معدلي منخفض اتمنى دخولكم ونصيحتكم الان (الله يسعدكم)

[سعودية saudi]

السلام عليكم ورحمة الله وبركاته

الله يسعدكم ابي مساعدتكم ..
ظروفي الصعبة والخارجة عن ارادتي خلتني اعتذر كذا مره وهذا اللي اخرني ونزل معدلي للاسف للحظيظ

معدلي الآن 2.22

مع هالمعدل كم تطلع لي ساعه!
وكيف اصلاً اقدر احسب لنفسي!
في الاوديس نزلولي الجدول فيه ثلاث مواد ما اعرف هل اقدر اخذ اكثر
هذا الجدول




ومدري فكرت اني ما اخذ مواد حسابيه بس عشان ارفع المعدل
وبنفس الوقت عندي ضغط بالمواد الحسابيه لاني ما اخذت ولا ماده للان
والله اني من جد محتاره وضايعه

حاسه الوقت يمشي وانا ماسويت شي
يعني الحين من مستوى اول الرياضيات والاحصاء ماعديتهم + باقي المواد الحسابيه الثانيه
وكذا المواد هذي تراكمت علي ومعناه راح اتأخر كثير بتخرجي

الله يسعدكم ابي احد يساعدني او يدلني للطريق الصح ..
المدرسات اسعارهم جداً غالية وانا مو بكل حال اقدر ادرس عند مدرسة
احيانا ظروفي تسمح واحيانا لا تكون صعبة جداً علي

*ابي الان اعرف هل اقدر اخذ اكثر من ثلاث مواد!
*وايش تنصحوني اخذ حتى ارفع معدلي واقدر اخذ الترم الجاي ان شالله مواد اكثر!
جد انا الحين فعلاً ناويه اخلص وارتاح

الله يسعدكم ابي مساعدتكم مالي بعد الله غيركم

[الرجل الأخضر]

السلام عليكم ورحمة الله وبركاته

وعليكم السلام ورحمة الله وبركاتة

الله يسعدكم ابي مساعدتكم .. ويسعدك ان شاء الله بحاول اساعدك حسب معرفتي

ظروفي الصعبة والخارجة عن ارادتي خلتني اعتذر كذا مره وهذا اللي اخرني ونزل معدلي للاسف للحظيظ

معدلي الآن 2.22

حاولي ماتكررين الاعتذار حتى التخرج خذيها شده وحده وربي بيعينك وكلها فتره وانتي متخرجه باذن الله

مع هالمعدل كم تطلع لي ساعه! اعتقد من9 الى12 ساعه

وكيف اصلاً اقدر احسب لنفسي!

في الاوديس نزلولي الجدول فيه ثلاث مواد ما اعرف هل اقدر اخذ اكثر

هذا الجدول تقدرين تدخلين عن طريق الاوديس برقمك السري ثم الطالب - التسجيل- الحذف والاضافة-

الفصل الدراسي 2014- تنفيذ - يطلعلك اخر شي تحت المواد عدد الاجمالي للوحدات ، الساعات الدراسية والحد الاقصى للساعات اسفل الجدول

(الحد الاقصي) هو اكثر عدد ساعات تقدرين تضيفينها في جدولك





الجدول دسم ماشاء الله مبادي المحاسبه ومبادي الاقتصاد الجزئي سمعت انها فيها صعوبه



ومدري فكرت اني ما اخذ مواد حسابيه بس عشان ارفع المعدل هو الافضل لك ركزي على فكرتك هذه

وبنفس الوقت عندي ضغط بالمواد الحسابيه لاني ما اخذت ولا ماده للان

والله اني من جد محتاره وضايعه لاتحتارين اهم شي انك تجيبين نتيجة مرتفعه في الاختبار عشان يرتفع معدلك في الدرجات وكذلك ماتكثرين المواد

لانه حساب المعدل على ثلاثة احسن من الحساب على خمسه مواد 0

شوفي اسئلي عن مواد قسمكم السهله واختاريها لهذا الترم بدل الموجوده عندك الان وحاولي تجتهدين وتجبين فيها درجات عالية وحيرتفع معاكي المعدل اااب

حاسه الوقت يمشي وانا ماسويت شي

يعني الحين من مستوى اول الرياضيات والاحصاء ماعديتهم + باقي المواد الحسابيه الثانيه

وكذا المواد هذي تراكمت علي ومعناه راح اتأخر كثير بتخرجي

اييييه لاتشيلي هم التخرج من الان شيل هم المعدل وارتفاعه لانه هو اللي بيخليكي تاخذين ساعات اكثر وايضا تكملين الدراسات العليا فيما بعد بدون مفاضله

الله يسعدكم ابي احد يساعدني او يدلني للطريق الصح ..

