رأيكم بالجدول مستوى رابع

[ابو لـيـان]

السلام عليكم ورحمة الله وبركاته :
يهمني رأيكم بجدولي هذا اللي ناوي انزله هالترم
محاسبه حكوميه
اقتصاد جزئي
ثقافه اسلاميه 3
إدارة الخدمة المدنية
قانون اداري
نظرية التنظيم
افكر اضيف (( أخلاقيات العمل)) واحذف وحده بس ما نزلت الشعب لأن د/ المزجاجي ما يمدحونه الترم الماضي

[بائع الخبز]

يخوي وش تحـــس فيه أنت !!!
تجمع بين أصعب 3 مواد بالقسم !

إقتصاد جزئي - محاسبة حكومية - نظرية تنظيم !!! ... أنصحك تعيد النظر في جدولك ذا وأتمنى لك التوفيق

[ابو لـيـان]

والله ما أحس بشيء
لكن هدفي وضعي في الصورة علشان ما تصعب المواد لأني ما أعرفها

وشاكر لك اخوي بائع الخبز

[رصد]

انا مثل جدولك بالاضافة لمادة اخلاقيات العمل
صراحه متردد احذف مواد او استمر على الجدول
ياليت الاخوان اللي درسوا المواد يفيدونا بنصائحهم

وباين على المواد دسمه ويبيلها شدة حيل

لكن تدري ضيف اخلاقيات العمل
وان شاء الله نتعاون عليها من خلال المنتدى
مع الاخوان وبتكون سهلة بمشيئة الله

[ابو لـيـان]

الله يوفق الجميع

[faten]

ودي أساعدك باللي أعرفه مع اني بنت ويمكن أسئلتنا وشغلنا غير عن الشباب
اقتصاد جزئي .. لها ملخص اسمه ( كويس ) مرررره روعه .
ثقافه اسلاميه 3 ملخص التميمي حلو ذاكرت منه وجبت درجه مره عاليه .
إدارة الخدمة المدنية .. حلوه وسهله .
قانون اداري .. مممممممم يبغالها اشويه بس حلوه .
نظرية التنظيم .. دسمه تحتاج جهد ووقت مضاعف . اعتمد على الكتاب أفضل .

فيه بعض المواد ضروري تاخذها لأن تفتحلك مواد للأترام الجايه

[ابو لـيـان]

ما قصرتي

الله يعطيك العافية

[غليــص]

ابو ليان اذا تبي نصيحتي لا تقع في الخطا اللي وقعت في الترم الماااضي انك تضيف محاسبة حكومية واقتصاد جزئي سووا صعبه صعبه كلها قوانين وكلااااام كثير يعني بالعرربي متشابهة تضيع معها

انا انصحك تحذف الاقتصاد الجزئي وتضيف بدلهاااااا اخلاقيات العمل وراح ترفع معدلك اتمنى لك التوووووفيق

[ابو لـيـان]

الله يعطيك العافيه غليص ما قصرت

[ابو الغريب]

مساء الخير أخي الكريم ., بالنسبة لمادة أخلاقيات عمل هي من أسهل المواد ولكن الاشكالية في دكتور المادة ( المزجاجي ) يعني الصعوبة تكمن في الدكتور وليس في المادة ,,

محاسبه حكوميه ( مادة نظرية وكثيرة كلام وفيها قيود متداخلة )
اقتصاد جزئي ( مادة من وجهة نظري فيها صعوبة ولكن ليست الصعوبة الكبيرة اللي تمنعك انك تاخذ المادة او تاجلها )
ثقافه اسلاميه 3 ( مادة سهلة ومايحتاج أقول اكثر من أنها ترفع معدلك اذا شديت حيلك )
إدارة الخدمة المدنية ( ممتعة جدا )
قانون اداري ( اقرا ان كثير من الشباب متخوف من هالمادة وانا أشوف العكس )
نظرية التنظيم ( أصعب المواد الموجودة عندك في الجدول وإن شاء الله تكون هالترم عند طيب الذكر شمسان )


كل التمنيات أن ربي يوفقك ..