ابغى اكمل الترم التاني بعد الاعتذار كيييف؟

[درة البحر]

انا طالبة انتساب


خلصت سنه تحضيرية

وتخصصت تنظيم وتطوير اداري


وحصل معاي ظرف قبل الاختبار باسبوع وانجبرت اعتذر عن الترم هذا ( الاول)
مع العلم انو نزالي اعفاء الترم الاول



ابغى اكمل الترم التاني الدراسه وادخل الاختبار


ايش هي الاجرائات الي اسويها عشان اوقف الاعتذار واكمل الترم التاني؟؟؟؟


يريت تقولو بالتفصيل اروح الجامعة او عن طريق النت ؟


الله يوفق ويريح بال الي يرد علي

[النديم]

درة البحر ...

إذا انتي من أهل جدة روحي على الجامعة وخلصي أمورك حار بحار ...

وإذا أنتي من خارج مدينة جدة أرسلي معاملة إلكتروينة عشان يرجع قيدك للترم الجاي بإذن الله

وتابعي طلبك أول بأول و إن شاء الله راح تكون سهلات ...

ما تحتاج إنك تشيلي همها لكن لا تتهاوني و تهميليها لأن بعض الأحيان المعاملات الإلكترونية تاخذ وقت

و ما يتم الرد عليها بسرعة فعليك بالمتابعة ....

ملاحظة مهمه أبقولها لك دام نزلك إعفاء أغتنمي هذه الفرصة لأنه والله غيرك يتمنها و لا حصلها فحرام تضيعيها منك .

و إن كان على الظروف من منا بلا ظروف و فيه ناس ظروفها أصعب مننا نسأل الله لنا ولهم ولك التوفيق

والله يكتب لك التوفيق .....

[درة البحر]

يعطيك العافية


انا خارج جدة



ومين قال انو انا ببطل مثلا


او بضيع الفرصه

كل السالفه ابوي توفى ربي يغفر له وماقدرت ادخل اختبار

[انجلينا]

الله يرحمه ويغفر له اختي ارسلي معاملة الكترونية وبالتوفيق

[العنودد]

/

http://www.skaau.com/vb/showthread.php?t=510610




شيكي على موضوعي ، الله يووووووووووفقك خيتوو ^^

[درة البحر]

ارسلت معامله من 4 ايام مافي رد



الجامعة مداومين الاسبوع الجاي بروح اشوف حل


الله يعين ع السفر

[talal95]

خيتووو انجلينا لوسمحتي ربي يوفقك دنيا واخرة انا اعتذرت عن الترم هذا لظروفي خاصة مع العلم اني دافع التكاليف هل اسوي مثل طريقة الاخت درة البحر ممكن تفيدني ربي يسعدك