المواد المتبقيه من الخطه الدراسيه

[w h i s p e r]

السلام عليكم ،،

بنات ارجوكم ساعدوني ابغا اخلص مره طفشت وانا اقلل موادي عشان المعدل ,

المهم حأكتبلكم المواد اللي بقيت لي واللي عندها خلفيه عن استازات ممتازات وتكون سهله اسئلتهم ياريت تفيدني وأكون شاكره لها وحأدعيلها ..

غير كدا انا محتاره في المواد الاسهل والاصعب واخليها فالسمستر الاول ولا التاني ولا اخليها زي ماتنزل لي لاني ابغا ارفع معدلي عن 3.75 فلازم ارتب موادي حسب الاسهل في الترم التاني..

المواد :

soc-210 الشباب و قيم المواطنه ( هادي الماده عندي استفسار لها .. ليش نزلت لي مع انها حقت المستوى الخامس؟ وانا دفعة 07 يعني ماكانت في خطتي اصلا !! )

psy-343 الصحه النفسيه

psy-324 مناهج البحث في علم النفس

psy-461 التدريب الميداني 1

psy-448 علم النفس العيادي

psy-454 التفسير الاسلامي للسلوك

psy-462 بحث التخرج

psy-463 التدريب الميداني 2


ساعدوني الله يساعدكم بالخير والتوفيق ياااارب

[w h i s p e r]

>

>

[noonaaa]

انصحك تاخديها كلها مع بعض وتريحي نفسك وشدي حيلك من بداية الفصل :)

[w h i s p e r]

ايوا انا بإذن الله ناويه اخد 5 مواد السمستر الاول

والتاني يبقالي 3 واشد حيلي اكتر شي فيها

بس ابغا اللي ابغى اعرفو

هل اخد المواد الصعبه السمستر الاول عشان اجيب معدل عالي فالسمستر التاني

ولا اسوي العكس؟؟

[عازفة الوتر الحزين]

السلام عليكم

شوفي بالنسبة للقيم >> يمكن انتي في مادة ما اخذتيها من قبل يعني المادة البديلة لها
نسيت ايش اسم المادة بس كانت في 3 مواد اتغيرت واللي هيا ( الراي العام - مبادئ العلوم الطبيعيه - علم اجتماع اسري ) بس ان شا الله الباقين يردو عليكي ويقولو لك عن الماده دي

وانا اخذت 3 مواد من اللي انتي ذكرتيها

واللي هيا مناهج البحث والتدريب 1 والصحه النفسيه

وراح اقولك الصراحه الصراحه انا ماذاكرت زين
وتقريبا درجاتي فيها ماشي حالها ومع انو الاسئله كانت مفهمومه وحلوه

وشوفي بالنسبة للمادتين المناهج والتدريب 1
ماتقدري تاخدي تدريب 1 وانتي مانزلتي معاه مناهج لانو من المتطلب
والصحة النفسيه كمان سهل

ومادة العيادي والتدريب 2 ومادة التفسير انا راح انزلها دا الترم ان الله اراد

وبالنسبة للتدريب 1 و 2 اعتقد ما تقدري تاخديها مع بعض
لان التدريب 2 راح تكون محاضراتها في الجامعه اما التدريب 1 راح يكون في السنترا
ومحاضراتهم راح تكون معكوسه يعني تدريب 2 في وقت وتدريب 1 اخر شي

وبعدين المناهج والتدريب 1 و2 والبحث كلهم لها متطلب مقارب لبعض
لو تبغي خدي العيادي لانك من قبل اخدتي الفئات وخلصتي منو
بالتوفيق ..

ههههه مدري احس كلامي مخربط لو فهمتي شي منو قولي
ولو مافهمتي كمان قولي

[w h i s p e r]

شكلي لازم اروح الجامعه لآني اخدت علم اجتماع اسري و اخدت رأي عام وهادي اللي كانت في دفعتي فقط !!

مستغربه انو نزلوها ليا و انا مابغى زياده لانو مو ناقصني بصراحه مواد ..

على كدا حاخد عيادي ومناهج بحث وتدريب 1 في الاول بقيت مادتين حشوف البنات ايش يقولو عنها وياريت يفيدوني ..


تسلمي حبيبي ربي يوفقك ويرفعك بأعلى الدرجات ماقصرتي

[noonaaa]

كان قصدي كل ال 8 تاخديها سوا وتتخرجي بسرعة d:
عموما زي ما انتي حابة .. والافضل بالنسبة ليا تبدأي على نفس الخطة ومستوى المواد من ناحية السهولة والصعوبة ماتختلف لانه كل مادة تحتاج لتركيز وفهم لا اكثر
الفصل الاول
1- الشباب وقيم المواطنة << مادرستها لكني اتوقع انها سهلة
2-التدريب1 <<طبعا لازم منه
3-مناهج البحث << كانت معلوماتها بسيطة ومعروفة وسهلة
4- الصحة النفسية << كانت ممتعة ومختلفة عن باقي المواد

[عازفة الوتر الحزين]

ايوا لازم تروحي للجامعه عشان تسألي عن المادة
ولو كانت معاكي حالة الطالب (الخطه الدراسيه اللي فيها عدد الساعات المتبقيه لكي) خديها معاكي عشان تقولي لها

ولا تضغطي نفسك عشان ترفعي معدلك

واظن ماينفع تنزلي تدريب 1و2 مع بعض لانو لسا باقي لك مناهج
وبحث وعيادي
كلها لها متطلب وما ادري ينفع تنزليها مع بعض ولا

[w h i s p e r]

نونا ايوا ان شاءالله خلاااااص ابغا اخلص واتفك ان شاءالله ربنا يسهل لك ويسهل لي :)

طيب اسماء استازات كويسين ابغى اعرف بالزات العيادي خوفوني كتير منو :(

[w h i s p e r]

اها فهمتك يا عازفه

ربي يسعدك ويوفقك ياررررررررب ونتخرج بأعلى الدرجات ان شاءالله