمكن اطلع بعثه لأمريكا وهذا الموضوع عاملي قلق
لأنو هذا حجابي ومستحيل افتح وجهي حتى لو اتخلى عن البعثه!!!

الله يكتب مافيه الخير للجميع

[ليتني همك]

هلا فيكم حبايبي - انا مبتعثة في كندا دخلت اختبار ايلتس
ثلاث مرات والدرجة وحدة و كل الشهور القادمة فل وحابة اجرب
التوفل بس مني مقتنعه فيه لان كل شي بالجهاز ومني متخيله الرايتينغ
بالجهاز مره صعبة - حابة نصائح من اهل الخبرة في هذا الاختبار
وشكرا

[7anno]

المشاركة الأصلية كتبت بواسطة ليتني همك هلا فيكم حبايبي - انا مبتعثة في كندا دخلت اختبار ايلتس ثلاث مرات والدرجة وحدة و كل الشهور القادمة فل وحابة اجرب التوفل بس مني مقتنعه فيه لان كل شي بالجهاز ومني متخيله الرايتينغ بالجهاز مره صعبة - حابة نصائح من اهل الخبرة في هذا الاختبار وشكرا

اهلا فيكي :)
التوفل للي جرب ايلتس .. حيكون اصعب. للآسف !! ولكن مع الاصرار والمحاوله كل شي يسهل ان شالله.
ممم .. لا تتوقعي.. الدرجه المطلوبه من اول مره. التوفل يبغاله تمكين من الوقت ومهارات اخرى.
مو قصدي احطم واللهي بس عشان الانسان لا يتوقع شي وينصدم.. ، لعل التحدي الاصعب في التوفل هو التحدث مع الجهاز :\ التوفل لا يقيس اللغه فقط.. انما يقيس مهارات اخرى
حاولي تشوفي ع النت امتحانات تجريبيه للتوفل اي بي تي و سوي تايم ماناجمينت ممكن تستعيني من امازون.كوم فلاش كاردز للتوفل تساعدك في الفوكاب
بالنسبه للرايتينغ .. ابدا مو صعب اتعلمي الكتابه بشكل سريع ع الكيبورد وكله يمشي بالعكس في التوفل يحطلك عداد للكلمات :)

مم فارذر كويزشنز..فيل فري :)

[Eva160]

المشاركة الأصلية كتبت بواسطة ليتني همك هلا فيكم حبايبي - انا مبتعثة في كندا دخلت اختبار ايلتس ثلاث مرات والدرجة وحدة و كل الشهور القادمة فل وحابة اجرب التوفل بس مني مقتنعه فيه لان كل شي بالجهاز ومني متخيله الرايتينغ بالجهاز مره صعبة - حابة نصائح من اهل الخبرة في هذا الاختبار وشكرا

زكرتيني بوحده من صحباتي اختبرت ايلتس تقريبا 3 مرات وجابت 5.5 والجامعه طالبين 6، ساعدتها في تدريب الاختبار ايلتس اقعد معاها تقريبا ساعه كل يوم في تدريب السبيكينغ واديتها مواقع تتدرب الرايتينغ والريدينغ اديتها فوكابلري من اختبار الميشيغان. و الحمدلله ربنا وفقها في المره الرابعه جابت 6 .

روابط تحميل اختبار الميشيغان من الريدينغ و فوكابلري.
https://skydrive.live.com/redir.aspx...677&parid=root

https://skydrive.live.com/redir.aspx...678&parid=root



ان شاء الله ربنا يوفقك

[عيون المها فيزيائيه]

درجه التوفل اذا كانت 600 كم تساوي بالايلتس ؟؟؟
لان الجامعات البريطانيه ماتقبل اقل من 600 توفل بس احس التوفل صعب ونفسي اختبر ايلتس

[Eva160]

المشاركة الأصلية كتبت بواسطة عيون المها فيزيائيه درجه التوفل اذا كانت 600 كم تساوي بالايلتس ؟؟؟ لان الجامعات البريطانيه ماتقبل اقل من 600 توفل بس احس التوفل صعب ونفسي اختبر ايلتس

الدرجه التوفل من 600 تساوي 5 في الايلتس

دي الرابط راح يديكي فكره كم الدرجات يساوي مع كل اختبار
http://secure.vec.bc.ca/toefl-equivalency-table.cfm

الله يوفقك في الخير

[عيون المها فيزيائيه]

كيف اتواصل مع الجامعات يعني عن طريق الموقع لكل جامعه ولا يكون اتصال