اللي حضرو مع الغزالي بالرياض

[ابو عزام]

شباب اللي حضرو عند الاستاذ الغزالي بالرياض ياليت ينزلون لنا شرح المدرس أو ارساله لي بالفاكس اكون لكم من الشاكرين

[على بركة الله]

الاخ ابو عزام

انا عندي كامل المذكرة من ترتيبي انا يعني الوان وحركات ودرستها عن الغزالي

بس لو تبي نصيحتي والله العظيم ان ما عنده ما عند جدتي يدرس بسرررعه عشان يلحق على جده فيها شغل احسن من الرياض
وانا من وجه نظري الماده يبيلها شوي تركيز مع الحل معادلات كثييييره عشان تتعود على الحل
الغزالي يقولون متخصص الادريسي
و في النهايه الادريسي جاب اسلوب غير الاسلوب الي يعرفه المصري الغزالي
هذي وجه نظري
في النهايه
اذا تبي ملخص كامل عنها انا حاضر و عندي مدرس اعرفه من زمان بأمانه رجل غير مادي و يخليك تطلع و انت فاهم
مو زي الغزالي يحشرنا عشره في غرفه و يقول انا مستعجل

راسلني على الخاص عشان اعطيك الملخص و رقم الاستاذ
و اللله يسهل امرك

[morano]

السلام عليكم ورحمة الله وبركاته

ماراح أزيد على كلام اخوي على بركة الله الغزالي اخذ شهره على الفاضي وشرح سريع ووقت مضغوط وسعر غالي
سبع محاضرات كل وحده اقل من ساعه أحياناً و1000 ريال على كل واحد في غرفه مضغوطه وطاوله صغيره
الله يكون بالعون .
اخوي على بركة الله لو سمحت ممكن تعطيني رقم المدرس لأني بصراحه درست عند الغزالي وأحس إني مافهمت شي ولادرست كأنه حلم بالنسبه لي

شاكر لك وتمنياتي للجميع بالتوفيق والنجاح

[Matro]

انا ماجربته بس هذا شغلهم مصاريه في البدايه يصير احسن واحد ليين اذا اخذ منك فلوس يصير ماله نفس

حركاتهم !!

المفروض ماتعطونه الفلوس الا اذا خلصتو

الله يعينكم

[Zanetti]

أنا أخذت المادة عند الغزالي ,, فعلاً سعره غالي 1000 ريال لـ سبعة حصص وطاولة وصغيرة ,, وعددنا سبعة ,,

شوف في وجهة نظري ,, شرحه عادي جداً ,, ومقارنة السعر بالشرح كثير للأمانة + أنه بعد كل حصة يطلب مننا

نصور الأوراق التي يعطينا عشان نراجع منها وخطه يبي له فك شفرات ,,

للأمانة ,, الغزالي ,, مدرس عادي ,,

والله يستر من بحوث العمليات ,, وكل التوفيق يا رب ,,

[ممدوح حائل]

الغزالي ، الغزالي ، الغزالي
وهذي أخرتها ؟؟؟

الله يكون بعونكم ويوفقكم إن شاء الله ،،

عن نفسي اخذتها العام الماضي مع ( ابو سلوى ) الله يذكره بالخير ،،

ومن وجهة نظري وبعد تجربة ان المدرس فقط يفك لك شفرات المادة في البداية ،
وبعد كذا الباقي عليك بحل الكثير من التمارين والتعود على حل التمارين وبقد ما تقدر ،
وبحول الله التعود هذا هو المفتاح للدرجات العالية في هذه المادة وليس فقط تجاوزها ،،

بالتوفيق للجميع ،،، .

[عيوني حزينه]

انا درست مع الغزالي لما قرأت عنه في المنتدى قلت بسسسسس بجيب في المادة a+ مع الغزالي طبعاً بحوث العمليات المهم المدرس اخلاقه عاليه ما اقول فيه شيء ومحترم لكن اتكلم عن شرحه عادي جداً ويحب يخلص بسرعه والفلوس تدفعها مقدم قبل الدراسه وسبعة طلاب على طاوله واحده هذي وجهة نظري فيه وكل انسان له وجهة نظر ... تحياتي للجميع

[طـــالـــب]

اخواني الله يوفق الجميع
انا خلصت الماده مع ابوسلوى وما كلمنا عن الفلوس إلا بعد ما خلصنا الدروس معه والحمدلله شرحه ممتاز والله يوفق الجميع

[نايف1]

انا اخذت المادة مع الغزالي وبصراحة الرجل اخلاقة ممتازة وشرحه حلو ولكن يحاول يشرح بسرعه وكذلك المجموعه سبعه اشخاص .

وللمعلومية المادة تبي حل مسائل والتعود عليها وانا افكر اخذ مدرس ثاني لان الغزالي يحل لك المساله بسرعه تروح تبي تراجع وتحل ماتعرف من وين جاب الحل .

كلمة اخيرة الغزالي ممتاز للغاية ولكنه من وجه نظري لاينفع للمجموعات

[صبا نجد]

ماراح ازيد على كلام الاخوان . الغزالي اخذ سمعة على الفاضي
مايهتم بالطالب سواء فهم او لا ومادي من الدرجة الأولى ويحسسك انه يبغى الحصة تنتهي
عشان يجي دور طلاب اخرين وشرحة سريع سريع .

ماانصح اي طالب يدرس عنده .