المدرسات اسعارهم جداً غالية وانا مو بكل حال اقدر ادرس عند مدرسة

احيانا ظروفي تسمح واحيانا لا تكون صعبة جداً علي

شوفي اختي عندكم يالطالبات محاضرات السنترا مره مفيده تحضري المحاضرة عن طريق النت وتستمعي لمحاضرة الدكتورة وانتي مرتاحه في بيتك

كذلك بعض المحاضرات المسجله وتلقينها موجوده عند الطالبات وفي هذا المنتدى كمان ومايحتاج انك تبحثي عن مدرسه خصوصيه وخسائر وقت وفلوس

*ابي الان اعرف هل اقدر اخذ اكثر من ثلاث مواد! ماادري مثل ماقلتلك شوفي موادك من الحذف والاضافة يبان لك ذلك قبل25/1

*وايش تنصحوني اخذ حتى ارفع معدلي واقدر اخذ الترم الجاي ان شالله مواد اكثر! فيه مواد عامة غير مواد التخصص المواد هي

الثقافة الاسلاميه - الشباب وقيم المواطنة - مقدمة في العلوم الطبيعية - الفكر الفلسفي-بالاضافة الى مادتين حره تاختارينها انتي من خارج قسمك

هذي المواد انا اخذتها وهي اللي رفعت معدلي ل3 ومع اختياري في المستوى اللذي يليه مواد حره ومواد سهله من نفس التخصص ارتفع معدلي الى 3,80

انا الان باقي هذي سنه واتخرج باذن الله

جد انا الحين فعلاً ناويه اخلص وارتاح




الله يسعدكم ابي مساعدتكم مالي بعد الله غيركم [COLOR="Purple"]وبالتوفيق ان شاء الله[ واكيد البنات بيفيدونك اكثر مني/COLOR]

[نــورهـ]

- و عليكم السلام و رحمة الله و بركاته ..

- نصيحتي لكِ بصفة عامة هذا الترم لا تأخذي أكثر من خمسة إلى أربعة مواد حتى تركزي فيهم تمام و تحصلي على درجات عالية بالتالي يرتفع معدلك + وازني جدولك بحيث يحتوي على السهل كماة حرة أو عامة + المتوسط من مواد التخصص..

- أهم أمر إرادتك القوية و ثقتك بنفسك و قدراتك العالية إنك بترفعي معدلك و تنجحي بإذن الله و قبلها التوكل على الكريم ..

- أســأل الله لكِ التوفيق و نجاح يتبعه فــلآح و سداد

[ابتسامه ^^]

الله يوفقك وتجيب الفل مارك
خلك عندك عزيمه إنك راح ترفع المعدل وباذن الله

[سعودية saudi]

الرجل الأخضر
د.نورهـ
ابتسامه ^^

الله يسعدكم يارب على ردودكم اللي فعلاً خلت عندي امل بإذن الله
ان مافي شي صعب

الله يوفقكم يارب وينولكم مرادكم

[سعودية saudi]

الان الحد الاقصى عندي 18 ساعه
وعدد ساعات المواد اللي بالجدول 9 ساعات

مدري هل اقصدر اضيف اكثر من ثلاث مواد

[سعودية saudi]

للاسف ماقدرت اضيف في جدولي غير مادتين اللي هم

سياسة عامة وصناعة القرار
الثقافة الاسلامية -3-

كل المواد المتاحة لي واللي ماتحتاج لجهد في المذاكره (اقصد جهد ذهني لانها مو مواد حسابية) .. كلها للاسف شعبها مغلقة
طيب ايش اسوي .. لاني مابي اخذ مواد حسابية عشان ابي ارفع المعدل

هل ممكن الاقي شي بكرا او اليوم او خلاص اكتفي بالمادتين!!

[نــورهـ]

المشاركة الأصلية كتبت بواسطة سعودية saudi الان الحد الاقصى عندي 18 ساعه وعدد ساعات المواد اللي بالجدول 9 ساعات مدري هل اقصدر اضيف اكثر من ثلاث مواد

طيب أضيفي ثقافة أو عربي أو مادة حرة مثل الاقناع أو مادة سهلة من تخصصك ..

الله يوفقك و يسهل لك أموورك ..

[حنونة بإحساسي]

هلا اختي حياكي الله بيننا
ابي افيدك بالمواد السهلة والاختيارية لكن ماني عارفة وش اخدتي مواد انتي
هل هذا اول ترم ليكي
او ايش المواد اللي اخدتيها ؟؟
احذفي السياسة العامة الحين لاتاخديها
ثقافة 3 حلوة وسهلة
اذا مداكي ضيفي اقتصاد جزئي مع فيفيان اتوقع نازل معاها هالترم واسمعي محاضراتها وذاكري فقط من السلايدات وانا اضمن لك تجيبي فوق 90 صدقيني الاقتصاد الجزئي جدا جدا سهل ومن اسهل المواد اللي مرت علي مع الاستاذة فيفيان
او خذي مادة حرة ادارة مشاريع صغيرة مع خديجة ضباب ورح اساعدك بالمهم والمحذوف فيها مع اسألة لها
المواد جدا سهلة لاتشيلي همها واي مساعدة بخصوص موادك انا حاضرة من عيوني التنتين
ابشري بكل خير وتوكلي على الله سبحانه وبإذن الله مارح يضيع لك تعب وكل شي بيكون سهل عليكي

[plane]

انصحك انك ماتضغطين على نفسك وحطي مواد متوازنه عشان ترفعين معدلك
الله ييسر امرك و ا مرنا يارررب