ارجو الافاده ياطلاب مستوى ثالث مسار عام الله يجزاكم خيـر

[ملك الصمت]

السلام عليكم

يااخواني انا طالب مستوى ثالث مسار عام
وللحين ماذاكرت ولا شريت كتب ولا ملخصات بسبب ظروف خاصه
بس اللي ابيه منكم تفيدوني بعض الاستفسارات الله يجزاكم الجنه
1 / انا سددت قبل اسبوع ودخلت الاودس مافي جدول لي ابد اضغط الجدول الدراسي يقول المواد الفعليه وماجنبها شي مادري شلون اعرف موادي الدراسيه

2 / بالنسبه للحذف والاضافه والله مادري وش السالفه فيه ياليت احد يفيدني افاده مختصر
وشنو الفرق بين اختياري والحره

3 / كم اضيف من ماده لازم يعني اسمع مواد غريبه اقناع ومشاريع من وين تجيبون هي

4 / الاستفسار الاخير وش اسهل المواد الحره والاختياريه ياليت اللي مثل تخصصي يعرفني وش اختار لكي يساعدني


ولكم جزيل الشكر والامتنان

[محمدالزعبي]

هلا بك اخوي ملك الصمت
اول حاجه دام مافيه جدول معناها لازم تروح للحذف والاضافه وتضيف المواد من هناك وياليت تسرع لان بكره او بعده ويقفل الحذف والاضافه
ثاني نقطه روح على الخطه الدراسيه للقسم وخذ منها اسماء المواد ورموزها وضيفها من الحذف والاضافه امش على الخطه افضل لك
ومواد الحره والاختياريه اشوف انك بدري عليها خله لرفع المعدل وتسهيل المواد الصعبه وانصحك فيها من المستوى الخامس وفوق الحين حاول تخلص المواد الاساسيه
وبالتوفيق ياطيب

[ملك الصمت]

مشكور اخوي

بس ابي اعرف اللي مثل تخصصي ونفس مساري

وش المواد حقتهم ابي اعرفها بدون حذف واضافه

[ميي توو]

هلا اخوي ملك الصمت
ارسلي رقم جوالك عالخاص واكلمك اعلمك وش افضل مواد لك
انا مثل تخصصك ادارة عامة - عام بس باقي سنه عالتخرج ان شاء الله
لان يوم الاربعاء اخر يوم لتعديل الجداول
وانت الحين ما نزلت ولا ماده على فكرة يعني بتروح عليك فلوسك وبس

[ميي توو]

واذا ودك اكتب لك المواد هنا ما عندي مشكلة
بس قلت اكلمك افضل عشان اعرف انت وش خلصت وايش باقي لك ..

[محمدالزعبي]

ادخل على الادوس صفحتك الخاصه
روح على الخطه الدراسيه للقسم وخذ منها اسماء المواد ورموزها وضيفها من الحذف والاضافه امش على الخطه افضل لك
وتحصل المواد اللي تبي ولو حاب اعلمك حسب معرفتي وش الاسهل والاصعب اكتب لي موادك

[××المحارب××]

شباب شباب على مهلكم
مي توو
اوخوي محمد الزعبي
انا مسدد لي يومين وللحين مانزلت لي قائمة بالمواد في تبويب الحذف والاضافة ليش
تخصصي ادارة والتنظيم والتطوير الاداري
مستوى ثلاثة
والله خوفتوني
اشلون يوم الاربعاء اخر يوم طيب هما للحين مانزلو لي المواد
اش السواة

[محمدالزعبي]

هم ماينزلون لك المواد اخوي
روح الحين على الادوس وطبق مثل ماقلنا حق اخوي ملك الصمت
روح للخطه الدراسيه ويبين لك المواد اللي خلصتها واللي واقف عليها الدور
اخذ اسم الماده ورمزها وبعدين روح على الحذف والاضافه وضيفها على حسب الرمز اللي معاك وعدد الساعات يبين معاك تحت في الحذف والاضافه
موفق يابطل لان باقي يومين ولو ماضفتها تعتبر مطوي قيد بسبب عدم وجود مواد وتحول فلوسك للترم اللي بعده

[ميي توو]

^
^
كفّى ووفّى اخـوي محمـد الزعبـي ..!!

واذا ما فهمت برضو مستعدين يا خالـي ..!!

[احمد الحربي04]

انا في نفس مستواك المواد اللي نزلتها
1- مبادئ محاسبة
2- ثقافة اسلامية
3- قانون
4- مبادئ الادارة العامة
5- اللغة العربية
6- مبادئ العلوم السياسية
وهذي المواد اللي موجودة بنفس الخطة الدراسية
وافضل لك يا خوي عشان ما تتلخبط تمشي على نفس الخطة