التحويل اليوم اخر يوم الحق يا ما تلحق

[سوسو دولي]

اليوم اخر يوم في التحويل تتوقعوا يحولوا للي معدلهم 3.75 وما فوق
لان امس قاعدين يحولوا بنات معدلاتهم 3.90 ومافوق
إن شاء الله اليوم تنزل
اليوم بروح واقعد فوق راسهم وبرجع واقلكم الاخبار
دعواتكم ليا يارب احول انتظام

[بائعة الـورد]

أختي سوسو ان شاءالله يحوولك لكن للأســـف وحده اعرفها جايبه 3,85 وماحولها
اظطرت تأجل هالترم عشان ايش شي يقهر بصراحه ..... بالتوفيق لك واعطينا اخر اخبارك
مع هالجامعه الماديه البحته .

[Human resources]

بالتوفيق سوسو......حضكم بجده الجامعه قريبه منكم...

[لولو الاموره]

طمنينا على الاخبار اول ماترجعي

[إكليل الـــورد]

إنْ شاء الله تحولي ..
مع إني أعرف بنات معدلاتهم 3,62 و3,73 قالوا لهم : مافيه غير ببداية السنة !!

[الاسف]

والله ياسوسو من الصبح ادعيلك



الحين جايه ابشوف اش صار معاكـ

ترى تأخرتي بالرد ههههه

وانا زيك هذا ثالث سمستر لي
ومعدلي 3.75 >> رأيك نتصادق هههههههه


يله بشرينا عن اخبارك الله يبشرنا بجنته

[لولو الاموره]

وانا دخلت واتوقعت سوسو كتبت شي
يلا طمنيني يقولو من طول الغيبات جاب الغنائم

[الهنوفــ]

والله شي يقهر نفسي اعرف ليه يقولو تجيبو معدلات عاليه 3.75في لاخير مايحلو يكولو لا لازم 4شنو هذا والله ضلم مايصير عن جد شي يقهر
يلا سوسو طمنينا ان شالله رضيو

[الــــغــــلا]

موفقين خواتي

[سوسو دولي]

اسفه جدا للتأخير سامحوني

طبعا كلمت المديره وحاولت معاها قالت قفلوا على ال4 وماتقدر تسويلي شي وقالت شوفي روحي حاولي مع وكيله العماده ورحت واخدت موعد من السكرتيره عشان طبعا اقابلها وانتظرت حاولي ساعه ونص وبعدين دخلت وكانت فعلا انساته راقيه في تعاملها معايا وكامتها بخصوص التحويل قالت مافي لايمكن الكليه ماتقدر تستوعب عدد اكبر من الطالبات عشان كده قلنا من ال4 وفوق ووافقنا بعد ضغوطات من الطالبات ولا هو اصلا مافي تحويل الا بدايه كل سنه جديده
بعدين قلتلها انا درست سمسترين واذا كملت هالترم حكون تجوزت 3 سنين وعديت ال64 ساعه قالتلي مش مهم السنين اهم شي ماتعدي الساعات لان اذا عديتها شيلي فكرة التحويل من راسك قلتلها وش الحل برايك يادكتوره ؟
قالت اعتذري هذا الترم وانا اضمنلك وميه بالميه حتحولي على السنه الجديده قلتلها على ذمتك التحويل مو اقدم اعتذار بعدين تطلعولنا بقرار جديد ولا ترفعوا المعدل للمحولين قالت لا لا قلتله خليكي فاكرتني حجيكي انتي تحوليني لو ماحولتني الكليه لان على ضمانتك قالتلي ايوا إن شاء الله تعاليلي مافي اي مشكله
وعلى فكره كانت معيا بنت معدلها تقريبا 3.95 والثانيه معدلها 3.77 وانا 3.75


واخيرا شكرتها وقلتلها مع السلامه.
وسامحوني جدا على التاخير وذلك والله لظروف خارجه عن ارادتي