كلمات أنارت درب كاتبها

[ليتني كنت معهم]

	يوووووه...طفش....ملللللل .....زهق.........قرفففف ..... مين فينا ماتجي هذي الكلمات على لسانها؟؟ ولاوحدة طبعا...مهماكانت ظروفها.... بس أبشرووووو...لقيت الحل......واللي أنا مجربته ومرتاااااااحه...ومن بعده ولاعرفت الملل ولا الطفش... هذاالله يسلمكم...قبل عدة أشهر.......كلمتني وحدة من زميلات في الجامعة....وهي لساماتزوجت...وهاتك ياحكاوي....سألتها اش أخبارك؟...ردت علي تمااااااام ومبسوووطة رغم اني بالبداية بعدالتخرج الطفش كان راح يموتني.... وقالتلي اش سوت..............شي راااااااااااائع....... راحت دار الأيتام.....واختارت خمسة أطفال.....من الجنسين (بنات وأولاد) ومن أعمار مختلفة....وصارت مسؤولة عنهم.......................تزو رهم كل يوم...تاخذلهم هدايا.....تذاكرلهم........تلعب معاهم....... تقوللي قمة المتعة......................أن ا عجبتني الفكرة مررررة..... بعدها عرفتني على مجموعة من البنات والحريم..........مسو ين مجموعة.........مرتين بالاسبوع..... كل وحدة تطبخ ببيتها........أي أكلة ويتفقون مع بعض......مثلا.......ثلاث منهم يسون كبسة.....وثلاث سلطة.....وثلاث أي نوع من الايدامات......والباقي يسوون حلى.........طبعا يسوونها بقدور حجم كبير.....وياخذوها............ وياخذومعا هم صحون بلاستيك............ويروحوا لأي حي من أحياء الفقراء والمحتاجين...........ويو زعوا عليهم............... آآآآآآآآآآآآآآآآآآآآآآآه يابنات والله ماتصدقو........أول ماروحت ماقدرت أتماسك....انهرت.....بكيت. .... الناس يتدافعوا ويتزاحموا........لدرجة بعضهم ماياكلوا غير (الخبز) الناشف.....ويستنوا هذي الوجبة على أحر من الجمر......أنا ماكنت أتخيل ان فيه ناس يدوروا على لقمة العيش بس علشان يعيشون....ومايبغوا أي شي ثاني من زخرف الدنيا........................ مرة جات وحدة أرملة....وهمست باذن وحدة من الأخوات....قالتلها جيبولنا تفاح....أولادي كبروا بحياتهم ماذاقوه........ نفس هذي المجموعة........كل يوم جمعة.....يروحوا المستشفى العام....ويزوروا المرضى.....لأنه كم مريض يحتاج انك تحطي يدك عليه وتقولي ( أسأل الله العظيم رب العرش العظيم ان يشفيك).....كم من حسنة فيها؟ وماننسى انه من عاد مريضا مشى في الجنة سبعين خريفا.....وماننسى انه في زيارة المريض تحفك الملائكة... والله يابنات.....كل مرة أروح فيها...أخرج وأنا قنعاااااااااانة من الدنيا.....وأحمدالله ....بعد مااشوف هذي الأشياء كلها تقولي بس الحمدلله على العافية...... من ضمن زياراتنا.....تعرفنا على حرمة عجوز....أولادها جابوها المستشفى وتركوها من شهر رجب وصرنا كأننا بناتها....نزو رها ونهتم فيها.....الى أن توفت في 27 رمضان....رحمة الله عليها.... آخرشي واللي هو فعلا متعة لاتوصف.....دارالأيتام......روو وووووعة..... بسألكم.....كم من المبالغ اللي صرفناها على ميك أب؟ على صنادل (أكرمكم الله)؟ على ملابس أشهرونرميها؟ على هدية لمجاملة صديقة ما؟ كثيييييييييير مبالغ لاتحصى....... أقلها بالعيد..........آلاف وآلاف وآلاف........ هذا الشي ماياخذمنكم كل هذي المبالغ.....................مي ة.... .ميتين ريال وبس كفاية....... كيف....؟؟؟؟؟؟؟؟ أنا أقولكم كيف؟؟؟؟ روحي لأي محل من محلات أبوريالين.......ولمي من الألعاب اللي تقدرين عليها...................50 لعبة بــ 100 ريال فقط.... روحي لأي سوبرماركت................ ولمي بساكيت وحلويات................كم ان بـــ100 ريال فقط.... روحي لأ اي مكتبة.....ولمي قصص أطفال.....كمان بــ 100 ريال فقط.... هذي 300 ريال...........ولمين ؟؟؟ لأيتام....مايعرفومن الدنيا شي.........يابلااااااااااااش.. . زوريهم....وخوذي الأغراض معاكي ووزعيها عليهم...اجلسي معاهم ساعة......وتذكري كل مسحه من يدك على رأس يتيم لك حسنات بعدد شعر رأسه...