اجتماع خاص.. التخصص !!

[RAUL 7]

اولاً// السلام عليكم ورحمة الله وبركاته

اخواني واخواتي بما انه اقترب موعد تحديد التخصص وهذا طبعا مسار مهم جدا بمسيرتنا الدراسية وبما ان التخصص اما يضفي للشهادة الجامعية قيمة ورونق خاص واهمية قصوى لدى الشركات والمؤسسات وايضا الجامعات العالمية اتمنى من الجميع اختيار التخصص بعناية فائقه وعدم دخول اي تخصص لسبب انه سهل ومايبغاله شي .

لانه احياناً تدخل تخصص لاينفعك بشي بتاتاً وهذا السبب المنتشر والذي يجعل اكثر المتخرجين يصور مع شهادة (مقولة شعبية) اخواني احرصوا على التخصص حتى لو كان كايد بس اهم شي يكون تخصص مرغوب وينفعك بعد التخرج ..

استشارة للجميع// انا موظف بشركة سابك وعملي هو مشغل مصنع ودوامي شفتات وابغى تخصص ينفعني بمجال عملي طبعا مالقيت الا ادارة اعمال قسم العمليات والجوده او ادرة الموارد البشرية ولاكن انا محتار وش اختار بينهم او وش التخصص الانسب لي بهالمرحله ...

الرجاء لمن عنده خبرة بالتخصصات ان يضع رده هنا ويفيدنا ..

او من يريد ان يطرح حالته مثلي يكتب رده واتمنى من الجميع التعاون بالمرحله الحساسة ..

ولكم جزيل الشكر ... دمتم بودّ

[الشرق]

فعلا اخوي التخصص مره مهم

انا محتار بين ادارة اعمال او ادارة عامة

والسبب اني غالبا ماراح استفيد من الشهادة بالعمل عشان كذا افكر في الادارة العامة لانها اسهل وموادها تدرس بشكل عام يعني بدون تخصص اكثر وطالما اني مو محتاج التخصص فليش اتعب نفسي ويمكن انجح بتقدير ومعدل قليل.

والا اش رايكم ؟؟

[RAUL 7]

ياخي مو شرط التخصص يكون بمجال عملك اذا كان مجال عملك ماله تخصص موجود بالجامعه ياخي شوف تخصص على الاقل لو تحول من القسم الي انت فيه بالشركة لقسم ثاني تكون مسؤول عليهم وانصحك تسال رئيسك اذا كان مهندس او جامعي عن التخصص راح يفيدك بالتخصص المطلوب سواءً بسوق العمل او بالشركة الي انت فيها ..


دمتَ بودّ

[ريــــم]

امممممممم طيب واللي يبي تخصص ينفعه بالاعمال الحرة
يعني دراسات جدوى وادارة المشروع بشكل عام

وش انسب تخصص؟؟؟!!!!

[ماجد الفاقد]

طيب انا مدير مكتب في جامعة الملك سعود وش التخصص الي يصلح لي

انا محتار بين ادارة اعمال وادارة عامة

وشكرا على الطرح المفيد ياكابتن راؤول

[نغم الحياه]

طيب اش الفرق بين إدارة اعمال وإداره عامه

وبما أني بنت وش التخصصات اللي تنفع في مجال العمل للبنات

.......

شاكره لطرح الموضوع

[tal3at]

أخوي راؤل لك تميز في طرح المواضيع؛؛؛؛؛ تحية خاصة لك
بالنسبه لك إدارة العمليات والجودة مطلوب اكثر في المجال الصناعي خصوصا انك في التشغيل يعني بعد ماتتخرج بيكون عندك خبرة فنية بالإضافة الى الشهادة ... يالله عقبال مانشوفك أخصائي جودة في سابك.


تخصص الإدارة العامه الأغلب والأفضل للوظائف الحكومية.
إدارة أعمال تخصص مهم ومطلوب بكل تخصصاته في الشركات وكمان للأعمال الحره.

هذه المعلومات للفائدة أرجو الإصابه فيها

تحياتي للجميع

[GNOOON]

انسب شى تخصص فيه البنت؟

[لندنية]

انا الصراحة ودي من زمان ادارة اعمال دولية بس سمعت انها تدرس بالانجليزي وماادري اذا كان صح او لا بالرغم اني مو موظفة يعني لسى متخرجة والصراحة وجهي مو وجه شغل لاني اميل للاعمال الحرة ذات الصلة بالادارة يعني عندي القليل من الخبرة في الادارة والسبب ملازمتي للوالد وانا صغيرة ودايم ياخذني معاه للشركة وحتى الان اساعد بابا ببعض الاوراق الخاصة بالعمل ودايم الوالد يربط بين حبي للادارة والفروسية بان الاثنين يتوفر بهما مطلب القيادة والتحكم وتشغيل العقل والابداع والتجديد دائما وهذه الاسباب هي التي حببتني بالادارة ........وش رايكم ادخل هالتخصص واسفة على التطويلة ..لكم جزيل شكري

[kshkool]

والله انا افضل الاداره العامة لانها تشمل جميع الادارات بشكل عام وتشمل ايضا اداره الاعمال عشان كذا عمم ولا تخصص انا موظف بنك وغالب شغلي بالاعمال الي زي كذا وبصراحة مافي فرق بين اداره الاعمال والاداره العامة بالنسبة للتوظيف لا الخاص ولا الحكومي بس الي حاب يستفيد اداره عامة تشمل اداره الاعمال وهذا رائيي الخاص وعقلق براسك تعرف خلاصك ومع السلام عليكم