ابغى اتخرج :")

[Gego Bonita]

السلام عليكم . . .

انا ان شاء الله هذا الترم اخر ترم ليا في الجامعة واتخرج "الحمدالله" وباقيلي بس 3 مواد (مادة البحث والتدريب , ومادتين حره)
الاسبوع الجاي راح يبدأ الحذف والاضافة .. وماني عارفة ايش اسوي !!
اللي اعرفه انو عشان انا تخرج لازم اجيب اوراق ومدري ايش تاني وماني عارفة ايش هيا اصلا الاوراق اللي يبغوها وفين اوديها ؟؟؟؟
الشي التاني اللي ابغى اعرفه هيا عن مادة البحث والتدريب .. سمعت يقولوا لازم اروح الجامعة اسجل اسمي ولازم برضو اوراق عشان يعرفوا اذا انا تخرج او لا ؟ من فين اجيبها دي الاوراق كماان ؟؟؟


^^^ ايش دي الحوسه واللخبطه اللي انا فيها .. ممكن تساعدوني

[نانواا]

بالنسبة للتخرج خلاص ما عاد فيه أوراق بس تدخلي الأوديس وتتأكدي من اسمك إنه مكتوب بالإنجليزي وهذا على ما اعتقد إنو موجود (بالحالة الشخصية ) وتطبعي السجل الشامل حقك
وبالنسبة للبحث وتدريب تدخلي موقع الجامعة وحتلاقي أيقونة دليل المتخرجين تعبي البيانات بالكمبيوتر وتطبعي الأوراق وتختميها عند الشؤون التعليمية بمبنى 2 أتمنى إنو أكون أفدتك

[ممدوح]

السلام عليكم


لا تشلين هم...أن شاء الله راح تتخرجين من الجامعة

أول خطوة تسوينها أنك تسألين عن أسهل وأفضل دكتورة تطلب بحث وتدريب بالمنتدى....لأن بعض الدكاترة يعقد الطلاب أو طالبات...مثلا بعضهم يطلب بحث وأختبار...الخ

في دكاترة تطلب بحث وما تناقشك (مثلا) وفي هذي الحالة أنتي تسوي البحث بنفسك أو تخلين مكتبة تسوي لك بين 1000-1200.....أو دكتورة تطلب منك بس أختبار نهائي من كتاب معين...وهذا تمام


بنسبة لإجراءات الترم التخرج.... وفي حال واحد يرسل معاملة إذا عندك أكثر من 18 ساعة وهذا ترم تخرج ترسلين معاملة على شأن يرفعون عدد الساعات من 18 إلى 24 ساعة لأنك راح تتخرجين بس أنتي باقي لك ثلاث مواد ما يحتاج

ركزي على مادة بحث وتدريب لأنك لازم تسجيلن عندك دكتورة تمام ومش معقده....أول ما تبدأ السنة لأن الدكاتر التمام تقفل الشعبة عندهم بدري...بدري

وبعض الأحيان ما تفتح الشعب إله في وقت معين (بعد فترة من بداية الفصل)....وتحتاج منك متابعة كل يوم....وهكذا

ومادة بحث وتدريب - أختبارها أو تسليم البحث بجدة

وهذا الرابط يفدك وش تسوي إذا جيتي تستلمين الوثيقة:

http://www.skaau.com/vb/showthread.php?t=766155




وأن شاء الله كانت أجابتي شافيه وكافيه

بالتوفيق