خطـة ب أفيدونا ..{

[PinkDream]

السلام عليكمـ ..}

كيفكمـ ..! ..}

البنات اللي درسوا المواد دي

مهارات اتصال ..
مهارات تفكير ..
تحليل احصائي ..
أحصــاء ..
أنجلـــيزي ..

اي المواد بدئتو بمذاكرتها يعني اعطونا جدول للمذاكـره اي قبل نبدا فيه يعني وين اللي نبدا فيه بعدين 2 بعدين 3 .. يعني وين تشوفوا الأولويه في المذاكرهـ ..

أما حنا بالنسبه لخطه أ .. أشوف انا ابدئوو بالسهل علشان مايبقى لكم شي .. يعني ابدئو بالحاسب خلصوه بعدين الثقافه بعدين العربي بعدين الرياضيات و لا تبدأوو الكمي قبل الرياضيات اول رياضيات بعدين كمي واخر شي انجليزي ..

وانتم اي اول الاحصاء ولا التحليل الاحصائي ..! اي اول التفكير ولا الاتصال ؟!

بالتوفيق طلاب وطالبات..

[stay away]

هلا حبيبتي

انا اشوف كل واحد له طريقته بالنسبة لمهارات الاتصال ماده ممتعه ومهارات التفكير خليها اخر شي لانها كله كلام كثيييير وبتنسيه طبعا الاحصاء والتحليل الاحصائي نفس الشي ابدئي بالاحصاء
الانجلش الترم الثاني زينا زيكم
وبالتوفيق

[ضوضائيه]

انا عني بدأت بالماده الاسهل والامتع عشان تنفتح نفسي للمذاكره بدأت بمهارات الاتصال بعدها بدأت بمهارات التفكير خلصت من مواد الحفظ وبدأت في الاحصاء ولمن خلصت الاحصاء سهلت علي مذاكره التحليل الاحصائي لأن المنهج متاشبه يعني وانا اذاكر التحليل الاحصائي كأني اراجع الاحصاء وخليت آخر شي الانجليزي بس عندي نصيحه بالنسبه للانجليزي احسن ذاكري يومياً مع اي ماده ثانيه تذاكرينها لأن المنهج مره كثير انا خليته آخر شي وجا الاختبار وانا ماخلصت كتاب الريدنق

[rOoOoOs]

أنا من رأيي إنك تحددي أجزاء مو كتب

مثلا الاسبوع الأول حددي جزئين من مهارات الاتصال و ثلاث أجزاء من مهارات التفكير و جزء من الاحصاء

و إذا بدأتي تمشين في الكتاب و خلصتي الاحصاء إبدئي في التحليل الاحصائي و ذاكرين الكتابين سوا لأنه هو نفس الماده و لكن أشوف إن شرح القوانين في كتاب الاحصاء اسهل من التحليل

و لا يهون الانقلش نقنقي عليه كل ليله شوي

أنا شويت كذا و استفدت كثير
لأني أدرس و أراجع
لو درستي كتاب كامل و قفلتيه و رحتي لكتاب ثاني وثالث ورابع بعدين رجعتي للأول تكوني نسيتي كل اللي تعبتي في مذاكرته
بس ذاكريها أجزاء و راجعي كل جزء قبل الإنتقال للجزء الثاني

بالتوفيق ياارب

[PinkDream]

مشكورررين وراح ابدا في مهارات الاتصال .. واحاول اجزء لان انا من النوع اللي احب اخلص مجموعات ..

بالتوفيق للكل

[ألف باء تاء]

كل شخص له طريقته.. يعني أنا مثلا بدأت بالإحصاء..

وبعدين الإتصال وبعدين التفكير

وبعدها التحليل الإحصائي..

أما الإنجلش ما أذاكره صراحه..


بس أهم شيء خذي وقتك في المذاكره..

وإحفظي قوانين الإحصاء والتحليل الإحصائي..

لا تقولي بروح الإختبار وبيحطوا القوانين..


ترى القوانين بتنحط رموز وما راح تستفيدي شيء إذا الرموز مش فاهمه على إيش تدل..

:)