المواد المتبقية لاخر سنة

CUTE SHOSHO · #1 28-08-2013, 04:04 PM

السلام عليكم ورحمة الله وبركاته

مساء الخير .. كيف حالكم عساكم طيبين يارب ؟؟؟

هذي موادي لاخر سنة للترمين نزلتها من الاودس >> المواد المتبقية من الخطة الدراسية

ابغى اعرف هل هي دي بس الـ 6 مواد الباقية ولا في مواد تانية
وابغى نصايحكم بالصعوبة والسهولة وكيف اقسمهم على ترمين
وجزاكم الله خير

$ عمر $ · 28-08-2013, 04:39 PM

وعليكم السلام ورحمة الله وبركاته

هذي مواد الخطة الاساسية باقي 17 ساعة ( وكلها سهلة جدا )

ويبقى لك 11 حتى تصل الى 128

يعني باقي لك مع المواد اللي في الخطة 4 مواد
2 حرة
2 اختيارية

وانصحك تاخذين المواد الاربع كلهم من 3 ساعات بحيث تصبح بدل 11 ساعة 12 ساعة وبكذا ترفع المعدل ويكون اخذتي 129 ساعة

المواد الحرة خذي
1- فن الاقناع
2-

الاختيارية بتحصلينها تحت المواد المتبقية اختااري منها
1- ادارة العلاقات العامة
2- القيادة الفعالة

المواد في الخطة الاساسية في ترم
والمواد الحرة والاختيارية في ترم

تحياتي

فراشة جدة · 28-08-2013, 07:14 PM

انتي باقي لك 6 مواد اساسية
ومادتين حرة ومادتين اختياري

ومن نايحة تقسيم المواد افضل تنتظري لين تنزل اسماء الاستاذات
تحليل تنظيمي وسط مو صعب مرره
ثقافة منظمة دايما عند سوزان القرشي المادة حلوة فيها كثير محذوف
تقييم برامج حكومية وسط برضه مو صعبة وعلى حسب الاستاذة كمان واذا كانت عند طلعت سندي المذاكرة من ملخص
اجهزة تطوير طويلة وتلخبط شوية
ثقافة 4 عادية زيها زي باقية الثقافات اللي قبل افضل تخليها اخر ترم لانه مو طويلة مرره

من المواد الاختيارية اللي انصحك فيها عندك نظام سياسي سعودي عند خالدة
ومن الماود الحرة انصحك بمشاريع صغيرة عند خديجة ضباب هي اسلوبها سيء بس اسئلتها مرررررررره سهلة

موفقة

CUTE SHOSHO · 31-08-2013, 01:58 AM

جزاكم الله خير
بس بالنسبة لمادة بحث وتدريب هل المادة عملي حتى للانتساب وكيف بتكون المادة ارجوكم لاني ما اعرف عنها حاجة
وتنصحوني اخدها الترم الجاي ولا اخر ترم ؟

فراشة جدة · 31-08-2013, 12:03 PM

المشاركة الأصلية كتبت بواسطة cute shosho

جزاكم الله خير
بس بالنسبة لمادة بحث وتدريب هل المادة عملي حتى للانتساب وكيف بتكون المادة ارجوكم لاني ما اعرف عنها حاجة
وتنصحوني اخدها الترم الجاي ولا اخر ترم ؟

المادة اصلا ماينفع تاخديها الا اخر ترم
والمادة عبارة انك تتدربي في مكان وبعدين تعملي تقرير عن المكان اللي تدربتي فيه ،،
وبعدها تسوي بحث طبعا بعد ماتتفقي مع الاستاذة على الموضوع

موفقة