احتحاج على اختبار بحوث العمليات ( مناطق )

[سبيعي صعب]

احتجاج على اختبار مناطق لمادة بحوث العمليات (مناطق )
بسم الله الرحمن الرحيم

حسبي الله ونعم الوكيل ..
.. اسئلة قمة قمه قمه في الصعوبه واغلبها كان خارج عن اسئلته الترم الماضي جده والمناطق والصيفي ..

يعني اليوم جاب كل شي صعب سمبلكس ومساله عن النقل تفر المخ واللي زودها السؤال الاخير بخ وكخ .. جميع هذه الاسئلة حلولها طويله جدآ ومتشعبه ..

اكثر الطلاب في القاعه كانو متذمرين من صعوبة الاسئلة.. حاولت انادي الدكتور قالو مو موجود .. قلت عطوني ورق مسوده رفضوا .. اخر شي رحت للمشرف العام عن اختبار المناطق بالرياض دكتور واضح عليه الاحترام شرحت له الوضع قال انت مو اول طالب يجيني وانا معكم مو عليكم لكن اتتم حاولو تتواصلون مع الدكتور وتطلبون مساعدته ..

شباب تكفون مانبي نسكت لابد حنا نكلمه بأكبر عدد ممكن ونطلب منه المساعده .. قبل سنتين تقريبآ الدكتور الادريسي جاب للطلاب اسئلة صعبه وسوو احتجاج وكبرو الموضوع وساعدوهم واعطوهم درجة النجاح

يعني نبي نتواصل معه بشتى الطرق عن طريق الجوال او الايميل

[البدر نايف]

انا احمل ادارة الجامعة كامل المسئوليه لانها اكثر من مره يتكرر نفس الموضوع لانها جامعة زبالة الاهم الاكبر جمع الفلوس من الطلاب والطالبات وعدم التفكير بمستقبلهم ولا عارفين هالجامعه ونظامها انا برفع برقيه للديوان الملكي

[اكتوبر]

اتفق معك

[ولد الهامور]

الا لعنت الله عليه

اشغلنا بالسمبلكس !

لا وأزيد كم من الشعر بيت انا جيت لمشرف الاختبار وقلت له عطونا مسودة على الورقة ع شان نحل قال حل ع الورقة او توكل ع الله بصراحة انا ما تمالكت أعصابي يوم قال توكل ع الله حسيت أني اشحذه !!!

قلت حرفين بأسلوب متنرفز انا ما اشتغل عندك تقولي توكل على حسن أسلوبك وتعاملك !!

خاف الدكتور وتجنبني لكن تحسبه خلاني حط عند راسي مراقب أحسن انه بس يأرقبني انا وتارك عباد الله الزبدة مالكم بالطويلة شوي أخذ ورقة تحضير الطلاب الي نوقع عليها وراح يكتب عليها والله مدري وش كتب بس الظاهر انه وقع ع اسمي تتوقعون انه راح يضرني ؟؟

الله المستعان نشكوه لعين ماتنام .

الله أكبر على الظالم

[KAUODUS]

للأسف من جد إذا عرف السبب بطل العجب

من زمن والطلاب يشتكون من دكتور المادة
إذاً الهدف حلب الطالب قدر المستطاع

هل إدارة الجامعة وعمادة الكلية لاتعلم بذلك ؟
هل هذا في مصلحة الطالب؟
أو في مصلحة سمعة الجامعة؟
أو حتى في مصلحة التعليم بشكل عام؟

صدق فيه ناس معقدين الحياة والسبب البيئة التي ربى وعاش فيها
فما ذنب من يتعب ويدرس لكي يتعلم وفي الآخير ينصدم
بعقليات متحجرة لا تُفَّهِم الناس ولا تسَّهل عليهم مالم يدركوه أو يعلموه

لم يبقى ألا أن نقول حسبنا الله ونعم الوكيل
ونرفع القضية مِن مَن كان لديه القدره على التغيير على الأرض
الى رب الأرض ومن على الأرض

ما أختبرت المادة ولم يسبق لي أن نزلتها ولا زالت في المستقبل
ولكن علمت بذلك آثناء متابعتي للطلاب بالمنتدى
وآثناء لقائي بهم بالجامعة

فكيف بي أن اعلم بذلك وإدارة الجامعة وعمادة الكلية
ومسؤلي الجامعة لم يعلموا بذلك ...!
صدق إنا بزمن "توكل الامور الى غير اهلها"
حسبنا الله ونعم الوكيل

[مسايس العبرة]

يقولون البحوث صعبة من اول ماسجلت بالجامعة لدرجة وانا بالتحضيري كنت احذر اخوياي منه
ترم بعد ترم وانا اعيد لنفسي ولغيري شد حيلك قدامك البحوث بتفر مخك ولما نزلتها يشهد الله
كنت ارتجف دخلت لموضوع احد الاخوان هنا ماذكر منهو بس جزاه الله خير قال مشكلة البحوث
الناس ماتحل الناس تذاكر قبلها باسبوعين ويقول الاختبار صعب حل ومافي شئ صعب
انا كنت الغرقان المتعلق بقشة قمت احل احل احل مافي سؤال الا وحليته ماخليت شئ
صادف بيوم الاختبار بجدة جاء ظرف طارئ ماقدرت اذاكر منه الاختبار رحت للاختبار بس
ابي احل وامشي للرياض حليت وخلصت بـ45 دقيقة اول ماقالوا تسليم سلمت ومشيت
والحمد لله ومن فضله اخذت 100% والسبب واحد بالمنتدى قال البحوث مجرد تحل
وبس الي مايحل كثير مايقدر يستوعب الوقت بالحل بالذات ان الاختبار ارتباك زيادة
البحوث جداً سهله بس ماحد يعطيها حقها وبس
لا حد يقول هذا دافور لا انا عادي ودرجاتي مثلكم عاديه لكن خفت منها واعطيتها حقها
كنت ابي انجح بس والحمد لله نجحت بدرجة عالية بعد

[سبيعي صعب]

اخوي مسايس العبره
حنا كلنا اجتهدنا وذاكرنا لكن كل شي في الاختبار ما كان كويس لا دكتور يرد على استفسارات الطلاب ولا ورق مسودة والوقت ضيق

كل شي كات ضدنا

حسبي الله ونعم الوكيل ..

شباب اللي معه رقم الدكتور ولا ايميله يتكرم ويعطيناه

[rsme9]

السلام عليكم ورحمة الله وبركته

فلوس ودفعنا ومذاكره وذاكرنا

انا كان عندي اختبارين امس علاقات عامة وبحوث وعمليات

ودفعت 3000 للجامعه و 1000 للعالمية وومدرس للبحوث 650 في معهد المنتسبين يعني 4650 ريال فالترم

مايبون يفكونا عشان ندفع يتمدد الاترام والا وش السالفه تعبنا من هالجامعه

[السيدمنفار]

الله يعينكم ويوفقكم ... حقيقة هي المادة الوحيدة اثناء مشواري الجامعي ارسب فيها .... والحمد لله عديتها الترم الفايت

[العسلي 1]

لا حول ولا قوة الا بالله