( حديث لرسولنا الكريم عليه أفضل الصلوات وازكا التسليم)...... كم يتيم بالدار؟ وكم واحد فيه تحنو بيدك على رأسه؟ كم شعره في رأس الواحد فيهم؟ ..............الله تخرجي بمليارات الحسنات في ثواني وبدون جهد.... سووها بيوم....وخذو أطفالكم لزيارتهم....وخليهم هم اللي يوزعون الهدايا عليهم.......ازرعي العطف والفضائل بقلب صغارك.....صدقيني حتى لمايكبروا (الله يحفظهم)....راح يستمروا بهذا العمل...... اذا كنتي عزباء....خوذي معاكي أخوانك وقرايبك الصغار...زوريهم....,خليهم يلعبو معاهم... أفتكر مرة تقطع فيها قلبي.....قبل لا أخرج من عندهم...سألتهم :حبايبي تبغوا شي؟ سكتو الا ولد فز من مكانه...أخذ شي من درجه....وجايجري جهتي........قاللي أبغى زي هذا... آآآآآآآآآآآآآآآآه ياريتني...ماسألتهم....ويا ريته ماطلبني......اش تتوقعوا كان طلبه.... وراني....قرطاس بسكوت توله ( تعرفوه اللي بالكراميل)...........القرطاس نظيف ومطبق.......سألته من فين هذا؟؟ قاللي وحدة زارتنا اسمها عمة هاجر وجابته لي هدية...........قلتله حاضر من عيوني.... نزلت للمشرفة سألتها.....تعرفي وحدة اسمها عمة هاجر؟ جاوبتني :نعم..... سألت:متى آخر زيارة للدار ؟ قالت: من سبعة شهور تقريبا...... يالللللللللللله............من سبع شور محتفظ بالقرطاس....ونحنا أطفالنا جتهم التخمه من كثر ما ياكلو بسكويت يفتحوا البسكويت ياخذو قطعة ويرمو الباقي ......وهذ ولا الأيتام يحلمو ببسكويت من سبعة شهور........... يابنات روحولهم زوروهم.....تراكم انتو المستفيدين مو هم.....لو مرة بالشهر اذكروهم...... أصلا يستقبلوكم بالأحضان والقبلات....ولما تروحي من عندهم اللي يبكي واللي يودع...واللي يبغى منك وعد انك ترجعي تزوريهم ثاني....احساس رااااااائع.....تحسي بقلوب فعلا تحبك...قلوب نظيفة بريئة ماتعرف النفاق والمجاملة.... بينما لوتزوري جارة أو قريبة....شوفي الاستقبال الممل وملامح وجهها تقول: اش اللي جابك؟؟؟...والدق بالكلام والنغز...والهمز واللمز...وكل وحدة ترمي كلمة...غيرالغيبة والهم والغم.... وحدة من زميلاتي....سحبت أكثر من تيرم بسبب زواجها....ولساتدرس.....وحالتها بالهم......وطفشااااااانة موت.....خبرتها عنهم.....وصارت تزورهم....وتاخذلهم هدايا.... كلمتني...تقوللي سبحان الله.....حياتي اعتدلت.....دراستي تحسنت.... ربي وفقني مع زوجي......حاطني بعيونه... وسوت حركة مررررررررة حلوة.... أمها ماخلفت الا هي وأختها اللي أكبرمنها...وأمها بالبيت وحدها....وعمرها بالخمسين يعني تقدر تقوم بطفل....وعندهابنت ...ولدت...وأخذت لأمها بنوتة صغيرة عمرها أشهريتيمة....ورضعتها مع بنتها( حديثة الولادة)....وكفلتها لأمها... تقوللي أمي متونسة فيها ومالية عليها البيت هي وأبوي....يعني صارت حفيدتهم لأن بنتهم رضعتها.... حتى المدرسات يقدروا يسووا شي حلو...ماما مدرسة...طلبت من المدرسة انها تاخذ طالباتها رحلة للدار...وخبرت طالباتها ( بالثانوية)...وراحت قبلها بيوم لمحل أبوريالين ولمت ألعاب على قد عددطالباتها.... ثاني يوم راحت هي والمشرفة وطالباتها للدار....وأعطت كل وحدة منهم لعبة...وخلتهم هم اللي يوزعونها على الأطفال....( تبغى تعلمهم العطاء والاهتمام فيهم)....بعدها طالباتها قالولها انهم مرة تأثروا وحكوا أهاليهم عنهم...وطلبو منهم يزوروهم مرة بالشهر.... والله يابنات سواء كنتم متزوجات أو عازبات أو أو أو..................جربوا والله ثم والله ثم والله ....ماراح تندموا..... وبعدها انسوا الطفش....والزهق والملل.....راح تقنعوا من الدنيا.....وتحسوا برضا نفسي وراحة نفسية.....والله اني ما أقصد فيها لارياء ولاسمعة....أصلا مابيننا الا النت والشاشة...وماتعرفوني..... بس الله العالم اني حبيت الخير لي ولكم........... "انتهــــــــــــــى...." الله يجعلنا واياكم ممن يدخل الأبتسامة على اخواننا الأيتام و على كل مسلم آمين

