حولوها كلية الاعمال برابغ.؟!!

[a student 84]

السلام عليكم ورحمة الله..
بس كنت ابغى استفسر اختي خلصت سنه تحضيريه وماطلعلها في الاودس تخصيص..لقيت على طول حاطينها كلية الأعمال برابغ
هي ماتبغى هناك ولاحتقدر اصلاً تداوم هناك
راجعت القبول والتسجيل قالولها روحي حولي من رابغ..اش القصه احد حصلت معاه الحركه دي.؟!واش العمل فين نرووح

شكراً مقدماً وجزاكم الله خير

[طالبه 12]

اختك انتسااااب
؟

[النديم]

وعليكم السلام ورحمة الله وبركاته ..

عفوا بس للإيضاح هي خلصت السنة التحضرية وتخصص في أي كلية عشان نقدر نفيدك ...

[a student 84]

يب ..انتساب

[a student 84]

هي خلصت سنه تحضيريه ومامداها تتخصص لأن على طول نزل لها في الاودس كلية الاعمال برابغ..يعني خصصوها بمزاجهم

[النديم]

طيب أختي هي وش التخصص اللي تبيه ؟؟؟

عموما كلية الإقتصاد و الإدارة برابغ كثير من الطلاب والطالبات كانوا يطمحون لها ...

لأنها فيها مسارات إدارة الأعمال ...

بالإضافة هي الكلية الوحيدة اللي تتيح لطلابها وطالباتها إختبار المناطق لكافة المستويات ...

بعكس جامعة الملك عبدالعزيز بجدة بعد السنه التحضيرية لازم نحضر لجدة ....

[a student 84]

طيب كيف نظام الدراسه فيها..؟تداوم الدوره التأهيليه فين؟ ولاسنترا؟
وكيف تحول عى جده اش الاجراءات فين نروح واش نسوي؟؟

[طالبه 12]

شوفي ترى طالبات الانتساب عادي يختبرون بجده ومحاضرات سنترااا
اذا مرا يعني ماتبغى التخصص داا تقدم معامله اكترونيه
واذااا ماردووو عليهاا تروح رابغ
وترى بنات كثيررررررررررررر يطمحووو لد اعمال برابغ بس ماقدروو يوصلو لتخصص
اللي فيه اختك
وبالتوفيق

[النديم]

المشاركة الأصلية كتبت بواسطة a student 84 طيب كيف نظام الدراسه فيها..؟تداوم الدوره التأهيليه فين؟ ولاسنترا؟

المشاركة الأصلية كتبت بواسطة a student 84 وكيف تحول عى جده اش الاجراءات فين نروح واش نسوي؟؟

بما أنها إنتساب راح يكون عندها مثلك تماما ايقونة في الأودس سنترا لأنها للبنات فقط ...

الدورة التأهلية مثلها مثل ما يصير بجامعة الملك عبدالعزيز بجدة إذا كان فيه وقت حضرنا ..

ولا الأخوان و الأخوات هنا في المنتدى ما يقصرون والله يشهد كل جديد يحطون هنا في المنتدى

بالنسبة للتحويل فيه شروط له وعلى حسب الكلية اللي تبي تحول لها ..

المعدل مهم و كذلك عدم اجتياز أكثر من نصف الساعات المقررة للخطة الدراسية اللي هي

129 ساعة فا شرط عدم اجتياز كحد أقصى64 ساعة ...

وحسب كلام الأخوات انه فيه امتحان لبعض الكليات مثل اللغات يجب إجتيازة ..

وبكل صدق كثير من الطلاب والطالبات كانوا يبون كلية الاعمال لأنهم متساعدين في

اختبار المناطق و الرصد للدرجات وفي النهاية اللي ترغبه هي تختارة والله يوفق لكل خير

[a student 84]

تسلموا شكراً على ردودكم وتفاعلكم السريع..
ماعليه كمان سؤال اش الي يميز ادارة الاعمال برابغ عن جده؟!يعني الدراسه فيها شي اقوى لو اش؟
بالنسبه للمعدل معدلها ماشاالله مره كويس والتخصص هي تبغى ادارة اعمال