شباب بعد إضافة مادة الثقافة الإسلامية للمعدل

[مشعل أبوتركي]

السلام عليكم ورحمة الله وبركاته
هل تم تعديل وضعكم الاكاديمي من فعال الى متخرج

[شهبندر]

والله يابو تركي مازال فعال واصلاً حتى لو كتبوا خريج ماعاد تفرق سحبووونا لين طاب الخاطر لكن الوعد الماستر إن شاء الله هي اللي بنحاول نعوض فرحتنا فيها :)

[مشعل أبوتركي]

الله لا يوفقهم
هذي الادارة اللي درستنا يحتاجون من يدرسهم
يقولون الامانه والعلم والحفظ والقوه يجب توفرها لدى كل مسلم
وأنا أقول لهم عز الله ما توفرت فيكم اي صفه من هالصفات اللي درستونا عليها

[قماري]

انا ماتعدل الوضع الاكاديمي
ياخي نروح نستلم الوثيقه ولا وش السالفه

الله يوفقه ويجزاه خير الي راح وحشرهم عشان تعديل المعدل

[حمدان صالح]

لم يتم التعديل للحاله إلى متخرج

[ابو جنى 11]

نفس الشي لم يتم تعديل الحاله باقي فعال

[ممدوح البلوي]

ياشباب يشهد الله أني مارحت من عند الاستاذ حسام إلا لمن واعدني يضيفو الثقافه للعموووم هذا الكلام امس وعلى فكره حتى لو عدلوها مايكتبو متخرج الا لمن تراجع الشئون التعليميه للانتساب الطابق الثاني ويطبع لكم الوثيقه ماتاخذ منه حتى عشر دقايق وانت توقعها من الدكتور المكتب اللي بجانبه وانا اليوم انهيت الاجراءات كامله مع التوصيات وفالكم التوفيق ولنا لقاء بالماستر ان شاء الله واي خدمه انا حاضرر

[ابو جنى 11]

الف مليون شكرا

[شهبندر]

يعطيك العافيه اخوي ممدوح حاب أسألك بخصوص التوصيات وش آليتها ولقيت الدكاترة على طول والتوصيات عربي ولا انجليزي وكم توصيه أخذت .

[ممدوح البلوي]

المشاركة الأصلية كتبت بواسطة شهبندر يعطيك العافيه اخوي ممدوح حاب أسألك بخصوص التوصيات وش آليتها ولقيت الدكاترة على طول والتوصيات عربي ولا انجليزي وكم توصيه أخذت .

يعافيك ياشهبندر بالنسبة للتوصيات تروح لسكرتير اللي موجود عند رئيس القسم للادارة العامه ويعطيك ثلاث اوراق بالانقليزي تعبيها طبعا لازم تطبعها بالكمبيوتر ولازم تكون الماده pad والدرجه من ثمانين وفوق كل ورقه لها مادة طبعا عشان اوفر عليكم بدل ماتروح للجامعه مرتين اطبع كشف الدرجات موقتا من النت وخذه معاك للمكتبه اسمها الجسر بجانب دار الهدى وتلاقي عنده النموذج وياخذ عالورقه 10 ريال وبعدها توديها لرئيس القسم هوا يوقعها وتختمها من السكرتاريه يعني مايحتاج تلف على الدكاترة