[memoooo.]

يعطيكي العافيه حبيبتي

فعلا انا رحتلهم كم مره

ما تتخيلي قد ايش يكونوا مبسوطين


ويفرحوا مره بالهدايا رغم انه تكون شي مره


بسيط ،،،


يسلمووو يا عسل،،

[أنثى المفاجآت]

الله يجزاك الجنه ان شاء الله
والله موضوعك اثر فينى كثير و فعلا موضوع و هزنى و اكيد هز غير من داخله اشلون لو نروح بنفسنا...
الله يسعدك دنيا و اخره و لا يحرمك الاجر و يعينك على نشر الخير فعلا اشكرك من قلبي على مواضيعك المميزه و الرائعه و في معنى للحديث ( من دعا الى هدى له اجر من عمل به لا ينقص من اجره شئ)والله يكتبلك الاجر
لكى كل الود و التقدير

[قلب البحار]

يعطيكي العافية

[ابو فراس المدني]

فعلاً موضوعك تشكرين عليه والله يجعله في موزاين حسناتك
وتستاهلي عليه احلى وأصدق الدعوات الخالصه من القلب.

ودمت بكل الود

[حربيه من الغربيه]

مشكوره
وجزاكي الله خير
دمتي بحفظ الرحمن

[MR_NAIF]

موضوع ممتاز الله يعطيك العافيه

[MY NAME IS...]

الله يعطيك العافية والاجر ياليت تقولي لي اي دار ايتام رحتي لاني من زمان نفسي اروح بس ما لقيت احد يشجعني

[فصوووول]

موضوع جميل الله يجزاك خير

[ليتني كنت معهم]

جزاكم الله خير أنتم أيضا على المرور

وجعلني وإياكم ممن يسمعون القول فيتبعون أحسنه ....