البداية المبكرة بك والمتأخرة بخ في بحوث العمليات

[سعود بن عبود]

بك = بداية مبكره
بخ = بداية متأخرة
هك= نهاية مبكرة
هخ = نهاية متأخرة
فك = فائض كلي
و = وقت النشاط


خطوات الحل :

1- ارسم الشبكة
2- حدد المسار الحرج
المسار الحرج = اطول المسارات من البداية الى النهاية حسب الوقت وليس حسب عدد الانشطة

وقت المسار الحرج = وقت تنفيذ المشروع


للحصول على :
بك= مجموع طول النشاطات السابقة للنشاط (نأخذ اطول مسار في حال وجود اكثر من مسار)
اي نشاط يبدأ من 1 بك = 0
بخ = المسار الحرج - (طول النشاط المطلوب + ما بعده من الانشطة حتى نهاية المشروع) نأخذ اطول مسار في حال وجود اكثر من مسار
هك = الوقت + البداية المبكرة
هخ = الوقت + البداية المتأخرة
فك = البداية المتأخرة - البداية المبكرة أو
فك = النهاية المتأخرة - النهاية المبكرة


بالتوفيق

[Abu Amaar]

يارب سترك يعني هذي مادة حسابية ننتهي من مبادى المحاسبة نطيح في هذي

الله يوفقكم يارب سهلها علينا مدري ويش دخل هذي المواد الحسابية في ادارة عامة ؟

[أبو دانا]

ماكاني درستها واللله

الله يستر من الاختبار اليوم

[sakhar]

مــــين إلــي مــــين !!
ووش ذنــب الــــــي مالـــه ذنـــــب !!!؟؟؟

ما أقول الا : الله يعين ويوجهنا على الحل الصحيح

[مشوار طويل]

حل اخر

قم برسم مربعين فوق بعض عند كل نقطه

وسجل تحت الوقت المبكر

ولحسابه دائما نضع باول مربع للاوقات المبكره صفر وبعدها نتجه للدائر التي بعده اذا كان يدخل عليها سهم واحد نأخذ نفس الرفم الموجود على الخط وبعدها ننتقل على الدائر التي تليها اذا كان يدخل عليها سهم واحد ناخذ نفس الرقم الي على الخط ونجمعه مع نفس الرقم الي في المربع الي سجلنها قبل وامش الى الاخير

اما اذا كان الدائره يدخل عليها اكثر من سهم نجمع الرقم الي بالمربع المسجل سابقا مع الرقم الي على نفس الخط من كل السهمين المتجه على الدائر ونأخذ الاعلى منها

.............................................


سجل بالمربع الي فوق الوقت المتاخر

اما بالنسبه الى حساب الاوقات المتاخره

نبداء من نهاية الشبكه عند اخر رقم سجلنها للاوقات المبكره ونضعه نفس الرقم للاوقات المتاخر بس في اخر مربع في الشبكه
ونرجع عكس اذا كان الدائر يخرج منها سهم واحد نطرح الرقم الي سجلنها في المربع من نفس الرقم الي على العمود (السهم ) ونسجله بالمربع التالي ونستمر على الدائره الاخر اذا كان يطلع منها سهم واحد ناخذ الرقم الي سجلنها بالمربع السابق ونطرح من الرقم الي مسجل على العمود ونحط بالمربع

اما اذا كان الدائرة يخرج منها اكثر من سهم

نشوف احد الطرفين اول ونطرح من المربع الاول والرقم الي على العمود ونطلع النتيجه ونسوي كذا على الطرف الثاني
ونشوف اقل قيمة ونسجلها بالمربع ونمشي على بقية الشبكه بالعكس



ممكن تاخذ لك مساله وتحاول تحل اول على شبكه صغيره بعدين حاول على شبكه كبيره وتبداء خطوة خطوة

راجع مذكرة الطيار وتلقى شبكات محلوله صغيره وكبيره طبق عليها وراح تجي معاك صح باذن الله


بالتوفيق للجميع

واتمنى انو افدتكم

[ONLY6]

الله يجزاك خير ...
شرح طيب ومختصر

[مشوار طويل]

طلاب

الي مو فاهم يكتب لي اي نقطه وافهما اياها

الله يوفق اللجميع

[الشرق]

بصراحه الحصول على البداية المتأخرة بخ ماهي ضابطه معي ياليت احد يشرح لنا اسهل طريقة يمكن الحصول من خلالها على البداية المتأخرة بخ

[مشوار طويل]

المشاركة الأصلية كتبت بواسطة الشرق بصراحه الحصول على البداية المتأخرة بخ ماهي ضابطه معي ياليت احد يشرح لنا اسهل طريقة يمكن الحصول من خلالها على البداية المتأخرة بخ

اهلين اخوي الحين اذا ضبطت معاك الاوقات المبكره خلاص راح تضبط معاك المتاخره

الحين اخر مربع بالشبكه مو سجلت فيه الوقت المبكر روح سجل نفس الرقم الي طلع للمبكر بنفس المتاخر
وطالع الدائر من كل الطرفين كم طالع من سهم اذا سهم واحد
خلك راجع اعكس الشبكه يعني ... اطرح الرقم الي سجلته بالمربع من الرقم الي بالعمود وسجه بالمبرع الي بعده

واذا ان الدائره الي قبل طالع من سهمين اطرح المسجل في المربع من كل عمود من الطرفين

وشوف اقل رقم وروح سجله وامشي مثل كذا

ابداء خطوه خطوه وحل اول وقدامك الحل وبعدها حاول تحل بدون ماتناظر للحل

بالتوفيق ارجع لمذكرة الطيار

[مشوار طويل]

حبيت اذكرك لاتناظر بالدائره الي بتعبئة فيها الخانه

ناظر بالدائر الي قبلها كم طالع منها سهم


هذا بالنسبه للاوقات المتاخره




اما بالنسبه للاوقات المبكره

ناظر بالدائره الي بتعبئة الرقم فيها كم داخل عليها سهم


بالتوفيق