°•.★.•° خلونا نرفّه عن انفسنا شويه - كل واحد يحكي موقف حصل له في هذا الترم °•.★.•° ‏

[ابو اسامه 106]

السلام عليكم ورحمة الله وبركاته

خلاص الحمد الله اليوم خلصنا الاختبارات

وخلونا نرفّه عن انفسنا على بال ما تطلع باقي الدرجات

ونحكي لبعض مواقف او موقف صار لكل واحد في هذا الترم





وان شاء الله كلنا ناجحين و بأعلى الدرجات




تحياتي وتقديري

[مباشر]

ابو اسامه الله يعطيك العافيه على مجهودك معنا احنا الطلاب وعقبال مانشوفك متخرج باذن الله وعقبال الجميع متخرجين يارب ياكريم

[تركي ناصر]

بسم الله ابدا
انا صار لي موقف بايخ مرره كانت عندي سلوك تنظيمي 321 وعلى بالي انا حذفتها وحطيت نظرية التنظيم221 لاحضوا تشابه الارقام واخوك فالله مدرعم بكره بيروح يختبر نظرية التنظيم وفجاه فتحة الادوس بالغلط واناظر dn وشذا عما واقلب عيوني ولقيت نفسي ساحب على سلوك تنظيمي ولادريت عنه ولا بروح اختبر نظرية التنظيم وهي مهب عندي بالجدول لكن الله يسهل ونعدي على خير

[جالكسي والزمن عكسي]

مدري شكلي داخله عرض يمقن هاذي دردشه للشباب فقط بس مومشكلة... ابي اقولكم موقفي المضحك المبكي اللي صار لي امس.. عندي أخنبارتحليل تنظيمي وقطعت نفسي من المذاكره والله اول مره اذاكر بهالطريقه المهم الساعه 3اتصل على امي واوصيه تدعي لي ورسايل لخواتي ادعو لي وبرظو اول مره اسويها وبعدين رحت الجامعة ادربي راسي للجامعه الساعه4وطيران على المبنى التاسع بسم الله والقى المبنى فاضي بشكل مخيييف وربي اسمع صوت مصاريني منالخوف ياوييييلي وش السالفة المهم وأطلع وأسال قالوا لاااا أختباراتكم بالمبنى 420وطيران عالمبنى ونفس الشئ فاضييوربي تذكرت حلقة طاش ماطاش يوم صحى ناصر القصبي ولقى الشوارع فاضيه المهم بعدين قالوا لاااا روحي للمبنى الثامن واروح وقالوالاااا روحي للرابع وربي صرت امشي بدون عقل زي المجنونه وبالأخيييييير طلع اختباري منتهي من الساعه 1 الى الساعه 3وربي حسيت راح يغمى علي من الصدمه ياربي المهم واروح ادربي راسي لكلية الأقتصاد وبرضوا فاااااضيه بس كاني سمعت حرركة بعيييييييد وادخل الغرفة والقى وحده واتشعبطها تكفييييييييييييييين يالأجوديه هاذي سالفتي تكفيييين افزعي لي ويارب لك الحمد هدأت من روعي لأني أكلمها وأنا ارجف وطمنتني وقالت عبي الورقه وبإذن الله راح تنزل لك بديل وتختبرين الله يوفقها ويبارك لها ويجزاها خيييروقالت لي يافاااغر بعديييين فتحي عيونك زييييييييييييييييين وشوفي موعد إختبارك قلت والله ماعوده بس عساهم يقبلوا عذري وتنزل بديل ..... وبس تقبلوا مروري ولقافتي واتمنى من كل واحد يتاكد من جدوله قبل لايختبرولايفغر فمه زياده عن اللزوم .. وبالتوفيق للجميع

[فهد العنزان]

بارك الله فيك أخوي ابواسامة بنسبة لي حصل لي اليوم في اختبار الخدمة المدنية
تم توزيع نماذج الاجابات من قبل المراقبين نموذج أ وب المهم بعد 15 ساعه دخل دكتور جزائري قال مايصير غييروا النماذج الصفوف طلاب نموذج أ ييغيروا مكانه جلوسهم في الصف الثاني وطلاب نموذج ب في مكان طلاب أ هههههههههه ضيع علينا الدكتور 15 دقيقة وجالس يصارخ على المراقبين بيقولوا لهم غلط غلط :)
الحمدلله تم الأمر سريعاً

[مشعل أبوتركي]

العام الماضي كنت اذاكر ماده وحفظتها حفظ

وانا بالزحمة علشان ادخل مبنى 125 نظرت بمذكرة طالب واقف جنبي يذاكر

بعدها ايقنت اني اذاكر ماده موعد احتبارها بعد 4 ايام

ودخلت الاختبار بدون مذاكره وابشركم جبت فوق الـ 80 وانا لم افتح الكتاب (ماشاء الله تبارك الله)

[مشعل أبوتركي]

المشاركة الأصلية كتبت بواسطة فهد العنزان بارك الله فيك أخوي ابواسامة بنسبة لي حصل لي اليوم في اختبار الخدمة المدنية تم توزيع نماذج الاجابات من قبل المراقبين نموذج أ وب المهم بعد 15 ساعه دخل دكتور جزائري قال مايصير غييروا النماذج الصفوف طلاب نموذج أ ييغيروا مكانه جلوسهم في الصف الثاني وطلاب نموذج ب في مكان طلاب أ هههههههههه ضيع علينا الدكتور 15ساعه وجالس يصارخ على المراقبين بيقولوا لهم غلط غلط :) الحمدلله تم الأمر سريعاً

اووومآآآ 15 ساعه

جآآآري البحث عن مطااار

يمقن قصدك 15 دقيقه

[ابو اسامه 106]

اخي المباشر الله يعافيك ويبارك فيك

هذا واجب اللي اقدر اسويه ما اببخل عليه ان شاء الله

واكيد غير اذا قدر على شي بسيويه


تركي + جالكسي + فهد + مشعل

الله يعطيكم العافيه


بالنسبه لي

مره كنت اذاكر وداخل جو

المهم فجأة فتحت البنت الباب وهي تبكي اسامه ضربني

واسامه وراها قلت ليه ضربتها

ابتسم

وبهذه الابتسامة طبعا اعترفلي

قال ما ضربتها

قلت انت ما تعرف ان هناك سلطه مركزّية


كيف تتعدا هذي السلطه هاه انت ما تفهم ؟

البنت كانت تبكي وسكتت يوم سمعت الكلام

والولد والبنت كل واحد فاتح فمه

قال اسامه ايش مركزية ؟؟

قلت يالله اطلع لا عاد تضرب البنت

قفلت الباب وفكيت اضحك

-----


هذا شي حصلي اثناء المذاكره في البيت

اما في الجامعه الان ما اتذكر اذا تذكرت علمتكم


تحياتي

[فهد العنزان]

المشاركة الأصلية كتبت بواسطة مشعل أبوتركي اووومآآآ 15 ساعه جآآآري البحث عن مطااار يمقن قصدك 15 دقيقه

انا في المطار حالياً ومتأثر في نداء الرحلات هههههههههههههه صحيح 15دقيقة

[ابو اسامه 106]

المشاركة الأصلية كتبت بواسطة فهد العنزان انا في المطار حالياً ومتأثر في نداء الرحلات هههههههههههههه صحيح 15دقيقة

الله يسهل امرك يا فهد

وبحفظ الله ورعايته

تحياتي وتقديري