نداء لكل واحد خبرة في كلمة at اللي بالجدول !

[طيب الورد]

بسألكم في موضوع at اي الاختبار البديل .....


انا الترم السابق غبت عن اختبارين انقليزي ومادة ادارة

وجبت عذر طبي وقبلوة الحمد لله وانكتب قدامهم at

على اساس الترم اللي بعدة مباشرة اختبر المادتين اختبار بديل

وعرفت انو لازم الترم اللي بعدة مباشرة يكون الاختبار ...

طيب انا لمن جيت انزل المواد بالجدول هذا الترم قلت لازم اول
الادارة والانجليزي فنزلت الادارة واختبرتها هذا الترم الحمد لله

اما الانجليزي افتكر لمن كنت ارتب جدولي لقيت مغلق ماقدرت انزل الماده ذي

ومانزلت بجدولي فعشان كذا استبعدتها ومأختبرتها

كيف الحل اخاف يشيلو كلمة AT ويحطون dn محروم

طيب اش اعمل مالقيتها بالجدول مو المفروض ينزلونها بجدولي دايركت زيها زي الادارة لقيتها بجدولي دايركت

اش اعمل ينفع اختبرها الترم الجاي
اراجعهم ولا كيف ولمين اروح لقسمي ولا لقسم الانجليزي

ساعدوني الله يسعدكم ...

وكمان بالنسبة لمادة الادارة في الجدول مكررة مرتين الاولى في الترم السابق قدامها at
والثانية بالترم ذا قدامها الدرجة
ليش مكررة المادة مرتين بالسجل الاكاديمي مو المفروض تتشال ؟

[Abrar88]

السلام عليكم اختي الاختبار البديل لي موعد لوحدو غير عن اختبارات الفصل الدراسي العادية يعني انتي لما قدمتي العذر المفروض تختبري بداية الترم الجديد ولما تنزلك المادة في جدول الترم التالي تحذفيها لانها خلاص مسجلة في الترم القديم وحتختبريها وتتغير درجتك فيها ماتضيفيها من جديد يعني حتى لو الشعب مقفلة لمادة الانجليزي مالك علاقة لانها موجودة بجدولك والat معناتو اختبار بديل ولما تختبري تتغير الى درجتك
بس الي فهمتو من كلامك انك اتعاملتي مع المادتين كأنها مواد جديدة اضفتيها في الجدول واختبرتيها مع الاختبارات العادية وكدا غلط لازم تراجعي الجامعة لان مادة الادارة الي ما اختبرتيها المرة الاولى حيعتبروكي راسبة فيها والترم التاني نجحتي فيها ونفس الشي مادة الانجليزي ما اختبرتيها لان الشعب مقفلة برضو حيعتبروكي راسبة فيها
اتمنى تكوني فهمتي الشرح ولازم تراجعي الجامعةوبالتوفيق

[طيب الورد]

يوووووو معقولة وربي ماكنت اعرف

فهمت من كلامك طيب اروح لمين انا اعتبرتها مادة جديدة ؟

[Abrar88]

روحي راجعيهم بكلية الاقتصاد والادارة عند المسؤولة عن الانتساب لقسمك