بشرى يا بنات الانتساب لمادة بحث والتدريب

[fatona.sweet]

اول شي يا بنات يا حبايبي اكيد انتو زيي متوترين وخايفين من دي المادة وانا كنت شايلة هم ما تعرفوا قد ايش حقلكم ايش صار معايا بالتفصيل الممل لانو يومي كان طويل جدا اول شي بعد ما صحصحت من النوم كنت ضايعة ومني عارفة ايش اعمل >>>> قعدت افكر بيني وبين نفسي قلت خليني ارتب افكاري عشان اشوف ايش حعمل
المهم يا حبايبي قلت خليني اشوف المدارس القريبة من البيت دخلت النت ودورت ولقيت مدرستين كلمتهم وردت عليا استاذة محترمة قالتلي هاتي اورقك ما عندنا مشكلة ندربك بس روحي للرئاسة وجيبي الموافقة وتعالي المهم واحط عبايتي واجري عالرئاسة طلعت للدور الرابع بالسلم ما كنت ادري انو في اصنصير انقطع نفسي والله ههههههههههه المهم
دخلت مكتب التدريب وقالتلي استاذة هنية الله يسعدها يارب وحدة زي العسل روحي مكتب التخطيط والتطوير ورسمتلي الطريق لاني رحت معا السواق وما اعرف كيف اروح هناك وقالتلي روحي عند وحدة اسمها دكتورة عفاف فقلتلها الله يسعدك اسئليها لو يحتاجو غير الاوراق اللي معايا فكلمتها صراحة وكانت متعاونة جدا جدا الله يسعدها ماقصرت ياريت يصيروا الاداريات في الجامعة زي كدا متعاونات >>>>>طولت عليكم معليش
المهم قالتلي وقعي الاوراق من عند دكتورة سوزان القرشي >>>>>>>وجري شلت قشي وطيران عالجامعة هنا يا بنات الكلام المهم ركزو معايا يا حلوين
رحت لدكتورة سوزان مكتبها في كلية الاقتصاد والادارة المهم قلتها يادكتورة ابغا توقيعك على دا الورق قالتلي مايحتاج تدريب مافي تدريب للمادةهنا حسيت كدا وقالت نزلنا التعميم على الدكتورات انو مافي تدريب
قلتها طيب اخاف الدكتورة تقولي روحي اتدربي قالتلي لا خلاص دا الترم ما في تدريب بس البحث تركزي فية وفي التقرير وترجعي لمراجع وكتب وقالت كمان دا الترم نازلة مادة بحث وتدريب سنترا اكيد عشان تشرحلنا الدكتورة عنها اكتر وخصوصا البنات اللي ما يقدروا يروحوا الجامعة طبعا قلتها في اختبارللمادة قالتلي لا انتو مو ناقصين المهم انو بس حكيون للمادة مناقشة وبحث من دون تدريب
وبالنسبة انو انا شعبتي من غير اسم دكتورة قالتلي لاتشيلي هم راح يدورولنا على استاذة تمسك الشعبتين انا شعبة 14e ما اعرف الشعبة التانية بس هيا نازلة من غير اسم بس قلت اطمنكم حبايبي لان حالتي حالة وما يعلم بيها الا رب العالمين فقلت اوفر عليكم الفرفرة في الشوارع والله ييسرلنا ونتخرج كلنا على خير يارب وباحلى الدرجات ادعولي ياحبايبي

[فوفو777]

هههههههههههههههههههههههه
حاسه فيكي وبفرحتكي بس الظاهر انك مافتحتي المنتدى من زمان لان هذا الكلام من اسبوع تقريبا طلع

[om yara]

هههههههههههههههههههههههههه الله يعينك اتمشورتي صح وهذا الكلام من زمان مافي تتدرب ملغي

[لين والين]

الله يبشرك بالخير ي قمرر بجد كنت شايله هم طيب انا الحين م نزلو لي اسم الاستازه كيف اتصرف اروح الجامعه ولا استنى ولا ابدا بالبحث ي ريت احد يفيدني

[وفاءالسلمان]

ر ف ع

[malak n]

انا 15e تتوقعي دي الشعبه التانيه

[بنت المدينة المنورة]

مافي تدريب بس هذا الترم والا على طول ؟!

[om yara]

لا بس هذا الترم

[fatona.sweet]

بنات اللي ما نزلت اسم االدكتورة لشعبتها تستنى قالت دكتورة سوزان قريب حتنزل اوكي والين لاتروحي الجامعة حتلفلفي عالفاضي
واطمنك قالتي محا تنزل مع دكتورة اقبال ريحتني الحمد لله كنت شايلة هم الدكتورة دي مرا كتير بس نستنى وفدا الوقت حاولوا تدوروا
مواضيع للبحث

[Kramel]

الحمد الله يبشرك بالخير كنت شايله هم التدريب وانو فين اتدرب